Tejashri Pradhan: 'वीण दोघांतली ही तुटेना'च्या सेटवरील 'तो' VIDEO व्हायरल; तेजश्री प्रधानची कमेंट चर्चेत, म्हणाली...
Veen Doghantli Hi Tutena: 'वीण दोघांतली ही तुटेना' मालिकेच्या सेटवर तेजश्री प्रधानचा वाढदिवस साजरा.
Tejashri Pradhan Birthday Celebration: मराठी टीव्ही विश्वात सध्या 'वीण दोघांतली ही तुटेना' (Veen Doghantli Hi Tutena) ही मालिका प्रचंड गाजत आहे. तेजश्री प्रधान (Tejashri Pradhan) आणि सुबोध भावे (Subodh Bhave) या मालिकेत मुख्य भूमिकेत (Marathi Serial) आहेत. तेजश्री प्रधानच्या या मालिकेला प्रेक्षकांकडून भरभरुन प्रतिसाद मिळतो आहे. तिनं आतापर्यंत अनेक मालिकांमध्ये काम केलं आहे. तिची 'होणार सून मी या घरची' (Entertainment) ही मालिका देखील प्रचंड गाजली. 'वीण दोघांतली ही तुटेना' या मालिकेत अभिनेत्रीने स्वानंदीची भूमिका साकारली आहे. या पात्राला प्रेक्षकांकडून भरभरुन प्रतिसाद मिळतो आहे. अभिनेत्री साकारत असलेली स्वानंदी ही भूमिका प्रेक्षकांचं लक्ष वेधून घेत आहे.
दरम्यान, तेजश्री सध्या आपल्या स्वानंदी या पात्रामुळे नसून, आपल्या वाढदिवसामुळे चर्चेत आहे. 'वीण दोघांतली ही तुटेना' या मालिकेच्या सेटवर अभिनेत्रीचा वाढदिवस दणक्यात साजरा करण्यात आला. तिच्या वाढदिवसाचा व्हिडीओ सोशल मीडियात व्हायरल होत आहे. या व्हायरल व्हिडीओवर तेजश्री प्रधानने कमेंट केली आहे. सध्या तेजश्रीची कमेंट सोशल मीडियात व्हायरल होत आहे.
तेजश्रीच्या वाढदिवसानिमित्तचा व्हिडीओ व्हायरल (Veen Doghantli Hi Tutena actress birthday)
View this post on Instagram
पुष्पगंध फिल्म कंपनीनं आपल्या अकाऊंटवर व्हिडीओ शेअर केला आहे. या व्हायरल व्हिडीओत मालिकेचा सेट आणि सेटवर सजावट केलं असल्याचं पाहायला मिळत आहे. व्हिडीओत सुंदर लाईट आणि फुग्यांची सजावट केली असल्याचं पाहायला मिळत आहे. यानंतर तेजश्री केक कापून आपला वाढदिवस साजरा करते. सेटवरील सर्व जण तिला वाढदिवसाच्या शुभेच्छा देतात. या व्हिडीओला 'पुष्पगंध फिल्म कंपनीच्या झी मराठीवरील वीण दोघांतली ही तुटेना मालिकेच्या सेटवर साजरा केला आपल्या लाडक्या स्वानंदीचा म्हणजेच अभिनेत्री तेजश्री प्रधानचा वाढदिवस...' असं कॅप्शन देण्यात आलं आहे.
व्हायरल व्हिडीओवरील तेजश्री प्रधानची कमेंट व्हायरल (Tejashri Pradhan thanks cast and crew)
हा व्हिडीओ सोशल मीडियात प्रचंड प्रमाणात व्हायरल झाला. व्हायरल व्हिडीओवर तेजश्रीने कमेंट केली आहे. तिची कमेंट सध्या नेटकऱ्यांचं लक्ष वेधून घेत आहे. तिनं कमेंटमध्ये लिहिलं की, 'माझ्या भावना कदाचित मी शब्दांत व्यक्त करु शकत नाही. आम्ही सेटवर एका कुटुंबासारखं राहतो. तसेच खरं कुटुंबासारखं राहणं यात खूप फरक आहे. या दोन्ही गोष्टी वेगवेगळ्या आहेत. मी माझ्या वाढदिवसानिमित्त बाहेर होते'.
'पण हा वाढदिवस मी उशीरा साजरा केला, असं मला वाटलंच नाही. कारण, कलाकारांपासून, spot dada, light dada, camera department, sound department, make up-hair-dress departments आणि अर्थातच आमची Direction आणि Production team यांनी इतक्या आपुलकिने हा क्षण स्पेशल बनवला की, तो क्षण आयुष्यभरासाठी माझ्या मनात घर करुन गेला आहे. वाढदिवसानिमित्ताने सरत्या वर्षाचा आढावा घेतला जातो, माझ्याकडून आणि या वर्षी पुन्हा नव्याने जाणवलं की आपल्या आयुष्यात आपल्या माणसांची श्रीमंती किती महत्वाची असते, आणि देवाने “माझी हक्काची” म्हणण्यासारखी किती माणसं आयुष्यात दिली आहेत. Thank you so much' , असं अभिनेत्रीनं म्हटलं आहे.
महत्त्वाच्या इतर बातम्या:
'राजा शिवाजी' च्या सुपर सक्सेसनंतर रितेश - जेनेलिया ऑन व्हेकेशन मोड; समुद्रकिनाऱ्यावर केलं एन्जॉय
महत्त्वाच्या बातम्या
