'पुन्हा असं करताना दिसलास तर मारीन..'; नाना पाटेकरांनी पंकज त्रिपाठींला 'त्या' भूमिकेनंतर भरला दम, म्हणाले...
इतकंच नाही तर त्यांनी त्याला थेट फटकारलंही होतं. परत अशा भूमिका करताना दिसलास तर मारेन.. असं ते म्हणालेले.
Nana Patekar on Pankaj Tripathy: बॉलिवूडमधील ज्येष्ठ अभिनेते नाना पाटेकर आपल्या सहकलाकाला कायम हक्काने बोलताना दिसतात. त्याच्या चांगल्या वाईट गोष्टींविषयी रोखठोकपणे बोलतात. शाबासकी देतात. प्रसंगी दरडावतातही. यांनी अभिनेता पंकज त्रिपाठी याच्याबाबतचा एक रंजक किस्सा नुकत्याच दिलेल्या मुलाखतीत सांगितला आहे. तमिळ चित्रपट ‘काला’मध्ये पंकज त्रिपाठी छोट्या भूमिकेत दिसल्यानंतर नाना पाटेकर चक्क हैराण झाले होते. इतकंच नाही तर त्यांनी त्याला थेट फटकारलंही होतं. परत अशा भूमिका करताना दिसलास तर मारेन.. असं ते म्हणालेले. अलीकडेच दिलेल्या मुलाखतीत नाना पाटेकारांनी हा किस्सा सांगितलाय. नानांच्या या किस्याची सध्या एकच चर्चा आहे.
नाना पाटेकर यांनी पंकज त्रिपाठींना का सुनावलं?
नाना पाटेकर यांनी सांगितलं की, ते रजनीकांत यांच्यासोबत ‘काला’ चित्रपटाचं शूटिंग करत होते. त्या वेळी पंकज त्रिपाठी चित्रपटात एका छोट्या पोलीस अधिकाऱ्याच्या भूमिकेत दिसले. ते पाहून नाना पाटेकर यांनी त्यांना विचारलं,“पंकज, तू इथे काय करतोयस?'
नुकत्याच दिलेल्या मुलाखतीत नाना पाटेकर म्हणाले, “पंकज म्हणाला की छोटासा रोल आहे. तेव्हा मी त्याला विचारलं, तू असा रोल का करतोयस? त्यावर तो म्हणाला की तुम्ही आहात, अण्णा आहेत, म्हणून तुमच्यासोबत काम करायचं होतं.” यावर नाना पाटेकरांनी त्याला स्पष्ट सांगितलं, “तू खूप मोठा अभिनेता आहेस. आमच्यासोबत काम करून तू मोठा होणार नाहीस, तू आधीपासूनच मोठा आहेस. पुन्हा कधी असे छोटे रोल केलेस ना, तर मी तुला मारेन.”
‘अपहरण’मध्येही एकत्र काम
नाना पाटेकर आणि पंकज त्रिपाठी यांनी ‘काला’पूर्वी 2005 साली आलेल्या ‘अपहरण’ या चित्रपटात एकत्र काम केलं होतं. ‘काला’मध्ये नाना पाटेकर यांनी हरिनाथ देसाई हा नकारात्मक नेता साकारला होता, तर पंकज त्रिपाठी एका पोलीस अधिकाऱ्याच्या छोट्या भूमिकेत दिसले होते.दरम्यान, नाना पाटेकर आणि पंकज त्रिपाठी हे दोघेही सध्या आपल्या आगामी प्रोजेक्ट्समध्ये व्यस्त असून दोघांचेही नवे चित्रपट लवकरच प्रेक्षकांच्या भेटीला येणार आहेत.
हेही वाचा:
महत्त्वाच्या बातम्या
