Bigg Boss Marathi : बिग बॉस आर्यानं निक्कीला कानफडवल्याचा व्हिडीओ दाखवा; नेटकऱ्यांची बिग बॉसकडे मागणी

Bigg Boss Marathi 5 : आर्याने निक्कीच्या कानाखाली जाळ काढल्यानंतर, आम्हालापण कानाखाली मारलेला व्हिडीओ बघायचा आहे, अशी मागणी बिग बॉस प्रेमींनी केली आहे.

Bigg Boss Marathi 5

Source : Colors Marathi

Bigg Boss Marathi Season 5 : बिग बॉस मराठीच्या घरात सध्या फुल्ल ऑन राडा पाहायला मिळत आहे. बिग बॉस मराठीच्या घरात काल कॅप्टन्सी टास्क पार पडला. या टास्कमध्ये आर्या आणि निक्कीमध्ये राडा झाल्याचं पाहायला मिळालं.निक्की आणि आर्यामधील वाद इतका पेटला की, आर्याने निक्कीच्या थोबाडीत पेटवली. यानंतर निक्की रागाने बाहेर येत बिग बॉसकडे आर्याला घराबाहेर काढायची मागणी करताना दिसली. यादरम्यान, आता प्रेक्षकांनी बिग बॉस मराठीकडे खास मागणी केल्याचं दिसत आहे.

आर्याने निक्कीच्या कानाखाली काढलाय जाळ

बिग बॉस मराठीच्या (Bigg Boss Marathi 5) घरात कॅप्टन्सी टास्क दरम्यान आर्या आणि निक्कीमध्ये झटापट झाली.  जादूई मोतीच्या टास्कमध्ये बाथरुमध्ये निक्की आणि आर्या यांच्यात वाद झाला, त्याच रुपांतर झटापटीत झालं. या झटापतीत आर्याने निक्कीच्या कानाखाली लगावली. कालच्या भागात निक्की आणि आर्याचं भांडण आणि त्यानंतर निक्की रागाने बाथरुम एरियातून बाहेर पडताना दिसली, पण आर्याने निक्कीच्या कानशिलात लगावली, हे फुटेज दाखवण्यात आलं नाही. त्यामुळे प्रेक्षक आता ते फुटेज दाखवण्याची मागणी करत आहेत.

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

नेटकरी म्हणतायत, फुटेज दाखवा

आर्याने निक्कीच्या कानाखाली मारल्यानंतर नेटकऱ्यांकडून आर्याचं कौतुक होताना दिसत आहे. एका नेटकऱ्याने कमेंटमध्ये म्हटलंय, 'आर्यानी जे काय केलं ते चांगलंच केलं. जाळ अन् धूर संगच काढला. नाद खुळा मराठमोळी आर्या... निक्कीच्या गालावरती बोटे दिसत नाहीत.' दुसऱ्याने म्हटलंय, 'मस्त आर्या आजचा एपिसोड तुझ्यासाठी'. आणखी एकाने लिहिलंय, 'निक्कीला भिडायची जर कुणात ताकत असेल तर ती आर्या आहे.' 'मला फक्त आर्याने निक्कीच्या कानाखाली जाळ काढला तेवढेच बघायचे आहे फक्त, कारण निक्कीवर आमचा विश्वास नाही.',असं म्हणत एकाने कानाखाली मारतानाचं फुटेज दाखवण्याची मागणी केली आहे. 

बिग बॉस आर्याला काय शिक्षा देणार?

निक्कीच्या कानशिलात लगावत आर्याने 'बिग बॉस'च्या नियमांचे उल्लंघन केले आहे. त्यामुळे बिग बॉस आर्याला काय शिक्षा ठोठावणार? हे जाणून घेण्याची सर्वांनाच आता उत्सुकता आहे. कानशिलात लगावल्यानंतर निक्कीने बिग बॉसला आर्याला घरी पाठवा अशी विनंती केली होती. आता बिग बॉस काय निर्णय घेणार हे पाहावे लागेल.

महत्त्वाच्या इतर बातम्या :