Madhuri Dixit : गगनचुंबी इमारतीतील आलिशान महाल! माधुरी दीक्षितच्या नव्या घराची ‘व्हर्च्युअल टूर’

Madhuri Dixit : 29व्या मजल्यावर असलेल्या या अपार्टमेंटमधून रात्री संपूर्ण शहराचे अतिशय सुंदर दृश्य दिसते, तर दिवसा घरामध्ये सर्व दिशांनी लख्ख प्रकाश येतो.

Madhuri Dixit

Madhuri Dixit : बॉलिवूड अभिनेत्री माधुरी दीक्षित (Madhuri Dixit) आणि तिचे पती श्रीराम नेने (Shriram Nene) यांनी नुकतेच मुंबईत भाड्याने घर घेतले आहे. त्यांचे हे अपार्टमेंट वरळी, मुंबई येथे आहे. मुंबईत घरे जितकी मोठी आहेत, तितकीच त्यांची किंमतही गगनाला भिडलेली आहे. माधुरी दीक्षितच्या घराचे भाडेही लाखांत आहे. रिपोर्ट्सनुसार, माधुरीने हे घर 12.5 लाख रुपये प्रती महिने इतक्या रकमेत भाड्यावर घेतले आहे.  

माधुरीचे हे आलिशान घर खास डिझायनर अपूर्व श्रॉफने डिझाईन केले आहे. 29व्या मजल्यावर असलेल्या या अपार्टमेंटमधून रात्री संपूर्ण शहराचे अतिशय सुंदर दृश्य दिसते, तर दिवसा घरामध्ये सर्व दिशांनी लख्ख प्रकाश येतो. या घराच्या डिझाईनमध्ये न्यूड पेस्टलऐवजी विविध रंगांचा प्रयोग करण्यात आला आहे.

प्रशस्त आणि आलिशानही!

माधुरी दीक्षितने तिच्या अधिकृत इंस्टाग्राम स्टोरीवर तिच्या नवीन घराची झलक शेअर केली होती. घराचे आतील भाग अतिशय सुंदर आहे. तिच्या घरतील लिव्हिंग रूम पलंग आणि टेबलांसह खूप प्रशस्त आणि आलिशान दिसतो आहे. यात एक मोठी खिडकी आहे, जी पांढऱ्या तलम पडद्यांनी झाकलेली आहे आणि त्याच्या शेजारी एक टेबल आणि दोन खुर्च्या ठेवण्यात आल्या आहेत.

पाहा व्हिडीओ :

इतकेच नाही तर, त्यांचे डायनिंग टेबलही खूप मोठे आहे, जिथे बरेच लोक एकत्र बसून जेवू शकतात. अभिनेत्रीने तिच्या घरात एक खोलीला ‘म्युझिक रूम’मध्ये रूपांतरित केले आहे. या खोलीत गिटारपासून पियानोपर्यंत सर्व वाद्ये दिसत आहेत. तिने घराच्या भिंती तपकिरी, गडद हिरवा, पांढरा यासह अनेक रंगांनी सजवल्या आहेत आणि अपार्टमेंटचे आतील भाग काही अनोख्या कलात्मक गोष्टी आणि पेंटिंग्जमुळे अधिक सुंदर दिसत आहे. बॉलिवूडशादी या वेबसाईटने हा व्हिडीओ त्यांच्या इन्स्टाग्राम अकाऊंटवर शेअर केला आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha