Salman Khan, Aayush Sharma : सलमानच्या चित्रपटातून आयुष शर्मा आऊट! 'हे' ठरले एक्झिटचे कारण

सलमान (Salman Khan) आणि आयुष (Aayush Sharma) यांची जोडी 'अंतिम द फाइनल ट्रुथ' या चित्रपटामधून प्रेक्षकांच्या भेटीस आली होती.

Salman Khan,Aayush Sharma

Salman Khan, Aayush Sharma :  बॉलिवूडमधील अनेक बिग बजेच चित्रपट सध्या रिलीज होत आहेत तर काही चित्रपट लवकरच प्रेक्षकांच्या भेटीस येणार आहेत. अभिनेता सलमान खानचा (Salman Khan) कभी ईद कभी दिवाली (Kabhi Eid Kabhi Diwali) हा चित्रपट लवकरच प्रदर्शित होणार आहे. या चित्रपटामध्ये सलमानची बहिण अर्पिताचा पती  आयुष शर्मा (Aayush Sharma) देखील महत्त्वाची भूमिका साकारणार होता. पण रिपोर्टनुसार, या चित्रपटामध्ये आता आयुष हा काम करणार नाही. 

सलमान आणि आयुष यांची जोडी  'अंतिम द फाइनल ट्रुथ' या चित्रपटामधून प्रेक्षकांच्या भेटीस आली होती. लवकरच कभी ईद कभी दिवाली चित्रपटामध्ये हे दोघे स्क्रिन शेअर करणार आहेत, अशी चर्चा होती. पण आता  एसकेएफ आणि आयुष यांच्यामध्ये मतभेद झाल्यानं आयुष्य या चित्रपटामधून बाहेर पडला आहे. 

रिपोर्टनुसार, केवळ आयुष शर्माच नाही तर जहीर इकबाल  देखील या चित्रपटामध्ये काम करणार नाही. त्यामुळे आता चित्रपट निर्माते दुसऱ्या अभिनेत्यांचा शोध घेत आहेत. आयुष आणि जहीर ऐवजी चित्रपट निर्माते हे आता भाग्यश्रीचा मुलगा अभिमन्यु दसानी आणि जावेद जाफरीचा मुलगा मिजान जाफरी यांना चित्रपटाची ऑफर देणार आहेत. 
 
कधी रिलीज होणार चित्रपट 
सलमानचा  'कभी ईद कभी दिवाली'  चित्रपट 31 डिसेंबर रोजी रिलीज होणार आहे. या चित्रपटामध्ये पूजा हेगडे आणि प्रसिद्ध दाक्षिणात्य अभिनेता वेंकटेश दग्गुबाती प्रमुख भूमिका साकारणार आहेत. या चित्रपटाचे शूटिंग मुंबईमध्ये सुरू आहे. विले पार्ले येथे या चित्रपटाचा सेट बांधण्यात आला आहे. चित्रपटाचे दिग्दर्शन फरहाद सामजी करत आहेत. 

'कभी ईद कभी दिवाली’ या सिनेमा व्यतिरिक्त सलमान खान 'टायगर 3' मध्येदेखील दिसणार आहे. तसेच शाहरुख खानच्या 'पठाण' आणि तेलुगू सिनेमा 'गॉड फादर' मध्येदेखील सलमान खानची झलक प्रेक्षकांना पाहायला मिळणार आहे. 'गॉड फादर' या सिनेमाच्या माध्यमातून सलमान खान तेलुगू सिनेसृष्टीत पदार्पण करणार आहे. सलमानच्या दबंग, बजरंगी भाईजान,अंतिम-द फायनल ट्रुथ, मैने प्यार किया या चित्रपटांना प्रेक्षकांची विशेष पसंती मिळाली.