Tanmay Bhatt Taking Weight Loss Drugs: वजन कमी करण्यासाठई 'ड्रग्स' घेतोय कॉमेडियन तन्मय भट्ट? म्हणाला, 'इंजेक्शनशिवाय 75 किलोपेक्षा जास्त वजन...'
Tanmay Bhatt Taking Weight Loss Drugs: तन्मयनं कबुल केलंय की, तो वजन कमी करायच्या GLP-1 ड्रग्स घेऊन बारीक झालाय. तसेच, तन्मयनं आपल्या टान्सफॉर्मेशनचा अनुभवही सांगितलाय.
Tanmay Bhatt Taking Weight Loss Drugs: प्रसिद्ध कॉमेडियन (Comedian) तन्मय भट्ट (Tanmay Bhatt) बऱ्याच दिवसांपासून आपल्या वाढलेलं वजन आणि त्यामुळे उद्भवलेल्या आजाराच्या समस्यांमुळे त्रस्त होता. अचानक कॉमेडियननं शॉकिंग ट्रान्सफॉर्मेशन (Transformation) केलं आणि सर्वांना आश्चर्याचा धक्काच दिला. तन्मयनं थोडं थोडकं नाहीतर 110 किलो वजन कमी केलंय. तन्मयचं अचानक कमी झालेलं वजन पाहून चर्चांना उधाण आलंय. कुणी म्हणतंयत, त्यानं कठोर परिश्रम करुन वजन कमी केलंय. तर काहींनी त्याच्यावर आरोप केलाय की, तन्मयनं औषधं घेऊन वजन कमी केलंय. चर्चांवर आता तन्मयनंच उत्तर देऊन विषय संपवलाय. तन्मयनं कबुल केलंय की, तो वजन कमी करायच्या GLP-1 ड्रग्स घेऊन बारीक झालाय. तसेच, तन्मयनं आपल्या टान्सफॉर्मेशनचा अनुभवही सांगितलाय.
वजन कमी करण्याचे ड्रग्स घेतो
तन्मयनं भूक कमी करण्यासाठी आणि वजन कमी करण्यासाठी वापरल्या जाणाऱ्या GLP-1 या ड्रग्जचा वापर करतो. तन्मयनं यापूर्वी त्याच्या वजन कमी करण्याच्या जर्नीबाबत उघडपणे सांगितलं. कॉमेडियननं स्पष्ट केलंय की, त्यानं वजन कमी करण्यासाठी ड्रग्ज सांगितले आहेत आणि अजूनही वापरून पाहतोय. त्याला त्याच्या शरीराला काय आवडतं आणि काय नापसंत आहे, हे समजून घ्यायचंय.
Anybody here who’s fuckin around with GLP1’s experienced zero appetite suppression? I have experienced zero appetite suppression - upon further investigation, my gene report suggested a BDNF gene variant that is prone to weakened satiety signalling. Anybody here an expert on this…
— Tanmay Bhat (@thetanmay) February 25, 2026
ट्विटरवर लिहिलंय की, GLP-1 ड्रग्ज घेतल्यानंतरही त्याला 'भूक कमी झाल्याचं जाणवलं नाही...' Ozempic आणि Mounjaro सारखी औषधं देखील या कॅटेगरीत येतात. तन्मयनं स्पष्ट केलंय की, जेव्हा त्याला त्याच्या भूकेत कोणताही फरक जाणवला नाही, तेव्हा त्यानं काही टेस्ट केल्या. त्याच्या जीन रिपोर्टमध्ये असं दिसून आलं की, त्याच्यात BDNF जीनचा एक व्हेरियंट आहे, जो पोट भरल्याच्या सिग्नलला कमकुवत करू शकतो.
तन्मयच्या पोस्टवर अनेकांनी कमेंट केली आणि त्याला सुचवलं की, त्यानं पूर्वीप्रमाणेच कोणतेही ड्रग्ज न घेता वजन कमी करावं.
तन्मयला एक्सपेरिमेंट करायची होती...
तन्मयनं उत्तर दिलं की, त्यानं पूर्वी ड्रग्जशिवाय 75 किलोपेक्षा जास्त वजन कमी केलं होतं, पण आता ते नवी हेल्थ टेक्नोलॉजी वापरून वजन कमी करायचं होतं. त्याने लिहिलंय की, "अरे, रिलॅक्स यार, मी एकाही GLP-1 इंजेक्शनशिवाय 75 किलोपेक्षा जास्त वजन कमी केलं आहे. पण मला नवं हेल्थ टेक आवडतं आणि मी कसं वाटतंय हे पाहण्यासाठी मी GLP-1 वापरून पाहतोय. मी वर्कआउट करतो, चांगले पदार्थ खातो आणि गेल्या पाच वर्षांपासून नियमित ब्लड टेस्ट करतोय. मला योग्य मार्गदर्शन मिळतंय, मी काय करतोय, हे मला माहीत आहे. प्लीज मला नैतिक भाषण नका देऊ..."
एका युजरनं तन्मयला आठवण करुन दिली की, तो खरंच खूप इंस्पिरेशनल होता. मग आता ही औषधं का घेतोय? यावर तन्मयनं उत्तर दिलंय की, "यामुळे काय कमी होईल? मला काय आवडतं आणि काय नाही, हे पाहण्यासाठी मी फक्त नवी गोष्टी वापरायच्यात... मला नवी टेक्नोलॉजी आवडते..."
महत्त्वाच्या इतर बातम्या :
महत्त्वाच्या बातम्या
