Raja Shivaji Box Office Collection: 'राजा शिवाजी'नं वाऱ्याच्या वेगान सर केलाय कलेक्शनचा गड! पण बॉक्स ऑफिसच्या खिंडीत अडकला; 100 कोटींचा आकडा गाठणार?
Raja Shivaji Box Office Collection: हा चित्रपट बॉक्स ऑफिसवर 100 कोटींचा टप्पा ओलांडणार का ? याकडे आता प्रेक्षकांचे लक्ष लागून आहे.
Raja Shivaji Box Office Collection: रितेश देशमुख दिग्दर्शित आणि अभिनेत राजा शिवाजी (Raja Shivaji) या चित्रपटाने बॉक्स ऑफिसवर 13 दिवसांचा प्रवास पूर्ण केला आहे. (Box Office Collection) छत्रपती शिवरायांच्या शौर्यावर आधारलेल्या या चित्रपटाने बॉक्स ऑफिसवर आपली पकड मजबूत ठेवली आहे. या चित्रपटाने देशभरात मराठी चित्रपटांचे अनेक रेकॉर्ड्स मोडत 88.95 कोटी रुपयांचं ग्रॉस कलेक्शन केलं आहे. सॅकनिल्कने दिलेल्या आकडेवारीनुसार भारतातील नेट कमाई 75.11 कोटी रुपये एवढी नोंदवली गेली.गेल्या दोन आठवड्यात या चित्रपटाच्या कलेक्शन ग्राफमध्ये अनेक चढ उतार आले असले तरी तिसऱ्या वीकेंड आधीच हा चित्रपट 90 कोटी रुपयांच्या टप्प्याकडे वाटचाल करत आहे.
राजा शिवाजीचे आतापर्यंतचे कलेक्शन
हिंदी आणि मराठी या दोन्ही भाषांमध्ये प्रदर्शित झालेल्या राजा शिवाजी या चित्रपटाने तेराव्या दिवशी 1.90 कोटी रुपयांचं कलेक्शन केलं. हे आतापर्यंतच सर्वात कमी डेली कलेक्शन होतं. 3770 शोजमध्ये 12. 9% प्रेक्षकांच्या उपस्थितीसह हा चित्रपट पाहिला गेला. एक मे रोजी प्रदर्शित झालेल्या या चित्रपटाने ओपनिंग डे लाच 11.35 कोटी रुपयांची नेट कमाई करत बॉक्स ऑफिस हादरवलं होतं. 6,192 शोजमध्ये 32.3% प्रेक्षकांच्या उपस्थितीसह या चित्रपटाने मराठी सिनेसृष्टीचे अनेक विक्रम मोडीत काढले. ओपनिंग डेला 10 कोटींपेक्षा अधिक कमाई करणारा हा पहिला चित्रपट ठरला. महाराष्ट्र दिनाच्या सुट्टीनंतर आलेल्या विकेंडचा या चित्रपटाला चांगलाच फायदा झाला. दुसऱ्या दिवशी 10.55 कोटी तर तिसऱ्या दिवशी 12 कोटी रुपयांचं कलेक्शन या चित्रपटाने केलं.
100 कोटींचा क्लब गाठणार?
चौथ्या दिवसापासून या चित्रपटाच्या कमाईचा आकडा सिंगल डिजिटवर आला. 5.60 कोटी, पाचव्या दिवशी 4.90 कोटी, सहाव्या दिवशी 4.25 कोटी तर आठवड्याचा शेवट चार कोटींनी करत राजा शिवाजी चित्रपटाने आठवड्याभरात 52.65 कोटींचं कलेक्शन केलं. शंभर कोटींचं बजेट असणाऱ्या या चित्रपटाची मजल तेराव्या दिवशी 88.95 कोटींवर फिरवली आहे. मराठी चित्रपटांमध्ये सर्वाधिक कमाई करणाऱ्या सैराट चित्रपटाचा 90 कोटींचा रेकॉर्ड मोडणं राजा शिवाजीसाठी आता केवळ औपचारिकता उरली आहे. हा चित्रपट बॉक्स ऑफिसवर 100 कोटींचा टप्पा ओलांडणार का ? याकडे आता प्रेक्षकांचे लक्ष लागून आहे.
महत्त्वाच्या बातम्या
