![ABP Premium](https://cdn.abplive.com/imagebank/Premium-ad-Icon.png)
Exclusive : ना 50 कोटींचं घर... ना महागड्या भेटवस्तू, राहुल-अथियाला मिळालेल्या गिफ्टबाबत सुनील शेट्टीने स्पष्ट सांगितले
Wedding Gifts : क्रिकेटर केएल राहुल आणि अभिनेत्री आथिया शेट्टी यांचा 23 जानेवारी रोजी खंडाळ्यात विवाहसोहळा पार पडला.
![Exclusive : ना 50 कोटींचं घर... ना महागड्या भेटवस्तू, राहुल-अथियाला मिळालेल्या गिफ्टबाबत सुनील शेट्टीने स्पष्ट सांगितले suniel shetty family react to kl rahul athiya shetty wedding gifts say all the reports absolutely baseless and not true Exclusive : ना 50 कोटींचं घर... ना महागड्या भेटवस्तू, राहुल-अथियाला मिळालेल्या गिफ्टबाबत सुनील शेट्टीने स्पष्ट सांगितले](https://feeds.abplive.com/onecms/images/uploaded-images/2023/01/25/de91d67f10214d49375d1b25878b59e81674649152301344_original.jpg?impolicy=abp_cdn&imwidth=1200&height=675)
KL Rahul Athiya Shetty Wedding Gifts : क्रिकेटर केएल राहुल आणि अभिनेत्री अथिया शेट्टी यांचा 23 जानेवारी रोजी खंडाळ्यात विवाहसोहळा पार पडला. या लग्नाला बॉलिवूडसह अनेक सेलिब्रेटींनी हजेरी लावली होती. लग्नानंतर राहुल आणि अथिया शेट्टी यांना कोट्यवधींच्या भेटवस्तू आल्याच्या बातम्यांचा ऊत आला होता. अभिनेता सुनील शेट्टी याने जावयाला 50 कोटी रुपये किंमतीचं अपार्टमेंट भेट दिल्याच्या बातम्या आल्या होत्या. त्याशिवाय नातेवाईक आणि सेलिब्रेटिंनी राहुल आणि अथियाला कोट्यवधी रुपयांच्या भेटवस्तू दिल्याच्या चर्चाही होत्या. पण सुनील शेट्टीच्या कुटुंबानं या बातम्यांचं खंडन केलेय. एबीपी न्यूजला त्यांनी या बातम्या निराधार असल्याचं सांगितलं आहे.
एबीपी न्यूजसोबत बोलताना सुनील शेट्टीच्या कुटुंबातील व्यक्तीनं सांगितलं की, केएल राहुल आणि अथिया शेट्टी यांना लग्नात मिळालेल्या बातम्या निराधार असल्याचं सांगितलं आहे. प्रसारमाध्यमात आलेल्या बातम्या खोट्या आहेत, यामध्ये कोणतीही सत्यता नाही. त्यामुळे बातम्या प्रसारीत करण्याआधी त्याची सत्यता पडताळावी.. दरम्यान, स्टार फलंदाज केएल राहुल आणि अभिनेत्री अथिया शेट्टी खंडाळ्यात लग्नबंधनात अडकले होते. मोजक्या लोकांच्या उपस्थितीत विवाहसोहळा पार पडला. बॉलिवूड कलाकरांसह काही क्रिकेटरनेही लग्नाला हजेरी लावली होती. न्यूझीलंडविरोधात एकदिवसीय मालिका असल्यामुळे रोहित शर्मा, विराट कोहली आणि हार्दिक पांड्या यांच्यासह काही खेळाडूंना लग्नाला उपस्थिती लावता आली नाही.
/>
अथिया आणि केएल राहुल 100 पाहुण्यांच्या उपस्थितीत लग्नबंधनात अडकले आहेत. लग्नसोहळ्यासाठी अथियानं खास लूक केला होता. अथियानं विवाह सोहळ्यात पिंक लेहंगा परिधान केला होता. तसेच तिनं स्टोनचा चोकर नेकलेस, बिंदी, झुमके आणि बांगड्या या ज्वेलरी लग्नात परिधान केल्या होत्या. अथियाचा हा लेहंगा अनामिका खन्ना यांनी डिझाइन केला होता. एका मुलाखतीमध्ये अनामिका खन्नानं सांगितलं की, हा लेहंगा तयार करायला तिला 10,000 तास लागले. दरम्यान, अथियाने 2015 मध्ये अॅक्शन फिल्म 'हिरो' मधून बॉलिवूमध्ये पदार्पण केले होते. ‘मुबारकान’, ‘नवाबजादे’ आणि ‘मोतीचूर चकनाचूर’ या चित्रपटांमध्ये अथियाने महत्वाची भूमिका साकारली आहे.
पुढील महिन्यात मैदानावर परतणार राहुल -
केएल राहुल पुढील महिन्यात क्रिकेटच्या मैदानावर परतणार आहे. ऑस्ट्रेलियाविरोधात होणाऱ्या कसोटी मालिकेसाठी राहुलकडे उपकर्णधारपदाची जबाबदारी आहे. बांगलादेश दौऱ्यात रोहितच्या अनुपस्थितीत राहुलनं भारतीय संघाचं नेतृत्व केले होते. राहुल फलंदाजीत फ्लॉप ठरला होता. परिणामी वनडे आणि टी 20 मधील उप कर्णधारपद काढून घेतलं आहे. ऑस्ट्रेलियाविरोधात मायदेशात राहुल पुन्हा फॉर्ममध्ये परतण्याची शक्यता आहे.
आणखी वाचा :
KL Rahul Athiya Shetty Wedding: कुणी दिलं दीड कोटींचं डायमंड ब्रेसलेट, तर कुणी दिला 50 कोटींचा फ्लॅट; राहुल-अथियाला लग्नात मिळाल्या कोट्यवधींच्या भेटवस्तू
Photos: राहुल-अथियाला लग्नात काय काय गिफ्ट मिळाले?
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)