Rohit Shetty : ‘इंडियाज गॉट टॅलेंट’च्या स्पर्धकाने जिंकलं रोहित शेट्टीचं मन! मिळवली आगामी चित्रपटात संगीत देण्याची संधी!

Rohit Shetty : दिव्यांश आणि मनुराज दोघेही संगीतकार आहेत, जे एकाच शोच्या ऑडिशन दरम्यान ते भेटले होते. त्यानंतर त्यांनी जोडी म्हणून काम करण्याचा निर्णय घेतला.

Rohit Shetty

Rohit Shetty : भारतीयांच्या प्रतिभेला सर्वांसमोर आणण्यासाठी टीव्ही इंडस्ट्रीमध्ये अनेक रिअॅलिटी शो प्रसारित केले जातात. त्यातील एक म्हणजे 'इंडियाज गॉट टॅलेंट'. या शोचे आतापर्यंत आठ सीझन प्रेक्षकांच्या भेटीला आले आहेत आणि सध्या सोनी टीव्हीवर त्याचा नववा सीझन सुरु आहे. अनेक वेळा अशा शोमधून स्पर्धकांना बॉलिवूडमध्ये काम करण्याची संधी मिळते. असेच काहीसे ‘इंडियाज गॉट टॅलेंट सीझन 9’च्या सेटवर होणार आहे. शोच्या आगामी भागात, रोहित शेट्टी (Rohit Shetty) पाहुणा परीक्षक म्हणून येणार आहे आणि शोच्या स्पर्धक जोडीला त्याच्या आगामी चित्रपटासाठी संगीत देण्याची संधी देणार आहे.

सोनी एंटरटेनमेंट टेलिव्हिजनने इंस्टाग्रामवर शेअर केलेल्या शोच्या नवीन प्रोमोमध्ये, चित्रपट निर्माता रोहित शेट्टी स्पर्धक दिव्यांश आणि मनुराजच्या कामगिरीचे कौतुक करताना दिसत आहे. रोहित त्याचं कौतुक करत असं गाणं आजपर्यंत ऐकलं नसल्याचं सांगतो. त्यानंतर तो या दोघांना त्याच्या आगामी 'सर्कस' चित्रपटासाठी संगीत देण्याची संधी देतो.

रोहितने शेअर केला व्हिडीओ!

रोहितला या दोघांचे सादरीकरण खूप आवडले आहे. हा व्हिडीओ त्याने स्वतःच्या सोशल मीडिया अकाऊंटवर शेअसर केला आहे. दिव्यांश आणि मनुराज दोघेही संगीतकार आहेत, जे एकाच शोच्या ऑडिशन दरम्यान ते भेटले होते. त्यानंतर त्यांनी जोडी म्हणून काम करण्याचा निर्णय घेतला. अलीकडील एपिसोड्समधील त्यांच्या कामगिरीने रोहित शेट्टीला इतके प्रभावित केले की, तो त्यांचा चाहता बनला.

रोहितने सेटवर केली धमाल!

या मंचावर रोहित शेट्टीने खूप धमाल केली. यावेळी रोहित आणि शिल्पाने, शाहरुख खान आणि दीपिका पदुकोण स्टारर 'चेन्नई एक्सप्रेस' मधील एक दृश्य रिक्रीएट केले होते. व्हिडीओमध्ये शिल्पाने दीपिकाची तर रोहितने शाहरुखची भूमिका साकारली आहे. हा सीन करताना दोघांनाही खूप धमाल केली. 'इंडियाज गॉट टॅलेंट'मध्ये शिल्पा शेट्टी, किरण खेर आणि मनोज मुंतशीर न्यायाधीशांच्या भूमिकेत आहेत.  

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha