Pushpa 2 Trailer : पुष्पा नाम नहीं ब्रँड हैं... फ्लावर नहीं वाईल्ड फायर... पुष्पा 2 चा धमाकेदार ट्रेलर आऊट

Pushpa 2 The Rule Trailer : पुष्पा 2 : द रुल चित्रपटाचा दमदार ट्रेलर लाँच झाला आहे. पुष्पा 2 चित्रपट 5 डिसेंबरला रिलीज होणार आहे.

Pushpa 2 The Rule Trailer

Source : ABP Majha

Pushpa 2 The Rule Movie Trailer : बहुचर्चित पुष्पा 2 : द रुल चित्रपटाचा दमदार ॲक्शन पॅक ट्रेलर लाँच झाला आहे. साऊथ अभिनेता अल्लू अर्जून याचा बहुचर्चित चित्रपट पुष्पा 2 चा ट्रेलर लाँच झाला आहे. पुष्पा 2 : द रुल  चित्रपट 5 डिसेंबरला रिलीज होणार आहे. त्याआधी चित्रपटाचा ट्रेलर चाहत्यांच्या भेटीला आला आहे. पाटणामध्ये भव्य कार्यक्रमात पुष्पा 2 चित्रपटाचा ट्रेलर लाँच करण्यात आला होता.

'पुष्पा 2 द राईज'चा धमाकेदार ट्रेलर प्रदर्शित

अभिनेता अल्लू अर्जुनच्या 'पुष्पा 2 द रुल' चित्रपटाच्या ट्रेलरची प्रेक्षक बऱ्याच दिवसांपासून वाट पाहत होते. अखेर रविवारी 17 नोव्हेंबरला चित्रपटाच्या निर्मात्यांनी पुष्पा 2 चा ट्रेलर लाँच केला आहे. पाटणामध्ये पुष्पा 2 द रुल चित्रपटाच्या भव्य ट्रेलर लाँच कार्यक्रम आयोजित करण्यात आला होता. या कार्यक्रमाला अल्लू अर्जून आणि रश्मिका मंदानासह अनेक स्टार्सनी हजेरी लावली होती. बिहारचे उपमुख्यमंत्री विजय कुमार सिन्हा यांनी अभिनेता अल्लू अर्जूनचं पाटणामध्ये स्वागत केलं.

5 डिसेंबरला रिलीज होणार पुष्पा 2

सुकुमार दिग्दर्शित 'पुष्पा 2 द राईज' हा 2024 मधील बहुप्रतिक्षित चित्रपट आहे. अल्लू अर्जुनच्या पुष्पा या चित्रपटाचा दुसरा भाग 5 डिसेंबरला चित्रपटगृहांमध्ये प्रदर्शित होणार आहे. पुष्पा द राईल चित्रपट 2021 मध्ये आला होता. आता या चित्रपटाचा दुसरा भाग डिसेंबरमध्ये रिलीज होणार आहे. रविवारी 'पुष्पा 2 द राईज' चित्रपटाचा ट्रेलर लाँच सोहळा पार पडला. पुष्पा चित्रपटानंतर आता 3 वर्षांनंतर अल्लू अर्जुन पुन्हा एकदा पुष्पाच्या भूमिकेत दमदार ॲक्शन करताना दिसणार आहे.

'पुष्पा 2' चे दमदार डायलॉग चर्चेत

'पुष्पा' चित्रपटातील डायलॉग प्रसिद्ध झाले होते. 'झुकेगा नही साला', 'पुष्पा नाम सुन के फूल समझे क्या, आग है में' असे अनेक डायलॉग ऐकायला मिळाले. या डायलॉग्सचा वेगळा फॅन बेस निर्माण झाला होता. आता त्याच्या पुष्पा 2 चित्रपटात आणखी दमदार डायलॉग ऐकायला मिळणार आहेत. याचा अंदाज 'पुष्पा 2 द रुल'च्या ट्रेलरमध्ये पाहायला मिळत आहे. पुष्पा 2 च्या ट्रेलरमध्ये 'पुष्पा… ढाई अक्षर नाम छोटा है, लेकिन साउंड बहुत बड़ा', 'पुष्पा सिर्फ एक नाम नहीं है… पुष्पा मतलब ब्रांड'. 'पुष्पा को नेशनल खिलाड़ी समझे क्या, इंटरनेशनल है'. 'पुष्पा नाम सुन के फ्लॉवर समझे क्या… फायर नहीं वाइल्ड फायर हूँ'.

'पुष्पा'चे डायलॉग आणि दमदार ॲक्शन 

महत्त्वाच्या इतर बातम्या :