Entertainment News Live Updates 26 July : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Koffee With Karan 7 : सिने-निर्माता करण जोहरच्या (Karan Johar) 'कॉफी विथ करण' (Koffee With Karan) या कार्यक्रमाचे सातवे पर्व प्रेक्षकांच्या पसंतीस उतरत आहे. पहिल्या तीन भागांना प्रेक्षकांनी चांगला प्रतिसाद दिला आहे. आता चौथ्या भागात दाक्षिणात्य अभिनेता विजय देवरकोंडा (Vijay Deverakonda) आणि अनन्या पांडे (Ananya Panday) दिसणार आहेत.
Ranveer Singh Police Complaint : बॉलिवूड अभिनेता रणवीर सिंह (Ranveer Singh) सध्या चर्चेत आहे. त्याचे न्यूड फोटोशूट सोशल मीडियावर व्हायरल होत आहे. अशातच अभिनेता रणवीर सिंह विरोधात न्यूड फोटोशूटप्रकरणी चेंबूर पोलिस ठाण्यात गुन्हा दाखल झाला आहे.
Nilesh Gavand : राष्ट्रीय चित्रपट पुरस्कार (National Film Awards 2022) नुकतेच जाहीर झाले आहेत. राष्ट्रीय आणि आंतरराष्ट्रीय पुरस्कारांमध्ये निलेश गावंडचा (Nilesh Gavand) बोलबाला पाहायला मिळत आहे. सर्जनशीलतेच्या जोरावर निलेश गावंडने सिनेसृष्टीत आपला वेगळा ठसा उमटवला आहे. राष्ट्रीय तसेच आंतरराष्ट्रीय पुरस्कारांमध्ये निलेशने संकलित केलेल्या सिनेमांनी बाजी मारली आहे.
Rijuta Ghosh Deb On Haters On Social Media : बॉलिवूडधील सर्वांत चर्चेत असणारी अभिनेत्री म्हणजे दीपिका पादुकोण (Deepika Padukone). दीपिका तिच्या अभिनयानं आणि स्टाईलनं नेहमीच प्रेक्षकांची मनं जिंकते. दीपिका तिच्या लुक्समुळे नेहमी चर्चेत असते. तिला अनेक नेटकरी सोशल मीडियावर फॉलो देखील करतात. सध्या दीपिका सारख्या दिसणाऱ्या एका तरुणीची सोशल मीडियावर चर्चा आहे. तिचं नाव रिजुता घोष देब (Rijuta Ghosh Deb) असं आहे. दीपिका सारख्या दिसणाऱ्या रिजुताचे फोटो सोशल मीडियावर व्हायरल झाले आहे. या फोटोंना पाहून नेटकरी देखील अवाक् झाले. आता एका मुलाखतीमध्ये रिजुतानं तिला येणाऱ्या अनुभवाबद्दल सांगितलं.
Bus Bai Bus : ‘बस बाई बस’ (Bus Bai Bus) या कार्यक्रमातून अभिनेता सुबोध भावे (Subodh Bhave) प्रेक्षकांच्या पुन्हा एकदा भेटीस येणार आहे. ‘बस बाई बस’ हा कार्यक्रम 29 जुलैपासून शुक्रवार आणि शनिवार रात्री 9.30 वाजता प्रेक्षकांच्या भेटीस येणार आहे. या कार्यक्रमात काही सुप्रसिद्ध महिला व्यक्तिमत्व उपस्थित राहणार असून, सुबोध त्यांच्याशी संवाद साधणार आहे. सुबोध भावे प्रत्येक भूमिकेत जीव ओतून काम करत असतो. आता सुबोध स्त्रियांसाठी लेडीज स्पेशल बस घेऊन येणार आहे. ही बस महिलांसाठी विशेष असणार आहे. सुबोधचा 'बस बाई बस' हा कार्यक्रम हटके असणार आहे. या कार्यक्रमाची महिलावर्गात क्रेझ दिसून येत आहे.
