Entertainment News Live Updates 16 July : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
नुसरतने तिच्या या लूकचे क्लोज अप फोटो शेअर केले आहेत. तिने न्यूड मेकअपने तिचा लूक पूर्ण केला आहे.यावेळी अभिनेत्रीने आपले केस खुले ठेवले आहेत.
‘दे धक्का 2’ या चित्रपटाचे दिग्दर्शन महेश मांजरेकर करणार आहेत. महाराष्ट्र नवनिर्माण चित्रपट सेनेचे अध्यक्ष अमेय खोपकर यांच्या बॅनर खाली या चित्रपटाची निर्मिती करण्यात आली आहे. ‘दे धक्का 2’च्या टीझरमुळे प्रेक्षकही उत्सुक झाले असून, त्यांच्या लाडक्या मकरंद जाधव, सुमती जाधव, धनाजी, सूर्यभान जाधव, सायली आणि किसनाला भेटण्यासाठी उत्सुक आहेत.
बॉलिवूड आणि साऊथ चित्रपटांमध्ये आपला ठसा उमटवणारी अभिनेत्री रकुल प्रीत सिंग नेहमीच कोणत्या ना कोणत्या कारणाने चर्चेचा भाग असते. आता पुन्हा एकदा रकुल लेटेस्ट फोटोशूटमुळे प्रसिद्धीच्या झोतात आली आहे, ज्यावरून लोकांची नजर हटवणे कठीण झाले आहे.
Sophie Turner : बॉलिवूडची ‘देसी गर्ल’ प्रियांका चोप्रा (Priyanka Chopra) हिच्या घरी पुन्हा एकदा आनंदाची उधळण झाली आहे. अभिनेत्री प्रियांका दुसऱ्यांदा ‘काकी’ बनली आहे. प्रियांका चोप्राची ‘जाऊबाई’ सोफी टर्नर (Sophie Turner) पुन्हा आई झाली असून, तिने एका मुलीला जन्म दिला आहे. सोफी टर्नर आणि जो जोनास (Jo Jonas) यांच्या घरी गुरुवारी (14 जुलै) चिमुकलीचे आगमन झाले आहे. सोफी टर्नरच्या प्रवक्त्याने मीडियाला यासंदर्भात माहिती दिली.
Katrina Kaif, Vicky Kaushal : बॉलिवूड अभिनेत्री कतरिना कैफ (Katrina Kaif) आज (16 जुलै) तिचा 39वा वाढदिवस साजरा करत आहे. अभिनेत्री, पती विकी कौशल (Vicky Kaushal) याच्यासोबत मालदीवला रवाना झाली आहे. मालदीवमध्ये विकी आणि कतरिना वाढदिवसाचे सेलिब्रेशन करणार आहेत. दोघांचे मालदीवला रवाना होतानाचे फोटो आणि व्हिडीओ सोशल मीडियावर चर्चेत आले आहेत. विकी आणि कतरिना मालदीवला रवाना होत असताना पापाराझींनी त्यांना मुंबई विमानतळावर घेरले होते.
Rangbaaz 3 : ‘झी 5’ या ओटीटी व्हिडीओ स्ट्रीमिंग प्लॅटफॉर्मवर ‘रंगबाज’ या सीरिजचा आणखी एक सीझन प्रेक्षकांच्या भेटीला येणार आहे. या जबरदस्त गँगस्टर ड्रामाचा हा तिसरा सीझन असून, आतापर्यंत आलेल्या दोन यशस्वी सीझन्समध्ये गुन्हेगार असलेल्या दोन राजकीय नेत्यांची गोष्ट दाखवण्यात आली होती. सचिन पाठक यांचे दिग्दर्शन आणि सिद्धार्थ मिश्रा यांचे लिखाण असलेली ‘रंगबाज : डर की राजनीती’ ही सीरिज नवदीप सिंह यांच्या मागदर्शनाखाली तयार करण्यात आली असून, 29 जुलै रोजी प्रदर्शित होणार आहे.
