कलाकारांचे पैसे बुडवले,मंदार देवस्थळींच्या वादावर स्पष्टच बोलली 'एलिझाबेथ एकादशी'फेम अभिनेत्री, म्हणाली..
दरम्यान एलिझाबेथ एकादशी फेम अभिनेत्रीने मंदार देवस्थळींसोबत काम करतानाच अनुभव शेअर केलाय.
Nandita Patekar on Mandar Devasthali: गेल्या काही दिवसांपासून सुप्रसिद्ध मराठी दिग्दर्शक मंदार देवस्थळी चर्चेत आहे तो पैसे थकवल्याच्या धक्कादायक आरोपांनंतर. अभिनेता शशांक केतकरने सोशल मीडियावर मंदार देवस्थळीने 5 लाख रुपये थकवल्याचा आरोप करत त्याच्यासोबत झालेल्या चॅटस आणि फोनवर झालेल्या संवादाची ऑडिओ क्लिपही शेअर केलेली. यानंतर संपूर्ण मराठी मनोरंजनविश्वात मोठी खळबळ उडाली होती. अनेकांनी शशांक केतकरला पाठिंबा दर्शवला होता. दरम्यान एलिझाबेथ एकादशी फेम अभिनेत्रीने मंदार देवस्थळींसोबत काम करतानाच अनुभव शेअर केलाय.
काय म्हणाली नंदिता देवस्थळी?
मराठी अभिनेत्री नंदिता पाटकरने माझे पती सौभाग्यवती या मराठी मालिकेत अभिनेता वैभव मंगलसोबत मुख्य भूमिका साकारली होती. हा तिचा मालिकेतला पहिला अनुभव होता. या मालिकेचं दिग्दर्शन मंदार देवस्थळींचं होतं. नुकतंच तिने 'इट्स मज्जा'ला दिलेल्या मुलाखतीमध्ये मंदारसोबत काम करतानाच अनुभव शेअर केलाय. ती म्हणाली," माझे पैसे बुडाले असं कधी झालं नाही. कधीकधी उशिरा मिळाले पण मिळालेच नाहीत असं घडलं नाही. एखाद्याचे पैसे बुडवणे हे त्रासदायक आहे खरंतर. कोणाची बाजू बरोबर कोणाची बाजू चुकीचे हे सांगता नाही येणार. पण हे त्रासदायक आहे. आपण इतकी मेहनत करतोय आणि आपल्याला पैसे नाही मिळत. शेवटी आपली रोजीरोटी आहे. आधीच मालिकांमध्ये कलाकारांना तीन महिने उशिरा पैसे मिळतात.
'माझे पती सौभाग्यवती' मालिकेत काम करतानाचा माझा अनुभव चांगला होता. मंदारचे त्या काळात काही प्रॉब्लेम्स नव्हते तसे. त्याचं स्वतःच प्रोडक्शन होतं ते. मी त्याच्याच मालिकेत काम केलं. मला त्याच्याकडून खूप शिकायला मिळालं. ती माझी पहिलीच मालिका होती. मला सिरीयलचा कसलाच अनुभव नव्हता. जसे परेश मोकाशी माझे चित्रपटाची पहिले डिरेक्टर तास मंदार देवस्थळी माझा मालिकेतला पहिला दिग्दर्शक .
मंदार देवस्थळीने खूप शिकवलं
मला खूप शिकायला मिळालं. एकत्र तो खूप क्रिएटिव्ह आहे. उभे राहा आणि डायलॉग म्हणा असं नाही पण तो नाटकाच्या पद्धतीने त्या सगळ्या सीन्सची तालीम घ्यायचा. मग एखाद्या सिन मधील इमोशन कसे काढ, जर मी पाठमोरी आहे आणि समोरचा डायलॉग म्हणतोय तेंव्हा तू ठोकळ्यासारखी उभारून नाही चालणार, जरी तुझी पाठ असेल तरी तू त्यावर काम केलं पाहिजेस. अशा छोट्या छोट्या गोष्टी तो सांगायचा. तेंव्हा तोही चांगल्या स्थितीत होता. सिनेमे, मालिका सुरु होत्या. मला नाही वाटत कोणी मुद्दामून असं करेल. मला असा काही अनुभव नाही आला. कदाचित एखाद्याचा पडता काळ सुरु होतो.
कलाकाराच्या हातात बोलण्यापलीकडे काही नसतं
आपले पैसे बुडू नयेत यासाठी कलाकारांच्या हातात खरंतर काहीच नसतं. काय करणार तुम्ही. जसं शशांक ज्या पद्धतीने बोलतोय..तसं आपण फक्त वाचा फोडू शकतो फारतर. फारफारतर आपण त्यावर बोलू शकतो. पण एखाद्याने जर ठरवलंच असेल कि द्यायचेच नाहीत पैसे तर ...कॉन्ट्रॅक्ट असतात. त्यामुळे तुम्ही कायदेशीर काही पावलं उचलू शकता. सोशल माध्यमावर तुम्ही बोलू शकता त्यामुळे लोक अलर्ट होतात. असं नंदिता पाटेकर म्हणाली.
महत्त्वाच्या बातम्या
