Singer Arpit Bala: LIVE कॉन्सर्टमध्ये भयंकर घडलं; गायक ऑडियन्सवर थुंकला, बाटलीही फेकली, नेमकं काय घडलं?
Singer Arpit Bala Trolled: अर्पित बाला याचा लाइव्ह कॉन्सर्टमधला व्हिडीओ सोशल मीडियात व्हायरल होत आहे.
Arpit Bala viral video spitting on fan: लाईव्ह स्टेज शोदरम्यान अॅक्टर (Live Performance) असो किंवा गायक, बऱ्याचदा त्यांच्यासोबत काही न काही घडत असते. कधी कलाकारांना स्टेजवर कला सादर करत असताना प्रेक्षकांकडून (Singer viral video) अपमान सहन करावा लागतो. तर, कधी कलाकार किंवा गायकाचा स्टेजवर परफॉर्मन्स सादर करत असताना उद्रेक होतो. सध्या एका गायकाचा व्हिडीओ सोशल मीडियात व्हायरल होत आहे. गायकाला प्रचंड ट्रोल करण्यात येत आहे. फरिदाबादचा प्रसिद्ध गायक अर्पित बाला सध्या चर्चेत आहे. अर्पितनं लाइव्ह शोदरम्यान भयंकर गोष्ट केली. त्याचा प्रेक्षकांवर थुंकत असल्याचा व्हिडिओ व्हायरल होत आहे.
2025 मध्ये बरगद या गाण्यामुळे अर्पित बालाला प्रचंड प्रसिद्धी मिळाली होती. त्याचं हे गाणं प्रचंड गाजलं. नुकतंच 28 मार्च रोजी त्याचा परफॉर्मन्स होता. त्याचा कार्यक्रम हैदराबाद येथील किंगडम क्लब एंड किचन येथे झाला. या कार्यक्रमात त्याच्या चाहत्यांनी गर्दी केली होती. मात्र, या कार्यक्रमात भयंकर गोष्ट घडली. गर्दीतील कुणीतरी गायकावर लाइव्ह कॉन्सर्टवर बाटली फेकली. यावेळी अचानक परिस्थिती बिघडली.
परिस्थिती बिघडल्याने अर्पितचा संयम सुटला. त्यानं रागाने प्रतिक्रिया दिली. तो यावेळेस भडकला असल्याचं पाहायला मिळालं. याचा व्हिडीओ सोशल मीडियात व्हायरल होत आहे. अर्पित मंचावरुन रागाने विचारतो की, बाटली कुणी फेकली आहे. त्या व्यक्तीला ओळखल्यावर गायक त्याच्यावर थुंकतो. तसेच त्याला सर्वांसमोर ओरडतो. यावेळी उपस्थित सर्व जण त्याला चीअर करतात.
यावेळी गायक त्या व्यक्तीला, 'इथे बघ.. काय झालं? का भीती वाटली का आता?', असं म्हणाला. गायकाने पुन्हा ती बाटली त्याच्या दिशेनं फेकली. बाटली फेकून तो म्हणाला, 'हे तुझ्या बहिणीच्या लग्नाला हुंडा म्हणून देऊन टाक'. त्यानंतर सुरक्षारक्षकांनी त्या माणसाला बाहेर काढायला सांगितले. यानंतर अर्पितने उपस्थितांना ताकीद देत सांगितलं की, 'या कार्यक्रमासाठी तुम्ही किती पैसे दिले, याची मला पर्वा नाही', यानंतर त्याने आपला परफॉर्मन्स सुरु ठेवला.
व्हिडीओ व्हायरल होताच नेटकऱ्यांकडून संमिश्र प्रतिक्रिया पाहायला मिळत आहे. काही नेटकऱ्यांनी गायकावर टीका केली. तर, काहींनी त्याच्या वागणुकीला योग्य असल्याचं म्हटलं. सध्या हा व्हिडीओ सोशल मीडियात चर्चेचा विषय ठरत आहे.
महत्त्वाच्या इतर बातम्या:
महत्त्वाच्या बातम्या