Phone Bhoot Release Date: बॉलिवूड स्टार कतरिना कैफ (Katrina Kaif), ईशान खट्टर (Ishan Khattar) आणि सिद्धांत चतुर्वेदी (Siddhant Chaturvedi) यांचा आगामी चित्रपट 'फोन भूत' (Phone Bhoot) गेल्या काही दिवसांपासून चर्चेत आहे. काही दिवसांपूर्वीच याचे एक पोस्टर रिलीज करण्यात आले होते, ज्यामध्ये हा चित्रपट 7 ऑक्टोबरला प्रदर्शित होणार असल्याचे म्हटले होते. 15 जुलैला दुपारी निर्मात्यांनी या चित्रपटाचे मोशन पोस्टर रिलीज करताना देखील ही रिलीज डेट 7 ऑक्टोबरचं होती. मात्र, संध्याकाळच्या शेवटी या चित्रपटाच्या प्रदर्शनाची तारीख बदलण्यात आली. आता निर्मात्यांनी या चित्रपटाची नवीन रिलीज डेट जाहीर केली आहे.
Sushmita Sen, Lalit Modi : भारताची माजी मिस युनिव्हर्स-अभिनेत्री सुष्मिता सेन (Sushmita Sen) आणि ललित मोदी (Lalit Modi) यांच्यातील नात्याबद्दल ऐकून केवळ चाहत्यांनाच धक्का बसलेला नाही, तर सुष्मिता सेनच्या कुटुंबीयांनाही याची माहिती नव्हती. सुरुवातीला सुष्मिताचा भाऊ राजीव सेन याने आपल्याला कोणतीही माहिती नसल्याचे म्हटले होते. आता सुष्मिताचे वडील शुभीर सेन यांचीही या नात्यावर प्रतिक्रिया आली आहे. सुष्मिता सेंच वडील आणि माजी हवाई दल अधिकारी शुभीर सेन यांनी याबद्दल बोलताना सांगितले की, त्यांना या प्रकरणाची काहीही माहिती नाहीय.
Katrina Kaif Birthday : बॉलिवूडची बोल्ड अँड ब्युटीफुल अभिनेत्री कतरिना कैफ (Katrina Kaif) आज (16 जुलै) तिचा वाढदिवस साजरा करत आहे. कतरिना आजच्या काळातील लोकप्रिय बॉलिवूड अभिनेत्रींपैकी एक आहे. कतरिना कैफने अनेक मोठ्या कलाकारांसोबत अभिनय करून प्रेक्षकांची मने जिंकली आहेत. बॉलिवूडमध्ये पाऊल ठेवण्यापूर्वी कतरिना कैफ मॉडेलिंग करायची. वयाच्या अवघ्या 14व्या वर्षी तिने मॉडेलिंगला सुरुवात केली होती. मॉडेलिंगच्या काळात तिला 2003 मध्ये आलेल्या 'बूम' चित्रपटात काम करण्याची संधी मिळाली होती.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Sushmita Sen First Reaction : ललित मोदींच्या पोस्टनंतर सुष्मिताची पहिली रिअॅक्शन; म्हणाली...
बॉलिवूडमधील प्रसिद्ध अभिनेत्री सुष्मिता सेन (Sushmita Sen)आणि ललित मोदी (Lalit Modi) सध्या चर्चेत आहेत. ललित मोदी यांनी शेअर केलेल्या डेटिंगच्या पोस्टमुळे सध्या सोशल मीडियावर बऱ्याच चर्चा रंगल्या आहे. ललित मोदी यांनी सोशल मीडियावर काही फोटो शेअर करत त्यांच्या रिलेशनशिपची माहिती चाहत्यांना दिली आहे. आता सुष्मितानं या पोस्टवर रिअॅक्शन दिली आहे.
Deepika Padukone : 'सेम टू सेम'; दीपिकासारख्या दिसणाऱ्या तरुणीची सोशल मीडियावर हवा!
