Arvind Kejriwal : दिल्लीचे माजी मुख्यमंत्री अरविंद केजरीवाल यांनी वीज बिल कमी करण्याचा त्यांचा विचार आता अमेरिकेच्या निवडणुकीपर्यंत पोहोचल्याचा खोचक टोला लगावला आहे. अमेरिकेचे माजी राष्ट्राध्यक्ष डोनाल्ड ट्रम्प यांनी केलेल वक्तव्य त्यांनी सोशल मीडियावर पोस्ट केले आणि म्हटले क फुकटातील रेवडी अमेरिकेत पोहोचले आहे. ट्रम्प यांनी मतदारांना वचन दिले की ते सत्तेवर आल्यास पर्यावरणाशी संबंधित परवानग्या जलद करून विजेचे उत्पादन दुप्पट करू. त्यामुळे वीज बिलाचा खर्च निम्म्याने कमी होईल. मिशिगनमध्ये आयोजित निवडणूक रॅलीत ट्रम्प बोलत होते.
ट्रम्प यांनी मुलांचे डायपर कधी बदलले आहेत?
कमला हॅरिस यांना 'मूर्ख' ठरवून ट्रम्प म्हणाले की, कमला हॅरिस राष्ट्रपती झाल्या तर संपूर्ण देश डेट्रॉईटसारखा जलमय होईल. ट्रम्प हे रिपब्लिकन पक्षाकडून तिसऱ्यांदा अध्यक्षपदासाठी निवडणूक लढवत आहेत. पिट्सबर्ग, पेनसिल्व्हेनिया येथे आयोजित एका निवडणूक रॅलीत ओबामा यांनी ट्रम्प यांना टोमणा मारला आणि म्हणाले की, ट्रम्प यांच्याबद्दल कोणी विचार कसा करू शकतो की ते सर्व काही चांगले करतील, तुम्हाला वाटते की ट्रम्प यांनी मुलांचे डायपर कधी बदलले आहेत? फिडेल कॅस्ट्रो यांच्याशी तुलना करून ओबामा यांनी ट्रम्प यांच्या दीर्घ भाषणांचाही समाचार घेतला. ते म्हणाले की, ट्रम्प हे सामान्य लोकांपासून पूर्णपणे दुरावले आहेत. ही निवडणूक चुरशीची ठरणार आहे कारण जनता अजूनही महागाईशी झगडत आहे.
ओबामा यांनी बायबल विकण्याच्या ट्रम्प यांच्या योजनेला एक षडयंत्र ठरवून हा त्यांचा वेडेपणा असल्याचे म्हटले आहे. कमला हॅरिसचे कौतुक करताना ते म्हणाले की, कमला हॅरिस यांनी अध्यक्षपदासाठी जेवढी तयारी केली आहे तेवढी तयारी अन्य कोणत्याही उमेदवाराने केली नाही. ट्रम्प कमकुवत असल्याचे सांगून ओबामांनी मतदारांना कमला हॅरिस यांना पाठिंबा देण्याचे आवाहनही केले. निवडणूक जिंकण्यासाठी पेनसिल्व्हेनिया हे अत्यंत महत्त्वाचे राज्य मानले जाते. या निवडणुकीत ओबामा यांची ही पहिलीच भेट होती.
कृष्णवर्णीयांना कमलांना स्वीकारण्याचे आवाहन
ओबामा यांनी कृष्णवर्णीय पुरुष मतदारांकडे लक्ष वेधले की, ते हॅरिस यांना अध्यक्ष म्हणून स्वीकारण्यास कचरत आहेत कारण ती महिला होती. ते म्हणाले की, मला वाटते की तुम्ही सर्व प्रकारची सबबी काढत आहात. ट्रम्प यांच्यावर टीका करताना ते म्हणाले की, ट्रम्प इतरांचा अपमान करणे हे ताकदीचे प्रतीक मानतात. मला पुरुष समर्थकांना सांगायचे आहे की ही खरी ताकद नाही. कमला म्हणाल्या की, ट्रम्प यांचे त्यांच्या कुटुंबावरील प्रेम हे त्यांचे वैशिष्ट्य आहे. दरम्यान, कमला हॅरिस नेवाडा येथील टाऊन हॉल बैठकीतही सहभागी झाल्या होत्या. येथे एका महिलेने ट्रम्प यांचे तीन चांगले गुण विचारले असता हॅरिस यांनी सांगितले की, मला वाटते की डोनाल्ड ट्रम्प त्यांच्या कुटुंबावर प्रेम करतात. पण मी त्यांना वैयक्तिकरित्या ओळखत नाही, त्यामुळे मी जास्त काही सांगू शकत नाही.”
इतर महत्वाच्या बातम्या