Anshuman Vichare Birthday: दगडाचं कामही भीक मागून मिळवलं, 'फु बाई फू'नं दिली ओळख, अंशुमन विचारेनं विनोदी विश्वात 'असं' टाकलं पाऊल
आता वेगवेगळ्या विनोदी नाटकांमधून सिनेमांमधून प्रेक्षकांना खळखळून हसवणाऱ्या अंशुमनचं पहिलं काम दगडाचं होतं. नुकत्याच एका युट्यूब चॅनलला दिलेल्या मुलाखतीत त्याच्या पहिल्या कामाचा किस्सा त्यानं सांगितला.
Anshuman Vichare Birthday: आपल्या विनोदी शैलीनं प्रेक्षकांना मनमुराद हसायला भाग पाडणारा अभेनेता अंशुमन विचारे यानं अचूक पंच काढत कायमच प्रेक्षकांचं मन जिंकलं आहे. कॉमेडीची बुलेट ट्रेन, फू बाई फू, महाराष्ट्राची हास्यजत्रा यासारख्या विनोदी कार्यक्रमांमधून चाहत्यांना रोजच्या कामातून थोडासा विरंगुळा मिळवून देणाऱ्या अंशुमन विचारे या अभिनेत्याचा आज वाढदिवस आहे. मनोरंजन विश्वात कोणताही गॉडफादर नसलेल्या अंशुमनला त्याच्या क्षेत्रात प्रचंड स्ट्रगल करावा लागला आहे. आता वेगवेगळ्या विनोदी नाटकांमधून सिनेमांमधून प्रेक्षकांना खळखळून हसवणाऱ्या अंशुमनचं पहिलं काम दगडाचं होतं. नुकत्याच एका युट्यूब चॅनलला दिलेल्या मुलाखतीत त्याच्या पहिल्या कामाचा किस्सा त्यानं सांगितला.
अंशुमनला करायचं होतं हॉटेल मॅनेजमेंट
आपल्या प्रत्येकाला लहानपणी आपण ॲक्टर व्हावं असं वाटत असतं. चाळीत राहणाऱ्यांकडे तर दर तिसच्या घरात एक ॲक्टर असतो. मी तर कोकणस्थ आहे. त्यामुळे मी तर पहिल्यापासूनच ॲक्टर आहे. आपल्या आईवडिलांशी आपण कसं बोलतो इथपासूनच ॲक्टींग येते ना.. पण मला सुरुवातीला आपण हॉटेल मॅनेजमेंट करावं असं फार मनात होतं. असं अंशुमन म्हणाला. पण या कोर्सची फीस न परवडल्यानं ग्रॅड्यूएशनच्या दरम्यान नाटक एकांकीकांकडे वळल्याचं तो सांगतो.
पहिला चान्स कसा मिळाला?
आपण जेंव्हा क्षेत्रात नवे असतो. आपल्यामागे कोणताही गॉडफादर नसतो तेंव्हा काम कसं मिळवायचं हा मोठा स्ट्रगल असतो. मग याच्याकडे भीक माग त्याच्याकडे भीक माग हे होतं. सोबत या क्षेत्रात येऊ इच्छिणारे हा आपल्याला चान्स देईल असं म्हणले म्हणून एकाकडे गेलो.तो ही म्हणला चान्स देतो. मी सध्या शाहरुखसोबत काम करतोय वगैरे बऱ्याच थापा त्यानं मारल्या..मग म्हणाला काम मिळवायचं असेल तर पैसे भरावे लागतील. ही सगळी गंमत सांगत नाद सोडला आणि एकांकिका स्पर्धा..याला भेट त्याला भेट असं करत करत पहिला रोल मिळाला तो एका नाटकात. तोही दगडाचा! दगडाचा रोलही भीक मागूनच मिळाला. पण कामासाठी मी चिकटा असल्याचं अंशुमन म्हणतो. मन लावून काम केलं आणि दगडाच्या रोलसाठी उत्तेजनार्थही मिळालं.
फू बाई फू या शोनं घराघरात पोहोचवलं...
एकांकिका, नाटक, सिनेमा, गाणं अशा सगळ्याच कामात कामानं स्वत:ला सिद्ध केलेल्या अंशुमनची चमक फु बाई फु या विनोदी शोनं घराघरात पोहोचवली. रात्री टीव्हीवर लागणाऱ्या या कार्यक्रमातून अंशूमन घरोघरी पोहोचला. वरात आली घरात, भरत आला परत अशा अनेक सिनेमांमधूनही अंशूमननं त्याच्या कामाची छाप सोडली. एका कामातून दुसरं काम शोधत आता विनोदी विश्वात आघाडीचा नट म्हणून तो ओळखला जातो.
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
