Mrunal Thakur :तू मराठी आहेस का? मृणाल ठाकूरला चाहत्याचा प्रश्न, अभिनेत्रीने थेट 'सांग सांग भोलानाथ' गाणंच गायलं

Mrunal Thakur : अभिनेत्री मृणाल ठाकूरला एका चाहत्याने मराठी आहेस का असा प्रश्न विचारला असता, तिने थेट त्याला मराठी गाणंच गाऊन दाखवलं.

Mrunal Thakur

Source : instagram

Mrunal Thakur :   बॉलिवूडमध्ये आपल्या अभिनयाची छाप सोडणाऱ्या मृणाल ठाकूरचे (Mrunal Thakur) बरेच चाहते आहेत. तिच्या सहज सुंदर अभिनयाने मृणालने प्रेक्षकांची मनं जिंकली आहेत. मृणाल तिच्या आयुष्यातले अनेक क्षण तिच्या चाहत्यांसोबत सोशल मीडियाच्या माध्यमातून शेअर करत असते. तसेच तिचे रिल्सचही तुफान व्हायरल झाल्याचं पाहायला मिळतं. त्यातच आता मृणालच्या आणखी एका व्हिडीओची सध्या बरीच चर्चा आहे. या व्हिडीओमध्ये मृणालने तिचं मराठीपण सिद्ध केल्याचं पाहायला मिळतंय. 

मृणालने नुकतच तिच्या सोशल मीडियावर आस्क मी हे सेशन घेतलं. यामध्ये मृणालला तिच्या चाहत्यांनी विचारलेल्या अनेक प्रश्नांची उत्तरं मृणालने दिलीत. पण यामध्ये तिला एका चाहत्याने थेट तू मराठी आहेस का? असाच प्रश्न विचारला. त्यावर मृणालनेही अगदी हटके अंदाजात उत्तर दिल्याचं पाहायला मिळतंय. तिच्या या उत्तराची सोशल मीडियावरही बरीच चर्चा सुरु असल्याचं पाहायला मिळतंय. 

मृणालने दिलं हटके अंदाजात उत्तर

मृणालने तिच्या या चाहत्याला अगदी हटके अंदाजात उत्तर दिल्याचं पाहायला मिळतंय. मृणाला जेव्हा तिच्या चाहत्याने तू मराठी आहेस का? असा प्रश्न विचारला, त्यावर मृणालने तिच्या मैत्रीणींना ती आपण महाराष्ट्रीयन आहोत ना, असं विचारते. त्यावर तिच्या मैत्रीणी देखील म्हणतात की, होय, आम्ही कट्टर महाराष्ट्रीयन आहोत..जय महाराष्ट्र...पुन्हा मृणाल म्हणते की, पण हे त्यांना कसं कळेल? एखादं मराठी गाणं गा.. त्यानंतर मृणालसह तिच्या मैत्रीणी सांग सांग भोलानाथ हे गाणं गातात. 

लव सनिया या चित्रपटामधून मृणालनं बॉलिवूडमध्ये पदार्पण केलं. तिनं सुपर 30, बाटला हाऊस आणि धमाका या चित्रपटांमध्ये प्रमुख भूमिका साकारली.  लवकरच तिचा जर्सी हा चित्रपट प्रेक्षकांच्या भेटीस येणार आहे. या चित्रपटामधील मृणाल आणि अभिनेता शाहिद कपूर यांची केमिस्ट्री पाहण्यााठी प्रेक्षक उत्सुक आहेत.                       

 

 

 

 

 

View this post on Instagram

 

 

 

 

 

 

 

 

 

 

 

A post shared by Mrunal Thakur (@mrunalthakur)

ही बातमी वाचा :