प्रियंकानं ट्विटर, इंन्स्टाग्रामवरून हटवलं पतीचं अडनाव, तापसी पन्नूच्या रिअ‍ॅक्शननं वेधलं सर्वांच लक्ष

Priyanka Chopra Removes Her Surname Jonas: सोशल मीडियावर प्रियंका चोपडा आणि निक जोनस यांच्या घटस्फोटाच्या चर्चांना उधाण आलय.

Taapsee Pannu, Priyanka Chopra

Priyanka Chopra Removes Her Surname Jonas: ट्विटर, इंस्टाग्रामवरून पती निक जोनसचं अडनावं हटवणारी बॉलिवूड अभिनेत्री प्रियांका चोप्रा सध्या खूप चर्चेत आहे. ज्यामुळं सोशल मीडियावर प्रियंका चोपडा आणि निक जोनस यांच्या घटस्फोटाच्या चर्चांना उधाण आलय. प्रियंकानं तिच्या अधिकृत सोशल मीडिया अकाऊंटवरून निक जोनसचं नाव हटवल्यानंतर बॉलिवूडच्या अनेक कलाकरांनी यावर आपल्या प्रतिक्रिया दिल्या आहेत. मात्र, दाक्षिणात्य अभिनेत्री तापसी पन्नच्या रिअॅक्शननं सर्वाचं लक्ष वेधून घेतलंय. 

प्रियंका चोप्रानं वर्ष 2018मध्ये अमेरिकन गायक निक जोनससह लग्नगाठ बांधली होती. त्यावेळेस या दोघांचं नातं दीर्घकाळ टिकणार नाही, असं अनेकांचं मत होतं. यातच प्रियंकानं ट्वीटर, इंस्टाग्रामवरून निक जोनसचं अडनाव हटवल्यानंतर हे दोघेही विभक्त होणार असल्याची चर्चा सुरु झाली. याचदरम्यान, तापसी पन्नूनं या संबंधित इंस्टाग्रामवर एक स्टोरी शेअर केली. ज्यात तिनं "प्रियंका यू आर वूमन गोल, ''व्हॉट अ वूमन!'' असं लिहलंय. 

प्रियांका चोप्राची एक व्हिडिओ क्लिप सोशल मीडियावर प्रचंड व्हायरल होताना दिसत आहे. या व्हिडिओमध्ये प्रियांका चोप्रा समोर बसलेल्या अनेक लोकांसमोर पती निक जोनस आणि जोनास बंधूंची खिल्ली उडवताना दिसत आहे. 'द जोनास ब्रदर्स फॅमिली रोस्ट' हा शो नेटफ्लिक्सवर प्रदर्शित झालाय. प्रियांकानं या शोचा एक छोटासा भाग तिच्या सोशल मीडियाच्या अकाऊंटवरून शेअर केलाय. हा व्हिडिओ पाहून प्रियंकावर कौतूकाचा वर्षाव केला जातोय. 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha

हे देखील वाचा-