Nikhil Rajeshirke:बिगबॉस मराठी फेम निखिल राजेशिर्केनं बांधली लग्नगाठ, खास मित्रमैत्रिणींची लग्नात धमाल
काही दिवसांपूर्वी निखिलनं त्याच्या होणाऱ्या पत्नीसोबत फोटो शेअर करत लग्न करणार असल्याची गुडन्यूज चाहत्यांना दिली होती.
Nikhil Rajeshirke: बिगबॉसच्या चौथ्या पर्वात आपल्या आगळ्या वेगळ्या अंदाजात झळकलेला आणि मराठी मालिका, चित्रपटांमधून प्रेक्षकांचं मनोरंजन करणारा मराठमोठा अभिनेता निखिल राजेशिर्के यानं खासगी आयुष्यातल्या त्याच्या इंनिंगला सुरुवात केलीय. गेल्या काही दिवसांपासून त्याच्या लग्नसोहळ्यामुळे निखिल चर्चेत होता. रविवारी त्याचा लग्नसोहळा पार पडला. त्याचा विवाहसोहळा नुकताच राजश्री मराठीनं त्यांच्या इंस्टाग्रॅमवर पोस्ट केलाय.
काही दिवसांपूर्वी निखिलनं त्याच्या होणाऱ्या पत्नीसोबत फोटो शेअर करत लग्न करणार असल्याची गुडन्यूज चाहत्यांना दिली होती. आता चैत्राली मोरे हिच्यासोबत पारंपरिक पद्धतीनं निखिल लग्नगाठ बांधली आहे. घरातील जवळच्या नातेवाईांसह खास मित्रांनीही त्याच्या लग्नाला हजेरी लावल्याचं दिसलं.
चाहूल नव्या नात्याची..
निखीलनं काही दिवसांपूर्वी त्याच्या सोशल मीडिया अकांऊंटवरून त्याच्या लग्नाची बातमी चाहत्यांना दिली होती. दुसऱ्या एका पोस्टमध्ये प्रीवेडींग शुटचेही काही फोटो त्यानं शेअर केले होते. रविवारी त्याच्या लग्नसोहळा पार पडला. यावेळी चैत्राली मोरे हिच्यासोबत पारंपरिक पद्धतीनं त्यानं लग्न केलं. यावेळी त्याच्या लग्नाला त्याची मैत्रिण अभिज्ञा भावेही उपस्थित असल्याचं दिसलं. तिने या दोघांना शुभेच्छा देणारी एक स्टोरीही पोस्ट केली आहे. यात पिवळ्या शालूत निखीलची पत्नी चैत्राली आणि नवरदेवाच्या लुकमधला निखील या दोघांची जोडी दिसत आहे.
बायकोसाठी गाणं, हळद समारंभाचे क्षणही केले शेअर
निखीलनं त्याच्या हळद समारंभाच्या काही धमाल गोष्टी फॅन्ससोबत शेअर केल्याचं दिसलं. त्यात त्यानं त्याच्या होणाऱ्या बायकोसाठी गाणं गायलं. घरातील कुटुंबासमवेत हळद समारंभ साजरा करतानाचे काही क्षणही त्यानं शेअर केले होते.
मालिकांमधील भूमिकांनी पोहोचला घरोघरी
निखील राजेशिर्के बिगबॉस मराठीच्या चौथ्या पर्वात दिसला होता. त्यावेळी त्याची मोठी चर्चा झाली होती. टीव्ही मालिकांमधून निखील घरोघरी ओळखला जाऊ लागला. त्याच्या सर्वच भूमिका प्रेक्षकांच्या लक्षात राहिल्या आहेत. रंग माझा वेगळा, अरुंधती, छोटी मालकीण, माझी तुझी रेशीमगाठ, मुव्हिंग आऊट अशा कलाकृतींमधून प्रेक्षकांचं मनोरंजन करणाऱ्या निखीलनं लग्नगाठ बांधल्यानंतर त्याच्या जोडीचं सगळीकडं कौतूक होताना दिसतंय.
हेही वाचा:
महत्त्वाच्या बातम्या
ट्रेंडिंग न्यूज