Adnan Sami Come Back On Instagram: बॉलिवूडमधील प्रसिद्ध गायक अदनान सामीनं (Adnan Sami) काही दिनसांपूर्वी त्यानं आपल्या इन्स्टाग्राम अकाऊंटवरील सगळ्या पोस्ट डिलीट केल्या होत्या. त्यावेळी त्यानं ‘अलविदा’ म्हणत एक व्हिडीओ शेअर केला होता. सोशल मीडियावरील पोस्ट डिलीट केल्यामुळे अदनान सामी हा चर्चेत होता. या पोस्ट त्यानं का डिलीट केल्या? असा प्रश्न नेटकऱ्यांना पडला होता. आता या प्रश्नाचं उत्तर अदनान सामीनं दिलं आहे.
TakaTak 2 Song Out : मागील काही दिवसांपासून मराठीपासून हिंदी सिनेसृष्टीपर्यंत सगळीकडेच 'टकाटक 2' (Takatak 2) या आगामी मराठी चित्रपटाची जोरदार चर्चा सुरू आहे. 'टकाटक'ला मिळालेल्या तूफानी यशानंतर निर्माते आणि दिग्दर्शकांनी या चित्रपटाचा पुढचा टप्पा सिक्वेलच्या माध्यमातून प्रेक्षकांच्या भेटीला आणण्याचा निर्णय घेतल्यापासूनच प्रेक्षक 'टकाटक 2'ची आतुरतेनं वाट पहात आहेत. 'टकाटक'प्रमाणेच 'टकाटक 2'देखील म्युझिकल कॅामेडी प्रकारात मोडणारा सिनेमा आहे. समाजात घडणाऱ्या घटनांवर विनोदी अंगाने भाष्य करताना मनोरंजक मूल्यांची सुरेख जोड देत सुमधूर संगीतरचना सादर करण्याचा फॅार्म्युला या चित्रपटाही वापरण्यात आला आहे. नुकतंच 'टकाटक 2'चं चार्टबस्टर टायटल ट्रॅक रिलीज करण्यात आलं आहे.
Ranveer Singh : बॉलिवूडमधील प्रसिद्ध अभिनेता रणवीर सिंह (Ranveer Singh) त्याच्या न्यूड फोटोशूटमुळे सध्या चर्चेत आहे. रणवीरने Paper magazine website च्या मॅगझीनच्या कव्हरसाठी न्यूड फोटोशूट केलेय. या रणवीरच्या न्यूड फोटोला कमेंट करुन अनेकांनी रणवीरला ट्रोल केलं आहे. काही नेटकऱ्यांनी तर रणवीरच्या या न्यूड फोटोवर भन्नाट मीम्स तयार केले. न्यूड फोटोशूटप्रकरणी रणवीर सिंह विरोधात चेंबुर पोलीस ठाण्यात गुन्हा दाखल करण्यात आला. आता चित्रपट निर्माता राम गोपाल वर्मानं (Ram Gopal Varma) 'गली बॉय' रणवीरला सपोर्ट केला आहे.
Hansal Mehta : बॉलिवूडचे दिग्गज चित्रपट निर्माते-दिग्दर्शक हंसल मेहता (Hansal Mehta) कोरोना पॉझिटिव्ह (Corona Virus) असल्याचे आढळून आले असून, त्यांनी इन्स्टाग्राम पोस्टद्वारे चाहत्यांना ही माहिती दिली आहे. हंसल मेहता यांनी त्यांच्या इन्स्टा पोस्टमध्ये सांगितले की, त्यांना कोरोना संसर्ग झाला आहे आणि यावेळी त्यांची लक्षणे फारशी सौम्य नाहीत. त्यांनी त्यांच्या इन्स्टा स्टोरीवर लिहिले की, 'माझी कोरोना चाचणी पॉझिटिव्ह आली आहे. लक्षणे फारशी सौम्य नाहीत. गेल्या काही दिवसांत माझ्या संपर्कात आलेल्या लोकांना मी आवश्यक पावले उचलण्याची विनंती करेन. कृपया सुरक्षित रहा.'
Shamshera box office collection Day 4 : अभिनेता रणबीर कपूरच्या (Ranbir Kapoor) ‘शमशेरा’ (Shamshera) या चित्रपटाची वाट त्याचे चाहचे उत्सुकतेने बघत होते. चित्रपटाच्या ट्रेलरला प्रेक्षकांची पसंती मिळाली. पण प्रेक्षकांनी या चित्रपटाकडे पाठ फिरवली आहे. आता चित्रपटाचं बॉक्स ऑफिस पाहता या चित्रपटाला प्रेक्षकांची नापसंती मिळत आहे का? असा प्रश्न अनेकांना पडला आहे. जाणून घेऊयात या चित्रपटाचं बॉक्स ऑफिस कलेक्शन...
