बिग बॉसच्या घरात प्रेमाचे रंग, तासनतास एकत्र; बाहेर पडताच करण सोनावणे स्पष्टच म्हणाला....
Karan Sonawane Clarifies Friendship With Prajakta Shukre: बिग बॉस मराठी 6 मध्ये करण, प्राजक्तामधील मैत्रीचे क्षण प्रेक्षकांना भावले. घराबाहेर येताच करणने प्राजक्तासोबतच्या नात्यावर भाष्य केलं.
Karan Sonawane Clarifies Friendship With Prajakta Shukre in BB: बिग बॉस मराठीच्या सहाव्या सिझनमध्ये अनेक ट्विस्ट पाहायला मिळत आहे. पाचवा आठवडा हा खरंतर शॉकिंग होता. मागच्या आठवड्यात एकूण दोन स्पर्धकांना नारळ देण्यात आलं. करण सोनावणे आणि आयुष संजीव साळुंखे यांना एलिमिनेट करण्यात आलं. अलिकडेच करण आणि प्राजक्ता यांच्यातील मैत्री चांगलीच फुलली. दोघांमधील मैत्री पाहून बिग बॉसच्या घरात प्रेमाचा बहर पाहायला मिळणार का? याची उत्सुकता प्रेक्षकांना होती. करणने प्राजक्ताप्रती असलेल्या भावनाही व्यक्त केल्या होत्या. दरम्यान, अशातच बिग बॉसच्या घरातून बाहेर पडताच करणने प्राजक्तासोबच्या नात्याबद्दल भाष्य केलं आहे.
बिग बॉस मराठीच्या सहाव्या सिझनमध्ये वादासह काही प्रेमाचेही क्षण फुलले. करण आणि प्राजक्तामध्ये मैत्री व्यतिरिक्त कोणतं नातं आहे का? असा सवाल त्यांच्या चाहत्यांनी उपस्थित केला. प्राजक्ता शुक्रेसोबतच्या नात्यावर करण म्हणाला, "मला असं वाटतंय की हे अपूर्ण आहे, मी न्याय देऊ शकत नाही. कारण प्राजक्ता इथे नाहीये. आमचं नातं नेहमी निखळ होतं. मी घराबाहेर निघेपर्यंत आमच्यात मैत्री होती. आता घरातून बाहेर आल्यानंतर एडिट या शब्दाचा अर्थ समजला. एका शब्दाचे 10 अर्थ काढले जाऊ शकतात. मी नेमकं कुणाकुणाला सांगू..? आम्हाला माहितीये, आमच्या जवळच्या लोकांना माहितीये आम्ही नेमकं काय करतोय, जगाला सांगायची गरज नाही.. आमच्यात केवळ मैत्री आहे..", असं करणने स्पष्ट केलं.
"2020 साली मी प्रकाशझोतात आलो. त्यानंतर 4 वर्षे कामे केली. दरम्यान, मी अशा व्यक्तीला भेटलो, जिनं माझं लॉजिक, मस्ती, मॅच्युरिटी, इममॅच्युरिटी, मस्ती सर्व काही स्वीकारलं. खूप वर्षांनी मला एक चांगलं कनेक्शन मिळालं. मला ते कनेक्शन जपावसं वाटलं. मी जेव्हा बिग बॉसच्या घरातून निघालो, तेव्हा मी एक स्पीच दिली. ते एडीट झालं असावं. मी म्हणालो होतो की, मी स्वत:साठी नाही तर, प्राजक्तासाठी रडत आहे. कारण प्राजक्ता त्या ठिकाणी एकटी होईल. आयुष जरी घराच्या आत असता तरीही मला काही प्रॉब्लेम नव्हता. आमच्या तिघांचा बॉण्ड खूप चांगला होता. आमच्या बॉण्डमुळे तिला मेंटल स्ट्रेंथ मिळत होती", असं करणने स्पष्ट केलं.
"प्राजक्ता इमोशनल व्यक्ती आहे. त्यामुळे घरात तिचा विश्वासघात केला जाणार आहे. मला असं वाटतंय की तिनं थोडं इव्हिल बनावं. तिनं खरा गेम दाखवायला हवा", असंही करणने स्पष्ट केलं.
महत्त्वाच्या बातम्या
