Manoj Jarange Sangharsh Sangharsh Yodha : 'बायकोला सांगितलंय, आलो तर तुझा...गेलो तर समाजाचा; मनोज जरांगे यांच्या आयुष्यावरील 'संघर्ष योद्धा'चा धमाकेदार टीझर लाँच, पाहा व्हिडीओ

Manoj Jarange Sangharsh Sangharsh Yodha : मनोज जरांगे यांच्या आयुष्यावर आधारीत असलेल्या 'संघर्ष योद्धा' चित्रपट प्रदर्शनाच्या वाटेवर आहे. या चित्रपटाचा धमाकेदार टीझर लाँच करण्यात आला आहे.

Manoj Jarange Sangharsh Sangharsh Yodha

Manoj Jarange Sangharsh Sangharsh Yodha Movie :   मागील काही महिन्यांपासून मराठा आरक्षणाच्या (Maratha Reservation) मुद्यावर निर्णायक आंदोलन उभारणारे  मनोज जरांगे (Manoj Jarange Patil) यांच्या आयुष्यावर आधारीत असलेल्या 'संघर्ष योद्धा' (Sangharsh Yodha) चित्रपट प्रदर्शनाच्या वाटेवर आहे. या चित्रपटाचा टीझर लाँच करण्यात आला आहे. मराठा समाजाचे प्रश्न, आरक्षणाची मागणी आणि त्यासाठी मनोज जरांगे यांनी उभे केलेले आंदोलन या भोवती चित्रपट बेतला असल्याचे टीझरवरून स्पष्ट होत आहे.  

मनोज जरांगे पाटील बऱ्याच वर्षांपासून मराठा समाजाला आरक्षण मिळण्यासाठी संघर्ष करत आहेत. मात्र काही महिन्यांपूर्वी मनोज जरांगे प्रसिद्धीस आले. त्यांचे उपोषण, भाषणे, दौरे यांना राज्यात प्रचंड प्रतिसाद मिळाला. मराठा समाजाच्या ताकदीचं दर्शनच या निमित्ताने झालं. मनोज जरांगे पाटील यांना मिळत असलेल्या प्रतिसादामुळे राज्य सरकारातील मंत्री, मुख्यमंत्री, अन्य नेत्यांनाही त्यांची दखल घ्यावी लागली. मराठा समाजाच्या आरक्षणासाठी मनोज जरांगे पाटील यांनी पुकारलेला एल्गार धमाकेदार "संघर्षयोद्धा मनोज जरांगे पाटील" या चित्रपटाच्या टीजरमधून दिसत आहे. लाखोंची गर्दी, उधळला जाणारा गुलाल यामुळे आंदोलनाचे वातावरण चित्रपटातही टिपला गेला आहे. त्यामुळे मनोज जरांगे पाटील यांना राज्यभरातून मिळालेला तुफान प्रतिसाद या चित्रपटालाही मिळणार हे या टीजरमधून स्पष्ट होत आहे. 

चित्रपट कधी रिलीज होणार? ( Sangharsh Yodha Movie Release Date )

मराठा समाजाच्या मुद्द्यावर गेले काही महिने महाराष्ट्र आणि राज्यातील राजोकारण अक्षरशः ढवळून निघालं आहे. मराठा समाजाला आरक्षण मिळवून देण्यासाठी संघर्ष करत असलेले मनोज जरांगे पाटील यांची कहाणी आता "संघर्षयोद्धा"- मनोज जरांगे पाटील  या चित्रपटातून मांडली जाणार आहे. या चित्रपटाचा धमाकेदार टीजर लाँच करण्यात आला आहे. हा चित्रपट पुढील महिन्यात 26  एप्रिल रोजी प्रदर्शित होणार आहे. 

सोनाई फिल्म क्रिएशन या निर्मिती संस्थेच्या गोवर्धन दोलताडे यांनी या चित्रपटाचं लेखन आणि निर्मिती केली आहे. सहनिर्माते रामदास मेदगे, जान्हवी मनोज तांबे, दत्तात्रय लोहकरे कार्तिक दोलताडे , नर्मदा सिनेव्हिजन्स हे आहेत , शिवाजी दोलताडे यानी दिग्दर्शनाची जबाबदारी पेलली आहे. डॉ.सुधीर निकम यांची संवाद आणि पटकथा आहे. या चित्रपटात मनोज जरांगे पाटील यांची मध्यवर्ती भूमिका अभिनेता रोहन पाटील यांनी साकारली आहे. या चित्रपटात अभिनेता संदीप पाठक, सागर कारंडे, अरबाज शेख, अभिनेते मोहन जोशी, श्रीनिवास पोकळे, संजय कुलकर्णी, अभिनेत्री सुरभी हांडे,  माधवी जुवेकर, विजय मिश्रा, विनीत भोंडे, सुनील गोडबोले, माधव अभ्यंकर , सोमनाथ अवघडे , किशोर चौगुले , सिद्धेश्वर झाडबुके, यांच्या ही प्रमुख भूमिका आहेत.