Mohan Joshi Deool Band 2: 100 कोटींच्या 'देऊळ बंद 2' नंतर मोहन जोशींची नव्या सिनेमात एन्ट्री; हटके रोल, कधीही न केलेली भूमिका, लवकरच रिलीज?
Mohan Joshi Set for a Powerful New Role: मोहन जोशींची नव्या सिनेमात एन्ट्री. कोणत्या सिनेमात झळकणार?
Mohan Joshi next Marathi: ज्येष्ठ अभिनेते मोहन जोशी अभिनीत 'देऊळ बंद 2' (Deool Band 2) या सिनेमानं बॉक्स ऑफिसवर धुमाकूळ घातला. या सिनेमात मोहन जोशी (Mohan Joshi) आणि स्नेहल तरडे यांनी उत्तम कामगिरी केली. राज्यातील शेतकऱ्यांवर आधारीत या सिनेमानं प्रेक्षकांना इमोशनलसह चांगला मेसेजही दिला. मोहन जोशी यांनी 'देऊळ बंद' सह 'देऊळ बंद 2' या दोन्ही सिनेमांमध्ये श्री स्वामी समर्थ यांची भूमिका साकारली होती. हा सिनेमा रिलीज होऊन 40 दिवस पूर्ण झाले आहेत. या सिनेमानं 100 कोटींचा टप्पा ओलांडला असून, या सिनेमाच्या टीमचं विशेष कौतुकही करण्यात येत आहे.
मोहन जोशींची नव्या सिनेमात एन्ट्री (Mohan Joshi after Deool Band 2 success New Cinema)
विशेष म्हणजे मोहन जोशी यांच्या अभिनयाचंही विशेष कौतुक करण्यात येत आहे. त्यांनी आपल्या कारकिर्दीत अनेक सिनेमात महत्त्वाची भूमिका साकारली आहे. 'देऊळ बंद 2' या सिनेमानंतर मोहन जोशी पुन्हा एकदा प्रेक्षकांचं मनोरंजन करण्यास सज्ज होणार आहेत. ते नव्या सिनेमातून नव्या भूमिकेत आपल्या भेटीस येणार आहेत. मीडिया रिपोर्ट्सनुसार, मोहन जोशी लवकरच 'अभया' या सिनेमातून प्रेक्षकांच्या भेटीस येणार आहेत.
'देऊळ बंद 2' या सिनेमाला मिळालेल्या घवघवीत यशानंतर मोहन जोशी 'अभया' सिनेमात झळकणार आहेत. या सिनेमात त्यांची दमदार भूमिका पाहायला मिळणार आहे. काही महिन्यांपूर्वी 'अभया' या सिनेमाचा पहिला पोस्टर रिलीज करण्यात आला होता. या सिनेमाचा फर्स्ट लूक 13 मार्च 2026 रोजी रिलीज करण्यात आला होता. या सिनेमाचं लेखन आणि दिग्दर्शन युसुफ सुरती यांनी केले असून, अभिनेत्री योगिता भोसले मुख्य भूमिकेत दिसणार आहे.
View this post on Instagram
याशिवाय या सिनेमात मोहन जोशी, गणेश यादव, कमलेश सावंत, रोहित कोकाटे या कलाकारांच्या महत्त्वाच्या भूमिका आहेत. या सिनेमात मोहन जोशी नेमकं कोणतं पात्र साकारणार आहेत? याची उत्सुकता प्रेक्षक तसेच त्यांच्या चाहत्यांना आहे. ग्रेडियंटे इन्फोटेनमेंट लिमिटेडच्या बॅनरखाली आरडीजी प्रॉडक्शन प्रा.लि. यांच्या सहकार्याने साकारला जात असलेला हा सिनेमा लवकरच प्रेक्षकांच्या भेटीस येणार आहे.
महत्त्वाच्या इतर बातम्या:
महत्त्वाच्या बातम्या