बॉलिवूडमधील सेलिब्रिटींच्या डुप्लिकेट्सचे फोटो सोशल मीडियावर व्हायरल होत असतात. आलिया भट्ट (Alia Bhatt), शाहरुख खान (Shah Rukh Khan), अमिताभ बच्चन (Amitabh Bachchan), ऐश्वर्या राय आणि कतरिना कैफ (Katrina Kaif) या सेलिब्रिटींसारख्या दिसणाऱ्या व्यक्तींचे फोटो सोशल मीडियावर नेहमी व्हायरल होतात. आता या सेलिब्रिटींच्या यादीत अभिनेत्री दीपिका पादूकोणच्या (Deepika Padukone) नावाचा समावेश झाला आहे. दीपिका सारख्या दिसणाऱ्या एका तरुणेचे फोटो सोशल मीडियावर व्हायरल झाले आहे. या फोटोंना पाहून नेटकरी देखील अवाक् झाले आहेत.
Koffee With Karan 7: रश्मिका मंदना आणि विजय देवरकोंडाच्या नात्याबाबत सारा अली खानचा गौप्यस्फोट; म्हणाली...
नॅशनल क्रश म्हणून ओळखली जाणारी अभिनेत्री रश्मिका मंदाना (Rashmika Mandanna) सोशल मीडियावर नेहमी चर्चेत असते. सध्या सोशल मीडियावर अशी चर्चा सुरू आहे की, रश्मिका ही प्रसिद्ध अभिनेता विजय देवरकोंडाला (Vijay Deverakonda) डेट करत आहे. रश्मिका आणि विजय यांनी अजून त्यांच्या नात्याबाबत कोणतीही घोषणा केली नाही. आता ‘कॉफी विद करण 7’ (Koffee With Karan 7) मध्ये अभिनेत्री सारा अली खाननं (Sara Ali Khan) रश्मिका आणि विजयच्या नात्याबाबत एक गौप्यस्फोट केला आहे.
‘आई कुठे काय करते’ आणि ‘सुख म्हणजे नक्की काय असतं’ मालिकांच्या सेटवर भीतीचं वातावरण
छोट्या पडद्यावर सध्या ‘आई कुठे काय करते’ (Aai Kuthe Kay Karte) आणि ‘सुख म्हणजे नक्की काय असतं’ (Sukh Mhanje Nakki Kay Asta) या मालिकांचा बोलबाला आहे. या मालिकांच्या कथानाकांनी प्रेक्षकांचे भरपूर मनोरंजन केले आहे. मात्र, सध्या या मालिकांच्या सेटवर भीतीचं वातवरण पसरलं आहे. या मालिकांच्या सेटवर भूताचा वावर असल्याची चर्चा सुरु आली आहे. या भूताने ‘आई कुठे काय करते’च्या ‘संजनाची आणि ‘सुख म्हणजे नक्की काय असतं’ या मालिकेतील ‘शालिनी’ची झोप उडवली आहे.
Nayanthara, Vignesh Shivan : एका चुकीमुळे 25 कोटींचे नुकसान; नयनतारा- विग्नेशसोबतची डील नेटफ्लिक्सनं केली रद्द?
दाक्षिणात्य सिनेसृष्टीतील प्रसिद्ध अभिनेत्री नयनतारा (Nayanthara) आणि दिग्दर्शक विघ्नेश शिवन (Vignesh Shivan) यांनी 9 जून 2022 रोजी लग्नगाठ बांधून आपल्या आयुष्याच्या नव्या इनिंगला सुरुवात केली. नयनतारा आणि विग्नेश यांचा विवाह सोहळा चैन्नई येथे पार पडला. रजनीकांत, शाहरुख खान, मणिरत्नम, दिग्दर्शक बोनी कपूर, सूर्या, ए आर रहमान, एटली, कार्थी, वसंत रवी यांसारख्या सेलिब्रिटींनी नयनतारा आणि विघ्नेश यांच्या लग्न सोहळ्याला हजेरी लावली. लग्न सोहळ्यातील नयनताराच्या लूकनं अनेकांचे लक्ष वेधले. नयनतारा आणि विघ्नेश यांच्या लग्नसोहळ्याचा अल्बम नेटफ्लिक्सवर रिलीज होणार होता. नेटफ्लिक्ससोबत नयनतारा आणि विघ्नेश यांनी 25 कोटींची डील केली होती. पण रिपोर्टनुसार, नयनतारा आणि निघ्नेश यांच्यासोबतची ही डील रद्द करण्याचा निर्णय नेटफ्लिक्सनं घेतला आहे.
- - - - - - - - - Advertisement - - - - - - - - -