Dance Maharashtra Dance : चिमुकल्यांची धमाल, ‘डान्स महाराष्ट्र डान्स’चे लिटिल मास्टर्स थिरकले सोनाली आणि गश्मीरसोबत! 

Dance Maharashtra Dance : ‘डान्स महाराष्ट्र डान्स लिटिल मास्टर्स’ (Dance Maharashtra Dance Little Masters) हा कार्यक्रम या आठवड्यात बुधवारपासून प्रेक्षकांच्या भेटीस येणार आहे.

Dance Maharashtra Dance

Dance Maharashtra Dance : ‘डान्स महाराष्ट्र डान्स लिटिल मास्टर्स’ (Dance Maharashtra Dance Little Masters) हा कार्यक्रम या आठवड्यात बुधवारपासून प्रेक्षकांच्या भेटीस येणार आहे. प्रेक्षकांसोबतच छोट्या दोस्तांना देखील या कार्यक्रमाची उत्सुकता लागली आहे. कारण, या कार्यक्रमात ‘चिंची चेटकीण’ तिच्या जादूने गंमत आणणार आहे. या कार्यक्रमाचे परीक्षक गश्मीर महाजनी (Gashmeer Mahajani) आणि सोनाली कुलकर्णी (Sonalee Kulkarni) नुकतेच या कार्यक्रमातील लिटिल मास्टर्स सोबत धमाल मजा मस्ती करताना दिसले. नुकतेच एका मॉलमध्ये ‘डान्स महाराष्ट्र डान्स’मधील स्पर्धक फ्लॅशमॉब करून सगळ्यांचं लक्ष वेधून घेत असतानाच सोनाली आणि गश्मीर देखील तिथे उपस्थित राहिले आणि इतकंच नव्हे तर त्यांनी देखील या छोट्या दोस्तांसोबत डान्स केला.

लिटिल मास्टर्सचा डान्स आणि त्यांना मिळालेली सोनाली आणि गश्मीरची साथ त्याच्यामुळे तिथे उपस्थित सर्व लोकांमध्ये देखील एक वेगळाच उत्साह संचारला. तिथे उपस्थित सगळ्यांनी या लिटिल मास्टर्सच्या बाजूला घोळका केला आणि त्यांना प्रोत्साहन देखील दिलं. गश्मीर आणि सोनालीने सार्वजणांना डान्स महाराष्ट्र डान्स पाहण्याचं आवाहन केलं.

बच्चेकंपनी उत्सुक

या कार्यक्रमासाठी बच्चेकंपनी उत्सुक आहे. कारण या कार्यक्रमाचं स्वरूप काहीस वेगळं असणार आहे. या कार्यक्रमात सूत्रसंचालकाच्या भूमिकेत संदीप पाठक (Sandeep Pathak) दिसणार आहे. चिंची चेटकीण या कार्यक्रमात तिची जादू दाखवणार आहे. त्यामुळे छोट्या दोस्तांना या कार्यक्रमातून अफाट मनोरंजन मिळणार यात शंकाच नाही. सोनाली कुलकर्णी आणि गश्मीर महाजनी हे दोघे या कार्यक्रमात परीक्षकाची भूमिका निभावणार आहेत. तर, या कार्यक्रमाचं सूत्रसंचालन अभिनेता संदीप पाठक करणार आहे.

गश्मीर सांभाळणार परीक्षकाची भूमिका

आपल्या या जबाबदारीच्या भूमिकेबद्दल बोलताना गश्मीर म्हणाला की, ‘हा माझा पहिलाच डान्स रिऍलिटी शो आहे, ज्यात मी सहभागी होतोय आणि तेही परीक्षकाच्या भूमिकेत, याचा मला खूप आनंद आहे. हा कार्यक्रम स्वीकारण्यामागे महत्वाचं कारण म्हणजे लहान मुलांसोबत होणारं इंटरॅक्शन. माझं लहान मुलांसोबत कनेक्शन खूप छान जुळतं. त्याचसोबत या कार्यक्रमात मी माझ्या कम्फर्ट झोनच्या बाहेर काम करताना दिसेन. प्रेक्षकांनी आता पर्यंत मला विविध चित्रपटांत पाहिलं आहे. एका अभिनेत्या पलीकडे मी एक उत्तम डान्सर आणि कोरिओग्राफर आहे हे संपूर्ण महाराष्ट्राला माहिती आहे.’

संबंधित बातम्या