Rocky Bhai Video : केजीएफ (KGF) या चित्रपटानं बॉक्स ऑफिसवर धुमाकूळ घातला. या चित्रपटाचा पहिला भाग 2018 मध्ये रिलीज झाला. त्यानंतर या चित्रपटाचा दुसरा (KGF 2) भाग देखील प्रेक्षकांच्या भेटीस आला. या चित्रपटाच्या दोन्ही भागांनी बॉक्स ऑफिसवर कोट्यवधींची कमाई केली. या चित्रपटामधील रॉकी भाई (Rocky Bhai) या भूमिकेला प्रेक्षकांची विशेष पसंती मिळाली. रॉकी भाई ही भूमिका अभिनेता यशनं (Yash) साकारली. केजीएफ चित्रपटामधील रॉक भाईच्या स्टाईलनं आणि डायलॉग्सनं अनेकांची मनं जिंकली. सध्या सोशल मीडियावर एका व्यक्तीचा व्हिडीओ व्हायरल होत आहे. या व्हिडीओमधील व्यक्ती हा केजीएफमधील यश सारखा दिसतो असं नेटकऱ्यांचे मत आहे.
पाहा व्हिडीओ:
Sita Ramam : दाक्षिणात्य चित्रपटसृष्टीतील प्रसिद्ध अभिनेता दुलकर सलमान (Dulquer Salmaan), पुष्पा फेम अभिनेत्री रश्मिका मंदना (Rashmika Mandanna) आणि बॉलिवूडमधील प्रसिद्ध अभिनेत्री मृणाल ठाकुर (Mrunal Thakur) यांच्या 'सीता रामम' (Sita Ramam) या चित्रपटाचा ट्रेलर रिलीज झाला आहे. या चित्रपटाचे कथानक सीता आणि राम या भूमिकांच्या आयुष्यावर आधारित आहे. या चित्रपटामध्ये 60 ते 70 दशकातील लव्ह स्टोरी प्रेक्षकांना बघायला मिळणार आहे.
पाहा ट्रेलर:
Dance Maharashtra Dance : ‘डान्स महाराष्ट्र डान्स लिटिल मास्टर्स’ (Dance Maharashtra Dance Little Masters) हा कार्यक्रम या आठवड्यात बुधवारपासून प्रेक्षकांच्या भेटीस येणार आहे. प्रेक्षकांसोबतच छोट्या दोस्तांना देखील या कार्यक्रमाची उत्सुकता लागली आहे. कारण, या कार्यक्रमात ‘चिंची चेटकीण’ तिच्या जादूने गंमत आणणार आहे. या कार्यक्रमाचे परीक्षक गश्मीर महाजनी (Gashmeer Mahajani) आणि सोनाली कुलकर्णी (Sonalee Kulkarni) नुकतेच या कार्यक्रमातील लिटिल मास्टर्स सोबत धमाल मजा मस्ती करताना दिसले. नुकतेच एका मॉलमध्ये ‘डान्स महाराष्ट्र डान्स’मधील स्पर्धक फ्लॅशमॉब करून सगळ्यांचं लक्ष वेधून घेत असतानाच सोनाली आणि गश्मीर देखील तिथे उपस्थित राहिले आणि इतकंच नव्हे तर त्यांनी देखील या छोट्या दोस्तांसोबत डान्स केला.
Salman Khan : गेल्या महिन्यात बॉलिवूड अभिनेता सलमान खान (Salman Khan) याला जीवे मारण्याची धमकी मिळाली होती. तेव्हापासून सलमान खान सार्वजनिक ठिकाणी दिसणं किंवा एखाद्या कार्यक्रमात सहभागी होणं टाळत होता. पण, लॉरेन्स बिश्नोई टोळीकडून त्याला जीवे मारण्याची धमकी मिळाल्याच्या जवळपास दीड महिन्यानंतर आता सलमान खान पहिल्यांदाच सार्वजनिक कार्यक्रमात सामील झाला आहे. 6 जून रोजी एका पत्राद्वारे जीवे मारण्याची धमकी मिळाल्यानंतर सलमान खान नुकताच एका प्रमोशनल इव्हेंटमध्ये दिसला. सलमान खान त्याची प्रस्तुती असलेल्या ‘विक्रांत रोणा’ (Vikrant Rona) या आगामी चित्रपटाचे प्रमोशन करताना दिसला.
