Singer KK Death : केकेंच्या मृत्यूबाबत पोस्टमॉर्टम रिपोर्टमध्ये मोठा खुलासा; ..तर KK यांचा जीव वाचला असता

Singer KK Death : पश्चिम बंगालमधील कोलकाता येथे एका लाइव्ह कॉन्सर्टनंतर गायक केके यांची प्रकृती खालावली होती, त्यानंतर काही वेळातच त्यांचे निधन झाले.

Singer kk death

Singer KK Death :  पश्चिम बंगालमधील कोलकाता येथे एका लाइव्ह कॉन्सर्टनंतर गायक केके यांची प्रकृती खालावली होती, त्यानंतर काही वेळातच त्यांचे निधन झाले. केके यांच्या निधनाची मोठी माहिती समोर आली आहे, केकेच्या पोस्टमॉर्टम रिपोर्टमध्ये मोठा खुलासा करण्यात आला आहे. 

 ..तर KK चा जीव वाचू शकला असता

प्रसिद्ध गायक केके यांच्या निधनाबाबत मोठी माहिती समोर आली आहे. केकेच्या पोस्टमॉर्टम रिपोर्टमध्ये असे म्हटले आहे की, जर त्यांना वेळेवर आवश्यक उपचार मिळाले असते तर त्याचे प्राण वाचू शकले असते. केकेंना सीपीआर दिला असता तर त्याचा जीव वाचू शकला असता, असे अहवालात म्हटले आहे. ते हॉस्पिटलमध्ये पोहोचले तोपर्यंत खूप उशीर झाला होता.

केके यांच्या मृत्यूनंतर अनेक प्रश्न उपस्थित 

कोलकाता येथील नजरुल मंच येथे गायक केके (KK) यांचे कॉन्सर्ट पार पडले. पण आता कॉलेज फेस्टवर बंदी घातली जाऊ शकते. कोलकाता येथील गुरुदास कॉलेजने मंगळवारी सायंकाळी आयोजित केलेल्या फेस्टमधील खराब क्राउड मॅनेजमेंटनंतर आता या संदर्भात विचार केला जात आहे. केके यांच्या मृत्यूनंतर कॉन्सर्टमध्ये केलेल्या खराब व्यवस्थेबाबत अनेक प्रश्न उपस्थित केले जात आहेत. कोलकाता मेट्रोपॉलिटन डेवलपमेंट अथॉरिटीच्या (KMDA) महासंचालक सुप्रियो मैती यांच्या नेतृत्वाखालील KMDA च्या टीमनं बुधवारी दुपारी नजरुल मंचच्या पायाभूत सुविधां पाहणी केली. आता ही टीम तिथे कॉलेज फेस्टवर बंदी घालण्याचा विचार करत आहेत.

कॉन्सर्टच्या वेळी, 6,000 लोकांचा जमाव

रिपोर्टनुसार, नझरूल स्टेजची क्षमता 2,700 ते 3,000 पर्यंत मर्यादित आहे, परंतु कॉन्सर्टच्या वेळी, 6,000 लोकांचा जमाव तिथे होता, तिथे बरेच लोक पायऱ्यांवर बसले होते. तर काही लोक हे उभे राहून कॉन्सर्ट पाहात होते.  केएमडीएच्या टीमचे असे मतं आहे की गर्दीच्या जागेमुळे एयर कंडीशनिंग मशिन्सचा प्रभाव कमी झाला आणि त्यामुळे गुदमरल्यासारखे झाले. कोलकाताचे महापौर आणि राज्याचे परिवहन मंत्री फिरहाद हकीम यांनी सांगितलं की, केके यांच्या लोकप्रियतेमुळे मैफल पाहण्यासाठी मोठ्या संख्येने तरुण येत होते

इतर संबंधित बातम्या