Palash Muchchal: पलाश मुच्छल नव्या चित्रपटामुळे पुन्हा चर्चेत; साई बाबांवर काढणार चित्रपट; दिग्गज अभिनेता मुख्य भूमिकेत
Palash Muchchal: पलाश मुच्छल गेल्या काही काळापासून त्याच्या वैयक्तिक आयुष्यामुळेही चर्चेत आला होता. क्रिकेटपटू स्मृती मंधाना हिच्यासोबतचे त्याचे लग्न मोडल्याच्या बातम्यांनी खळबळ उडवली होती.
Palash Muchchal: दिग्दर्शक आणि संगीतकार पलाश मुच्छल सध्या पुन्हा चर्चेत आला आहे, तो त्याच्या नव्या फिल्मच्या घोषणेमुळे. आगामी ‘तेरे साई’ या चित्रपटाची घोषणा केली आहे. (Palash Muchchal) साईबाबांच्या जीवनावर आधारित असलेल्या या चित्रपटाची सध्या जोरदार चर्चा सुरू आहे. चित्रपटाची घोषणा करताना पलाश मुच्छलने शिर्डीतील साईबाबा मंदिरात जाऊन दर्शन घेतले, याचे फोटोही सोशल मीडियावर व्हायरल होत आहेत.
साई बाबांच्या जीवनावर नव्या चित्रपटाची घोषणा
या चित्रपटात साईबाबांची भूमिका ज्येष्ठ अभिनेते संजय मिश्रा साकारणार आहेत. आपल्या वेगवेगळ्या भूमिकांसाठी ओळखले जाणारे संजय मिश्रा आता मोठ्या पडद्यावर साईबाबांचा अवतार साकारणार असल्याने प्रेक्षकांमध्ये उत्सुकता निर्माण झाली आहे. पलाश मुच्छल ‘तेरे साई’सोबतच अभिनेता श्रेयस तळपदे याच्यासोबतही आणखी एका चित्रपटावर काम करत आहे. यापूर्वी त्याने ‘अर्ध’ आणि ‘काम चालू है’ या चित्रपटांचे दिग्दर्शन केले असून या चित्रपटांमध्ये राजपाल यादव मुख्य भूमिकेत होते.
View this post on Instagram
पलाश मुच्छल वैयक्तिक आयुष्यामुळे होता चर्चेत
दरम्यान, पलाश मुच्छल गेल्या काही काळापासून त्याच्या वैयक्तिक आयुष्यामुळेही चर्चेत आला होता. क्रिकेटपटू स्मृती मंधाना हिच्यासोबतचे त्याचे लग्न मोडल्याच्या बातम्यांनी खळबळ उडवली होती. मात्र, दोघांनीही सोशल मीडियाद्वारे आपण आपापल्या आयुष्यात पुढे गेलो असल्याचे स्पष्ट केले आहे. आता पलाश पुन्हा एकदा दिग्दर्शनावर लक्ष केंद्रित करताना दिसत आहेत.
नोव्हेंबर 2025 मध्ये पलाश मुच्छल आणि स्मृती मंधाना यांचं लग्न होणार होतं. त्यांच्या लग्नाचे विधीही सुरू झाले होते, मात्र अचानक लग्नाच्या आदल्या दिवशी काही अफवा आणि वादांमुळं हे लग्न रद्द करण्यात आलं. यानंतर पलाशवर अनेक आरोप झाले होते. तसंच सोशल मीडियावर मोठी टीका झाली होती.
महत्त्वाच्या बातम्या
