Bigg Boss 17 : 'या' दिवशी सुरू होणार 'बिग बॉस 17'; धमाकेदार प्रोमो आऊट
Bigg Boss 17 : 'बिग बॉस 17' या कार्यक्रमाचा धमाकेदार प्रोमो आऊट झाला आहे.
Bigg Boss 17 Promo : छोट्या पडद्यावरील वादग्रस्त पण तितकाच लोकप्रिय असणारा कार्यक्रम म्हणजे 'बिग बॉस' (Bigg Boss). या कार्यक्रमाचं नवं पर्व अर्थात 'बिग बॉस 17' (Bigg Boss 17) लवकरच प्रेक्षकांच्या भेटीला येणार आहे. बॉलिवूडचा भाईजान सलमान खान (Salman Khan) हा कार्यक्रम होस्ट करणार आहे. आता या कार्यक्रमाचा नवा धमाकेदार प्रोमो आऊट झाला आहे.
'बिग बॉस ओटीटी'नंतर आता 'बिग बॉस 17' प्रेक्षकांच्या भेटीसाठी सज्ज आहे. 'बिग बॉस 17'चा धमाकेदार प्रोमो आऊट झाला असून तो प्रेक्षकांच्या पसंतीस उतरला आहे. 'बिग बॉस 17'मध्ये प्रेक्षकांना अनेक ट्वीस्ट पाहायला मिळणार आहेत. त्यामुळे या कार्यक्रमाला चांगला टीआरपी मिळू शकतो.
'बिग बॉस 17'चा प्रोमो आऊट (Bigg Boss 17 Promo Out)
'बिग बॉस 17' या कार्यक्रमाचा प्रोमो कलर्स टीव्हीने शेअर केला आहे. प्रोमो शेअर करत प्रीमियर डेटदेखील जाहीर करण्यात आली आहे. कलर्स टीव्हीने प्रोमो शेअर करत लिहिलं आहे,"जिसके सीने में हो जिगर, उनको बिग बॉसके औरसे क्या होगी फिकर".
View this post on Instagram
'बिग बॉस 17' कधी होणार सुरू?
सलमान खानच्या 'बिग बॉस 17' या कार्यक्रमात एकापेक्षा एक स्पर्धक सहभागी होणार आहेत. 15 ऑक्टोबर रात्री 9 वाजता 'बिग बॉस 17' या कार्यक्रमाचा प्रीमियर होणार आहे. तर जिओ सिनेमा या ओटीटी प्लॅटफॉर्मवर हा कार्यक्रम 24 तास प्रेक्षक लाईव्ह पाहू शकतात.
'बिग बॉस 17'मध्ये 'या' स्पर्धकांचा समावेश
'बिग बॉस 17'मध्ये कोणते स्पर्धक सहभागी होणार हे जाणून घेण्यासाठी बिग बॉसप्रेमी उत्सुक आहेत. अंकिता लोखंडे, ईशा मालवीय, अर्जित तनेजा, ऐश्वर्या शर्मा आणि अरमान मिलिक या स्पर्धकांचा 'बिग बॉस 17'मध्ये समावेश होऊ शकतो, अशी शक्यता वर्तवली जात आहे.
'बिग बॉस 17'चा एक प्रोमो काही दिवसांपूर्वी आऊट करण्यात आला होता. या प्रोमोमध्ये सलमान म्हणत होता की,'बिग बॉस 17'मध्ये हृदय, बुद्धी आणि शक्ती असे बिग बॉसचे तीन अवतार तुम्हाला पाहायला मिळतील. यंदा 'बिग बॉस' एक वेगळाच रंग दाखवणार आहे..तुम्हीही थक्क व्हाल".
संबंधित बातम्या
Bigg Boss 17 : 'बिग बॉस 17'चा प्रोमो आऊट! भाईजानचा लूक पाहिलात का?
महत्त्वाच्या बातम्या
