Nach Punajaban Song : पाकिस्तानी गायकाचा करण जोहरवर गाणं चोरल्याचा आरोप; टी-सीरिजचं सडेतोड उत्तर
एका पाकिस्तानी गायकानं करण जोहरवर नाच पंजाबन हे गाणं चोरल्याचा आरोप केला आहे.
Nach Punajaban Song : दिग्दर्शक करण जोहरचा (Karan Johar) जुग जुग जियो (Jug Jug Jiyo) हा चित्रपट लवकरच प्रेक्षकांच्या भेटीस येणार आहे. या चित्रपटाची निर्मीती करणच्या धर्मा प्रोडक्शन या कंपनीनं केली आहे. काही दिवसांपूर्वी या चित्रपटाचा ट्रेलर प्रदर्शित झाला. या ट्रेलरला प्रेक्षकांची पसंती मिळाली. ट्रेलरमध्ये नाच पंजाबन या गाण्याची झलक दिसत आहे. आता एका पाकिस्तानी गायकानं करण जोहरवर नाच पंजाबन हे गाणं चोरल्याचा आरोप केला आहे. या पाकिस्तानी गायकाचं नाव अबरार उल हक (Abrar-ul-Haq) असं आहे. या गायकानं केलेल्या आरोपावर टी सीरिज या कंपनीनं उत्तर दिलं आहे.
गायकाचा आरोप
अबरारनं ट्वीट शेअर करुन करण जोहरच्या कंपनीवर म्हणजेच धर्मा प्रोडक्शनवर असा आरोप केला आहे की, हे गाणं कॉपी करण्यात आलं आहे. त्यानं ट्वीटमध्ये लिहिलं, 'मी माझं नाच पंजाबन हे गाणं कोणत्याही हिंदी भाषेतील चित्रपटाला विकलेलं नाही. मी या चित्रपटाचे राइट्स रिजर्व्ह ठेवले आहेत. करण जोहर सारख्या निर्मात्यानं कॉपी करु नये. हे माझे 6 वे कॉपी केलेले गाणे आहे. याची मी परवानगी दिलेली नाही. या गाणाचे लायसेन्स कोणालाही दिलेलं नाही. जर कोणी या गोष्टीचा दावा करत असेल तर त्यांनी मला करार दाखवणे गरजेचे आहे. मी यावर कायदेशीर कारवाई घेऊ शकतो. '
I have not sold my song “ Nach Punjaban” to any Indian movie and reserve the rights to go to court to claim damages. Producers like @karanjohar should not use copy songs. This is my 6th song being copied which will not be allowed at all.@DharmaMovies @karanjohar
— Abrar Ul Haq (@AbrarUlHaqPK) May 22, 2022
टी सीरिजचं उत्तर
अबरारनं केलेल्या आरोपांवर टी-सीरिजनं एक ट्वीट शेअर करुन उत्तर दिलं आहे. टी-सीरिजनं ट्वीटमध्ये लिहिलं, 'नाच पंजाबन या अल्बममधील नाच पंजाबन' या गाण्याचे राइट्स आम्ही खरेदी केले आहेत. हे गाणं 1 जानेवारी 2002 रोजी iTunes वर रिलीझ झाले होते, ते लॉलीवुड क्लासिक्सवर देखील उपलब्ध होते. ज्याचे संचालन Meewoo Box Records द्वारे केले जाते. बाकी सर्व क्रेडिट्स हे गाणे रिलीज झाल्यावर दिले जातील.'
We have legally acquired the rights to adapt the song #NachPunjaban released on iTunes on 1st January, 2002 & available on Lollywood Classics' YouTube channel, owned by @1Moviebox, for #JugJuggJeeyo produced by @DharmaMovies. The song is available here: https://t.co/2oLFzsLAFI pic.twitter.com/t6u3p3RA6z
— T-Series (@TSeries) May 23, 2022
जुग जुग जियो या चित्रपटामध्ये कियारा आडवाणी आणि वरुण धवन हे प्रमुख भूमिका साकारणार आहेत. कौटुंबिक नात्यावर भाष्य करणारा हा सिनेमा विनोदी असणार आहे, ट्रेलरवरून याचा अंदाज येतो.
महत्त्वाच्या बातम्या
