Kanguva OTT Release : थिएटरनंतर ओटीटीवर कधी आणि कुठे पाहता येणार 'कंगुवा'; OTT रिलीज डेट आणि प्लॅटफॉर्म जाणून घ्या...

Kanguva OTT Release : सुपरस्टार सूर्याचा बहुप्रतिक्षित चित्रपट कंगुवा 14 नोव्हेंबरला बॉक्स ऑफिसवर रिलीज झाला आहे, आता हा चित्रपट ओटीटीवर कधी येणार ते जाणून घ्या.

Kanguva OTT Release Date and Platform

Source : Instagram

Kanguva OTT Release Date & Platform : साऊथ सुपरस्टार सूर्याचा बहुचर्चित पहिला पॅन इंडिया चित्रपट कंगुवा अखेर प्रदर्शित झाला आहे. कंगुवा चित्रपट यंदाच्या वर्षातील बहुप्रतिक्षित चित्रपटांपैकी एक आहे. या चित्रपटाची घोषणा झाल्यापासून याकडे सर्वांचे डोळे लागले होते. त्यानंतर चित्रपटाचं पोस्टर रिलीज झाल्यानंतर प्रेक्षकांची उत्कंठा शिगेला पोहोचली होती. आता अखेर कंगुवा चित्रपट रिलीज झाल्याने चाहत्यांची प्रतीक्षा संपली आहे. या चित्रपटाने पहिल्या दिवसापासूनच दमदार कमाई करण्यास सुरुवात केली आहे. इतकंच नाहीतर ॲडवान्स बुकींगमध्येही या चित्रपटाने चांगली कमाई केली आहे. कंगुवाचा बॉक्स ऑफिसवर धमाका सुरु झाला आहे.

कंगुवा चित्रपट ओटीटी प्लॅटफॉर्म कधी रिलीज होणार?

कंगुवा चित्रपटात सुपरस्टार सूर्या मुख्य भूमिकेत असून अभिनेता बॉबी देओलही महत्त्वाच्या भूमिकेत आहेत. सूर्या आणि बॉबी देओलची जोडी मोठ्या पडद्यावर पाहण्यासाठी चाहते फार उत्सुक होते. चित्रपटाचा ट्रेलर रिलीज झाल्यापासूनच या चित्रपटाची चाहते आतुरतेने वाट पाहत होते. आता चाहत्यांमध्ये सूर्याच्या मोठ्या पडद्यावरील दमदार कमबॅकचा उत्साह स्पष्ट दिसत आहेत. चाहते जल्लोष करत आहेत. थिएटरमध्ये रिलीज झालेला कंगुवा चित्रपट आता ओटीटी प्लॅटफॉर्मवर कधी आणि कुठे पाहता येईल, याची प्रेक्षकांना उत्सुकता लागली आहे. याबद्द्ल जाणून घ्या. 

'कंगुवा' कोणत्या OTT प्लॅटफॉर्मवर प्रदर्शित होणार?

'कंगुवा' चित्रपटाला रिलीजच्या पहिल्याच दिवशी प्रेक्षकांचा उदंड प्रतिसाद मिळाला आहे. चित्रपटाचा फर्स्ट डे फर्स्ट शो हाऊसफुल्ल गेला. यासोबतच सुपरस्टार सूर्या आणि बॉबी देओलच्या चित्रपटाची कथा, स्टार कास्ट आणि व्हीएफएक्सचे सोशल मीडियावर खूप कौतुक होत आहे. आता, चाहत्यांना चित्रपटाच्या ओटीटी रिलीजची उत्सुकता लागली आहे. थिएटर रिलीजनंतर कंगुवा चित्रपट ओटीटी प्लॅटफॉर्म प्राइम व्हिडीओवर प्रदर्शित होईल

'कंगुवा' चित्रपटाची ओटीटी रिलीज डेट

मीडिया रिपोर्टनुसार, ॲमेझॉन प्राइम व्हिडीओने 'कांगुवा'चे ओटीटी राईट्स 100 कोटी रुपयांना विकत घेतले आहेत. पोंगलच्या मुहूर्तावर 'कंगुवा' चित्रपट ओटीटी प्लॅटफॉर्मवर रिलीज केला जाईल, अशी माहिती समोर येत आहे. कंगुवा चित्रपटाच्या थिएटरमध्ये रिलीज झाल्याच्या 8 आठवड्यांनंतर OTT वर रिलीज केला जाईल, अशी माहिती आहे. मात्र, अद्याप याची अधिकृत ओटीटी रिलीज डेट समोर आलेली नाही.

A story that travels 500 years from 1700’s to 2023 about a Hero who has to fulfil a mission left unfinished. #Kanguva available post-theatrical release. #AreYouReady #PrimeVideoPresents pic.twitter.com/q6StN8XD3e

— prime video IN (@PrimeVideoIN) March 19, 2024

महत्त्वाच्या इतर बातम्या :