Javed Akhtar : बॉलिवूडचे ज्येष्ठ गीतकार जावेद अख्तर यांना कोर्टाचं समन्स, RSS संबंधित वादग्रस्त विधानाचं प्रकरण, कोर्टापुढे हजर राहण्याचे आदेश
Javed Akhtar : जावेद अख्तर यांना समन्स बजावत मुलुंड न्यायालयात होणाऱ्या पुढील सुनावणीला उपस्थित राहण्याचे आदेश दिले आहेत.
Javed Akhtar : तालिबान आणि राष्ट्रीय स्वयंसेवक संघाशी संबंधित वादग्रस्त विधानं केल्याप्रकरणी (Javed Akhtar) बॉलिवूडचे ज्येष्ठ गीतकार जावेद अख्तर (76) यांच्याविरोधात मुलुंड दंडाधिकारी न्यायालयानं (Mulund Court) समन्स जारी करत त्यांना पुढील सुनावणीला कोर्टापुढे हजर राहण्याचे आदेश दिले आहेत. जावेद अख्तर यांनी एका मुलाखतीदरम्यान अफगाणिस्तानात तालिबानने सत्ता काबीज केल्याच्या पार्श्वभूमीवर तालिबान आणि संघाची कथित तुलना केली होती. यावर स्वत:ला संघ समर्थक असल्याचा दावा करत वकील संतोष दुबे म्हणाले की, अख्तर यांनी केवळ राजकीय फायद्यासाठी संघाचे नाव अनावश्यकपणे वादात ओढले.
Mumbai | Mulund Metropolitan Magistrate court issued summons to veteran lyricist Javed Akhtar in connection with a criminal case filed by a lawyer over his alleged remark against the Rashtriya Swayamsevak Sangh (RSS) made during a television interview: Advocate Santosh Dubey pic.twitter.com/YuMVaYnr9Q
— ANI (@ANI) December 13, 2022
RSS ची थेट तालिबानशी तुलना
ऑगस्ट 2021 मध्ये तालिबानमधील सत्तांतरानंतर जगभरात त्याच्या प्रतिक्रिया उमटल्या होत्या. त्यातच जावेद अख्तर यांनी एका वृत्तवाहिनीवर यासंदर्भात मत व्यक्त करताना राष्ट्रीय स्वयंसेवक संघाची (RSS) थेट तालिबानशी तुलना केली होती. संघाची विचारसरणी ही तालिबानींसारखी आहे, आरएसएस लोकांची दिशाभूल करते, त्यांचे मानसिक खच्चीकरण असल्याचं मत अख्तर यांनी व्यक्त केलं होतं. यामुळे संघाची प्रतिमा जनमानसात मलिन झाल्याचा आरोप करत वकील संतोष दुबे यांनी मुलुंड दंडाधिकारी न्यायालयात जावेद अख्तर यांच्याविरोधात आयपीसी कलम 499(मानहानी), 500(बदनामी) अंतर्गत फौजदारी तक्रार दाखल केली आहे.
6 जानेवारीला हजर राहण्याचे मुलुंड न्यायालयाचे आदेश
जावेद अख्तर यांनी राजकीय हेतूनं आरएसएसच्या नावाचा अनावश्यकपणे वापर केल्याचंही दुबे यांनी म्हटलेलं आहे. त्याची दखल घेऊन न्यायालयानं जावेद अख्तर यांना मंगळवारी समन्स बजावत 6 जानेवारी रोजी मुलुंड न्यायालयात होणाऱ्या पुढील सुनावणीला उपस्थित राहण्याचे आदेश दिले आहेत.
इतर महत्वाच्या बातम्या
Pornography Case: राज कुंद्राला अटकपूर्व जामीन मंजूर, शर्लिन चोप्रा आणि पूनम पांडेलाही दिलासा
महत्त्वाच्या बातम्या
