Fauji Marathi Movie : शौर्य आणि संघर्षाची गाथा सांगणाऱ्या 'फौजी' चित्रपटाची रिलीज डेट पुढे ढकलली, 'या' दिवशी होणार प्रदर्शित
Fauji Marathi Movie :जवानांच्या आयुष्यावर बेतलेला फौजी चित्रपट (Fauji Marathi Movie) प्रेक्षकांची रिलीज डेट पुढे ढकलण्यात आली आहे. हा चित्रपट आधी 30 ऑगस्ट रोजी प्रेक्षकांच्या भेटीला येणार होता.
Fauji Marathi Movie : देशभक्तीने प्रेरीत अनेक चित्रपट पडद्यावर येत असतात. त्यातल्या अनेकांना प्रेक्षकांचाही जोरदार पाठिंबा मिळत असतो. आपल्या प्राणांची बाजी लावून लढणाऱ्या सैनिकांप्रती आपलीही निष्ठा तेवढीच मोलाची असते. जवानांच्या आयुष्यावर बेतलेला फौजी चित्रपट (Fauji Marathi Movie) प्रेक्षकांची रिलीज डेट पुढे ढकलण्यात आली आहे. हा चित्रपट आधी 30 ऑगस्ट रोजी प्रेक्षकांच्या भेटीला येणार होता. आता मात्र हा चित्रपट 13 सप्टेंबर रोजी प्रेक्षकांच्या भेटीस येणार आहे. ‘फौजी’चित्रपटात सैनिक आणि त्यांच्या कुटुंबीयांच्या शौर्याची स्फूर्तीदायक कथा पहायला मिळणार आहे.
'फौजी' चित्रपटाचा थरारक ट्रेलर नुकताच कलाकार, तंत्रज्ञ यांच्या उपस्थितीत दिमाखात प्रदर्शित करण्यात आला. सीमेवरच्या जवानांची शौर्यकथा पोटतिडकीने मांडत, चैतन्य मराठे, भारत देशमुख या दोन जवानाचं आयुष्य आणि त्यांची निस्सीम देशसेवा या कथासूत्राभोवती ‘फौजी’ आधारीत आहे. शेतकरी कुटुंबातून आलेल्या आणि स्पॉटबॉय ते निर्माता-दिग्दर्शक असा संघर्षमय प्रवास करणाऱ्या घनशाम येडे यांनी ‘फौजी’ चित्रपटाची निर्मिती केली आहे. चित्रपटाची कथा, पटकथा, संवाद, गीते घनशाम येडे यांची आहेत. छायांकन मोहन वर्मा, तर संकलन विश्वजीत यांचे आहे. चित्रपटाचे निर्माते-लेखक-दिग्दर्शक घनशाम विष्णुपंत येडे यांनी सांगितलं की, आपल्या देशासाठी, समाजासाठी आपला प्राण पणाला लावणाऱ्या जवानांप्रती कृतज्ञता व्यक्त करणे अत्यंत गरजेचे आहे. त्यासोबतच युवा पिढीला देशासाठी सर्वस्व अर्पण करण्याची प्रेरणा मिळावी यासाठी ‘फौजी’ चित्रपटाची निर्मिती केली.
चित्रपटात कोणते कलाकार....
चित्रपटात सौरभ गोखले, प्राजक्ता गायकवाड, अरुण नलावडे, नागेश भोसले, संजय खापरे, अश्विनी कासार, शाहबाज खान, टिनू वर्मा, सिद्वेश्वर झाडबुके, हंसराज जगताप, विवेक चाबुकस्वार, सुनील गोडबोले, रोहित चव्हाण, प्रग्या नयन, जान्हवी व्यास, कल्याणी नदकिशोर, मंजुषा खत्री, जयंत सावरकर, घनशाम येडे या कलाकारांच्या भूमिका आहेत.
चित्रपटाचे निर्माते-लेखक-दिग्दर्शक घनशाम विष्णुपंत येडे आहेत. सहनिर्मात्या स्वप्नजा विश्वनाथ नाथ आहेत. विशेष कार्यकारी निर्माता प्रथमेश बिल्डर्स अँड डेव्हलपर्स, शिवाजी घमाजी दडस तर विशेष निर्मिती सहकार्य विष्णुपंतभाऊ नेवाळे यांचे आहे. अनमोल निर्मिती सहकार्य सतीश नाझरकर, डॉ. शंकर तलबे, उद्धव गावडे, अशोक गाढे, राजेश चव्हाण, गणेश गुंजाळ, एस.पी. गावडे, ज्योतीराम घाडगे, कुमार परदेशीं, राजेंद्र कर्णे , प्रविण बुरुंगे याचे आहे.
महत्त्वाच्या बातम्या
