ब्रेकअप के बाद! सुष्मिता सेन पुन्हा एकदा प्रेमात, ललीत मोदींनी पोस्ट केले रोमँटिक फोटो
Lalit Modi Sushmita Wedding : ललित मोदी आणि सुष्मिता सेन यांच्यामध्ये प्रेमाचा नवा अध्याय सुरुवात झाला आहे.
Sushmita Sen, Lalit Modi : अभिनेत्री सुष्मिता सेन (Sushmita Sen) आणि IPL चे पहिले फाऊंडर ललित मोदी(Lalit Modi) यांच्या प्रेमाचा अध्याय सुरु झाला आहे. ललित मोदी यांनी सुष्मिता सेनसोबत काही फोटो ट्विट करत याबाबत माहिती दिली आहे. ललित मोदी आणि सुष्मिता सेन यांच्यामध्ये प्रेमाचा नवा अध्याय सुरुवात झाला आहे. ललित मोदी यांनी सुष्मिता सेनसोबतचे काही रोमँटिक फोटो पोस्ट केले आहेत. त्यासोबत त्यांनी खास पोस्ट ही लिहिली आहे. यामध्ये त्यांनी सुष्मितासोबत नवीन जीवनाची सुरुवात करत असल्याचे सांगितलेय. तसेच सुष्मितासाठी ललित मोदी यांनी betterhalf असा उल्लेख केला आहे. त्यामुळे सोशल मीडियावर या दोघांच्या लग्नाच्या चर्चा सुरु झाल्या आहेत.
ललित मोदी यांनी सोशल मीडियावर अभिनेत्री सुष्मिता सेन हिच्यासोबत रिलेशनशिपमध्ये असल्याचं जाहीर केलेय. ललित मोदी यांनी पोस्ट केलेल्या फोटोमध्ये त्यांनी सुष्मिताचा उल्लेख बेटरहाप असा केलाय. ललित मोदी यांनी पोस्ट केलेल्या फोटोच्या आधारावर दोघांचा साखरपुडा झाल्याचं म्हटले जातेय. सुष्मिता सेनच्या बोटात अंगठी दिसत आहे.
ललित मोदी यांनी पहिल्या ट्विटमध्ये सुष्मिता सेन हिचा बेटरहाफ असा उल्लेख केला होता. त्यानंतर दुसऱ्या अन्य एका ट्विटमध्ये आम्ही अद्याप लग्न केले नाही. आम्ही रिलेशनशिपमध्ये आहोत. लवकरच लग्न करु असे म्हटलेय. सुष्मिता सेन आणि ललित मोदी नुकतेच मालदिव आणि सार्डिनिया येथे फिरायला गेले होते. ललित मोदी लंडनमध्ये पोहचल्यानंतर ट्विट करत सुष्मिता सेनसोबतच्या नात्यांची माहिती दिली आहे.
Just back in london after a whirling global tour #maldives # sardinia with the families - not to mention my #betterhalf @sushmitasen47 - a new beginning a new life finally. Over the moon. 🥰😘😍😍🥰💕💞💖💘💓 pic.twitter.com/Vvks5afTfz
— Lalit Kumar Modi (@LalitKModi) July 14, 2022
Just for clarity. Not married - just dating each other. That too it will happen one day. 🙏🏾🙏🏾🙏🏾🙏🏾 pic.twitter.com/Rx6ze6lrhE
— Lalit Kumar Modi (@LalitKModi) July 14, 2022
आईच्या मैत्रिणीसोबत केले होते लग्न -
ललित मोदी यांनी याआधी आईची मैत्रिण मीनलसोबत लग्न केलं होतं. मीनल ललित मोदींपेक्षा 9 वर्षांनी मोठ्या होत्या. मीनल यांचं लग्न नायजेरियाचे उद्योगपती जॅक सागरानी यांच्यासोबत होणार होतं. त्यापूर्वीच ललित मोदी यांनी प्रपोज केले. ललिल मोदी यांच्या प्रस्तावानंतर मीनल यांनी त्यांच्याशी बोलणं टाळलं होतं. दोघांमध्ये चार वर्षांपर्यंत चुप्पी होती. पण त्यातच मीनल आणि सागरानी यांचा संसार जास्त काळ चालला नाही. मीनलने घटस्फोट घेतल्यानंतर ललित मोदी यांच्याशी जवळीक वाढली. ललित मोदी आणि मीनल यांच्या नात्याला कुटुंबातून विरोध होता. दोघांनी कुटुंबाच्या विरोधात जाऊन 17 ऑक्टोबर 1991 रोजी लग्न केले. ललित मोदी यांच्याशी लग्न करण्यापूर्वी मीनलला करीमा नावाची मुलगी होती. ललित मोदी यांनी करीमाला स्वीकारले. ललित मोदी यांनी करीमाचं लग्न गौरव बर्मन यांच्यासोबत लावलं. गौरव डाबर ग्रुपचे मालक विवेक बर्मनचा मुलगा आहे. मीनल आणि ललित मोदी यांच्या मुलाचं नाव रुचिर आहे. यांना आलिया नावाची एक मुलगीही आहे. मीनल मोदी यांचं 2018 मध्ये निधन झाले. आता ललित मोदी सुष्मिता सेन हिच्यासोबत प्रेमात पडले आहेत. दोघेही लवकरच लग्न करु शकतात.
सुष्मिताचं नुकतेच ब्रेकअप -
सुष्मिता सेन आणि रोहमन शॉल 2018 पासून एकमेकांना ओळखत होते. नुकतेच त्यांचं ब्रेकअप झाले आहे. त्यानंतर आता सुष्मिता पुन्हा प्रेमात पडली आहे. सुष्मिता आपल्यापेक्षा लहान वयाच्या रोहमन सोबत रिलेशनशिपमध्ये होती.
महत्त्वाच्या बातम्या
