Bigg Boss Marathi : अरबाजच्या इमोशनचा बनलाय जोक, निक्की म्हणतेय डरपोक! पायपुसणं की खराखुरा लव्ह अँगल?

Bigg Boss Marathi New Season : बिग बॉस मराठीच्या घरात सध्या निक्की आणि अरबाजच्या मूडवर घरच्यांचा मूड अवलंबून असल्याचं दिसत आहे.

Bigg Boss Marathi New Season

Source : Colors Marathi

Bigg Boss Marathi Season 5 : बिग बॉस मराठीच्या घरात दिवसेंदिवस समीकरणं दिवसेंदिवस बदलताना दिसत आहेत. गेल्या आठवड्यात टीम ए मध्ये फूट पडल्याचं पाहायला मिळालं. टीम A पासून निक्कीनं स्वत:ला वेगळं केल्याचं पाहायला मिळालं. निक्की आणि अरबाजमध्ये या आठवड्यात जोरदार भांडणं पाहायला मिळाली. दोघांनी एकमेकांसोबत खूप वाद घातला. या दोघांच्या भांडणाचा फायदा घरातील इतर सदस्यांनी घेतल्याचं पाहायला मिळालं. दरम्यान, निक्की आणि अरबाज पुन्हा एकत्र येणार असल्याचं प्रोमोमध्ये दिसत आहे.

अरबाजच्या इमोशनचा बनलाय जोक

बिग बॉसच्या घरातील (Bigg Boss Marathi 5) सदस्य एकीकडे निक्की आणि अरबाजला एकमेकांपासून दूर ठेवायचा प्रयत्न करताना दिसत आहेत. अरबाजही सदस्यांचं ऐकून निक्कीसोबत कचाकचा भांडताना दिसला मात्र, अरबाजला निक्कीशिवाय करमत नसल्याचं दिसत आहे. निक्कीपासून दूर राहणं अरबाजला जमत नाहीय आणि त्याला करमतही नाहीय. अरबाजची गाडी फिरून-फिरून निक्कीकडे येत असल्याचं दिसत आहे. 

निक्की अरबाजला म्हणतेय डरपोक

एकीकडे अरबाजच्या इमोशनचा जोक बनलाय, तर त्यामुळे निक्की त्यालाच डरपोक म्हणत असल्याचं प्रोमोमध्ये दिसत आहे. प्रोमोमध्ये अरबाजने काचेवर "I Miss You" लिहिलेलं दिसत आहे. त्यानंतर तो हार्टदेखील काढतो. निक्कीपासून दुरावणं अरबाजला सहन होत नसल्याचं प्रोमोवरून स्पष्ट होत आहे. तर अरबाजला आर्याचा मात्र चांगलाच पाठिंबा मिळत आहे. आधीच्या भागातही आर्याने अरबाजला निक्कीसोबत बोलून गैरसमज मिटवण्याचा सल्ला दिला होता.

पायपुसणं की खराखुरा लव्ह अँगल?

अभिजीतनं निक्कीला दिलं जॅकेट

बिग बॉस मराठीच्या घरातील सदस्य 'बिग बॉस' काय आदेश देणार हे जाणून घेण्यासाठी जमले आहेत. दरम्यान निक्कीला प्रचंड थंडी वाजते. त्यानंतर अभिजीत त्याचं जॅकेट निक्कीला देतो. त्यामुळे डीपी दादा आणि अंकिताला मात्र हसू येतं. त्यावर बिग बॉस म्हणतात,"धनंजय, अंकिता फार हसू येतंय... मलाही सांगा हा जोक". त्यावर डीपी दादा म्हणतो,"बिग बॉस काही जोक नव्हता". पुढे बिग बॉस म्हणतात, "मी सांगू का आपल्या मनात काय होतं...जाऊदे". 

महत्त्वाच्या इतर बातम्या :