'लैला मजनू' नंतर इम्तियाज अली पुन्हा एक प्रेमकथा घेऊन सज्ज; 'हीर रांझा' लवकरच प्रेक्षकांच्या भेटीला
Imtiaz Ali Returns with Heer Ranjha: व्हॅलेन्टाईन डेच्या दिवशी इम्तियाज अली आणि एकता कपूर यांनी 'हीर रांझा' या चित्रपटाची घोषणा केली.
Imtiaz Ali and Ekta Kapoor Announce Heer Ranjha: इम्तियाज अली आणि एकता कपूर पुन्हा एकत्र येत आहे. या बातमीने सर्वांचे लक्ष वेधून घेतले आहे. 'लैला मजनू' या कल्ट चित्रपटानंतर हे दोन दिग्गज पुन्हा एकदा नवा चित्रपट घेऊन प्रेक्षकांच्या भेटीला येणार आहेत. 'हीर रांझा' हा चित्रपट 'लैला मजनू' फ्रँचायझीचा दुसरा भाग आहे. व्हॅलेन्टाईन डेच्या दिवशी, दोघांनी चाहत्यांसाठी 'हीर रांझा' या चित्रपटाची घोषणा केली. नव्या पिढीसाठी ही जुनी प्रेमकथा नवीन आणि सखोल रूपात सादर केली जाईल. या चित्रपटाची प्रेक्षक आतुरतेने वाट पाहत आहेत.
'हीर रांझा' चे दिग्दर्शन प्रसिद्ध चित्रपट निर्माते इम्तिाज अली यांचे धाकटे भाऊ साजिद अली करणार आहेत. एकताने इन्स्टाग्रामवर चित्रपटाची पहिली झलक पोस्टद्वारे शेअर केली आहे. तिनं लिहिली की, 'काही प्रेमकथा कधीच संपत नाही. लैला मजनूपासून हीर रांझापर्यंत, प्रेमाचा हा वारसा सुरूच राहिली', असं तिनं कॅप्शनमध्ये लिहिलं.
'हीर रांझा' ही क्लासिक प्रेमकथा आहे. या चित्रपटाच्या स्टोरीमध्ये नव्या पिढीची प्रेमकहाणी दाखवण्यात येईल. या चित्रपटातून जादुई जग दाखवण्यात येईल, ज्यामध्ये प्रेक्षक पूर्णपणे बुडून जातील. 'लैला मजनू' फ्रँचायझीचे चाहते चित्रपटाचे शीर्षक जाहीर झाल्यापासून उत्सुक आहेत. 'हीर रांझा' या चित्रपटाचे लवकरच चित्रीकरण सुरू होईल. या चित्रपटाचे दिग्दर्शन साजिद अली करणार आहेत.
या चित्रपटाच्या घोषणेबद्दल एकता कपूर म्हणाली, 'लैला मजनू या चित्रपटाला प्रेक्षकांपर्यंत पोहोचायला वेळ लागला होता. परंतु, हा चित्रपट आता एक कल्ट क्लासिक बनला आहे. या चित्रपटाला आजही प्रेक्षकांकडून पसंती मिळत आहे. दरम्यान, लवकरच 'हीर रांझा' प्रेक्षकांच्या भेटीला येईल. ही एक अशी प्रेमकथा आहे, जी काळ आणि भावनांचे सीमा ओलांडते. आम्हाला आशा आहे की, या चित्रपटाची स्टोरी लोकांच्या भावनांना आणि ह्रदयाला स्पर्श करेल'.
लैला मजनू या चित्रपटात अविनाश तिवारी आणि तृप्ती डिमरी प्रमुख भूमिकेत दिसले होते. दरम्यान, 'हीर रांझा' या चित्रपटात कोणती जोडी भूमिका साकारणार? या चित्रपटात कोण मुख्य भूमिकेत दिसणार? 'हीर रांझा' हा चित्रपट नेमका कधी रिलीज होणार? असे अनेक प्रश्न अद्याप अनुत्तरीत आहेत. दरम्यान, या चित्रपटाची प्रेक्षक आतुरतेने वाट पाहत आहेत.
महत्त्वाच्या इतर बातम्या:
महत्त्वाच्या बातम्या