Deepti Naval Biography : सुप्रसिद्ध अभिनेत्री, चित्रकार आणि कवयित्री दीप्ती नवल (Deepti Naval) यांच्या जीवनावर आधारित 'अ कंट्री कॉल्ड चाइल्डहूड' (A Country Called Childhood) या इंग्रजी पुस्तकाचे नुकतेच प्रकाशन करण्यात आले. या पुस्तक प्रकाशनाच्या वेळी अभिनेत्री दीप्ती नवल यांच्यासह अभिनेत्री शबाना आझमी (Shabana Azami) आणि अभिनेता मकरंद देशपांडे (Makarand Deshpande) देखील उपस्थित होते. या कार्यक्रमाच्या सूत्रसंचालनाची धुरा अभिनेते मकरंद देशपांडे यांनी सांभाळली.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Pathaan Poster : प्रतीक्षा संपली; 'पठाण' सिनेमातील दीपिका पदुकोणचा फर्स्ट लुक आऊट
बॉलिवूडचा बादशाह शाहरुख खान (Shahrukh Khan) सध्या 'पठाण' (Pathaan) सिनेमामुळे चर्चेत आहे. लवकरच हा सिनेमा प्रेक्षकांच्या भेटीला येणार आहे. अशातच 'पठाण' सिनेमातील दीपिका पदुकोणचा (Deepika Padukone) फर्स्ट लुक आऊट झाला आहे. दीपिका पदुकोणचा 'पठाण' सिनेमातील लुक सध्या सोशल मीडियावर व्हायरल होत आहे. या सिनेमात दीपिका अॅक्शनमोडमध्ये दिसणार आहे. दीपिकाचा एक वेगळी लुक या सिनेमात प्रेक्षकांना पाहायला मिळणार आहे. दीपिका लुक चाहत्यांच्या पसंतीस उतरत आहे. शाहरुखने दीपिकाचा लुक शेअर करत लिहिलं आहे,"तिला केवळ गोळीने घायाळ करण्याची गरज नाही".
Sonu Sood : कोरोनाकाळात केलेल्या विशेष कार्याबद्दल सोनू सूदचा 'आयएए विशेष पुरस्कारा'ने सन्मान
Sonu Sood : कोरोनाकाळात गरजू लोकांना मदत करण्याचं काम अभिनेता सोनू सूदने (Sonu Sood) केलं. कोरोनाकाळात सोनू सूद मुंबईसह महाराष्ट्रात अडकलेल्या उत्तर प्रदेश, बिहार, मध्य प्रद्रेश, पश्मिम बंगालसह अनेक राज्यांतील नागरिकांना त्यांच्या घरी पोहोचवण्यासाठी मदत करत होते. अनेक मंडळींसोबत सोशल मीडियाद्वारे संवाद साधत होता. त्यामुळे आता सोनू सूदला 'आयएए विशेष पुरस्कारा'ने (IAA awards 2022) गौरवण्यात आलं आहे.
IAA awards 2022 : 'आयएए' पुरस्कार सोहळा; रणवीर ठरला यंदाचा 'ब्रँड एंडॉर्सर ऑफ द इयर'
बॉलिवूड अभिनेता रणवीर सिंह (Ranveer Singh) सध्या न्यूड फोटोशूटमुळे चर्चेत आहे. आता बाजीराव पुन्हा एकदा चर्चेत आला आहे. रणवीरला आयएए (IAA) पुरस्कारानं सन्मानित करण्यात आलं आहे. रणवीर सध्या 41 ब्रॅंड्सचं प्रतिनिधित्व करत आहे. भारतीय मार्केटिंग, जाहीरात आणि मीडिया क्षेत्रात उल्लेखनीय कामगिरी करणाऱ्या व्यक्तींना 'आयएए' लीडरशीप पुरस्काराने गौरवलं जातं. त्यानुसार रणवीरला 'ब्रँड एंडॉर्सर ऑफ द इयर' (Brand Endorser of the Year) या पुरस्कारानं सन्मानित करण्यात आलं आहे.
- - - - - - - - - Advertisement - - - - - - - - -