Bigg Boss 16 : सलमान खानने घरातील स्पर्धकांना दिली पार्टी; मान्या-श्रीजितामध्ये जोरदार भांडण

Salman Khan : सलमान खानने 'बिग बॉस 16'मधील स्पर्धकांना खास भेट दिली आहे.

Bigg Boss 16

Bigg Boss 16 Weekend ka Vaar : 'बिग बॉस 16' (Bigg Boss 16) हा वादग्रस्त कार्यक्रम प्रेक्षकांच्या भेटीला आला असुन या कार्यक्रमात पहिला 'वीकेंड का वार' पार पडला आहे. पहिल्या वीकेंडला सलमान खान (Salman Khan) स्पर्धकांसोबत छान वेळ घालवताना दिसून आला आहे. दरम्यान भाईजानने स्पर्धकांना काही सूचनादेखील दिल्या. 

पाच सदस्य नॉमिनेट

पहिल्या आठवड्यातील नॉमिनेट होण्याच्या प्रकियेपासून गोरी नागोरी सुरक्षित झाली होती. तर साजिद खान, एमसी स्टॅन, अर्चना गौतम, गौतम विग आणि शिव ठाकरे हे पाच सदस्य 'बिग बॉस 16'च्या पहिल्याच आठवड्यात नॉमिनेट झाले आहेत. शिव ठाकरे हा मराठी बिग बॉसचा विजेता ठरला होता. त्यामुळे आता या पर्वातील पहिल्या आठवड्यात कोण घराबाहेर पडणार याकडे प्रेक्षकांचं लक्ष लागलं आहे. 

भाईजानने स्पर्धकांना दिली पार्टी

सलमान खानने स्पर्धकांना सांगितलं होतं,"जर पहिल्यांदा शाळा घेण्यासाठी बिग बॉसच्या घरात आलो तर स्पर्धकांना पार्टी देईल. पण या पार्टीत फक्त दहा स्पर्धक सहभागी होऊ शकतात. सलमान पार्टीसाठी अब्दूचं नाव घेत म्हणाला,"अब्दू आपला पाहुणा आहे. त्यामुळे त्याला संधी मिळायला हवी". तसेच सलमानने अब्दूकडे एका सदस्याला सोबत आणण्याची जबाबदारी दिली. त्यामुळे अब्दू कॅप्टन निमृत कौरसोबत सलमानकडे गेला. 

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

मान्या-श्रीजितामध्ये भांडण 

सलमान खानसोबत अब्दू, निमृत कौर, गौतम, शालीन, सुंबुल, टीना, सौंदर्या, एससी स्टेन, साजिद खान आणि शिव ठाकरे सहभागी झाले होते. या स्पर्धकांनी सलमानसोबत जोरदार पार्टी केली. दरम्यान भाईजानने अनेक स्पर्धकांवर निशाणा साधला. पार्टी दरम्यान मान्या सिंह आणि श्रीजितामध्ये जोरदार भांडण झाले. 

अब्दु-साजिदने केली मजा

सलमान खानने साजिद खानला घरातील सदस्यांची फिल्मी नावं घेण्यास सांगितली. त्यावेळी त्याने अब्दूला छोटा चेतन म्हटले. त्यानंतर त्याने शालीनची चेष्टा करत शाळा घेतली. सलमान खानने अब्दुला खास डंबेलची भेट दिली. भाईजान बिग बॉसच्या घरात आल्याने अब्दुसह घरातील सर्व स्पर्धकांना आनंद झाला होता. 

संबंधित बातम्या