'आज मला लोक पृथ्वीक प्रतापची आई म्हणून ओळखतात', मुलाच्या पहिल्या चित्रपटानंतर आई भावूक
Prithvik Pratap : पृथ्वीक प्रताप याचा नुकताच डिलिव्हरी बॉय नुकताच प्रदर्शित झाला. यानंतर त्याच्या आईची प्रतिक्रिया समोर आली आहे.
मुंबई : सध्या चित्रपटगृहांमध्ये अनेक चित्रपटांची रेलचेल सुरु आहे. पृथ्वीक प्रताप (Prithvik Pratap) मुख्य भूमिकेत असलेला 'डिलिव्हरी बॉय' (Delivery Boy) हा सिनेमा नुकताच प्रेक्षकांच्या भेटीला आला. फेब्रुवारी 9 रोजी हा चित्रपट चित्रपटगृहात प्रदर्शित झाला. या चित्रपटामध्ये पृथ्वीक प्रतापसोबत प्रथमेश परब (Prathamesh Parab) हा देखील मुख्य भूमिकेत आहे. या चित्रपटाच्या प्रदर्शनानंतर अभिनेता पृथ्वीक प्रतापच्या आईची प्रतिक्रिया समोर आली आहे.
डिलिव्हरी बॉय या चित्रपटाच्या माध्यमातून पृथ्वीक प्रताप याने मोठ्या पडद्यावर पदार्पण केलं आहे. सोनी मराठी वाहनीवरील महाराष्ट्राची हास्यजत्रा या कार्यक्रमाच्या माध्यमातून पृथ्वीक प्रताप प्रेक्षकांच्या पसंतीस उतरला. तसेच आता त्यांच्या या चित्रपटासाठी देखील त्यांच्यावर कौतुकाचा वर्षावर केला जातोय. लेकाच्या या यशाबद्दल आईने भावनिक होत लेकाचा अभिमान असल्याचं म्हटलं.
View this post on Instagram
'आज मला लोक पृथ्वीक प्रतापची आई म्हणून ओळखतात'
चित्रपटाच्या प्रदर्शनानंतर पृथ्वीक आणि त्याच्या आईने राजश्री मराठीला मुलाखत दिली. या मुलाखतीदरम्यान त्याच्या आईने म्हटलं की, आज मला लोक पृथ्वीकची आई म्हणून ओळखतात. त्याची आई म्हणून मला आज खूप आनंद झालाय. मुलगा दिवसागणिक अजूनच पुढे जातोय, याचा देखील खूप आनंद होतोय. तो अजून खूप मोठा होऊदे. त्याचे अधिक सिनेमे येऊ दे. अजून खूप मोठा माणूस होऊ दे, असं म्हणत त्याची आई म्हणून माझ्यासाठी हा खूप मोलाचा क्षण असल्याचं त्याच्या आईने म्हटलं.
'हे आनंदाचे अश्रू '
आज जेव्हा मी बाहेर जाते तेव्हा लोक मला म्हणतात, आम्ही तुमच्या मुलाचा कार्यक्रम पाहतो आणि तेव्हाच आम्हाला बरं वाटतं. तेव्हा खूप भरुन येतं, हे आनंदाअश्रू आहेत. तो खूप मेहनत करतोय. रात्री उशीरा घरी यतो, कधी जेवतो, कधी नाही, नाहीतर तसाच दुसऱ्या दिवशी शूटींगला जातो. सध्या त्याच्यासाठी हा मेहनतीचा काळ आहे आणि त्याच्या या मेहनतीला भरभरुन यश मिळावं, अशी प्रतिक्रिया पृथ्वीकच्या आईने दिली.
ही बातमी वाचा :
महत्त्वाच्या बातम्या
ट्रेंडिंग न्यूज
