Kranti Redkar On Sameer Wankhede: 'असा नवरा मिळायला नशीब लागतं..' क्रांती रेडकर समीर वानखेडेंविषयी भरभरून बोलली, म्हणाली 'स्ट्रीक्ट आहेत, ते असले की..'
'असा नवरा मिळायला नशीब लागतं, ते असले की मला कसलीच धास्ती वाटत नाही. ' असं क्रांती म्हणालीय.
Kranti Redkar On Sameer Wankhede: लोकप्रिय मराठी अभिनेत्री क्रांती रेडकर (Kranti Redkar) कायमच तिच्या रिल्समुळे चर्चेत असते. क्रांती रेडकर आणि अधिकारी समीर वानखेडे यांना दोन मुली आहेत. सोशल मीडियावर क्रांती कायम छबिल आणि गोदो, या तिच्या मुलींविषयी बोलताना दिसते. लेकींचे किस्से सांगताना दिसते. instagram वर तिच्या या videos ला प्रेक्षकही भरभरून प्रतिसाद देताना दिसतात. अलीकडेच 'फिल्मफेअर मराठी अवॉर्डस' सोहळ्यात क्रांती छबिल गोदोविषयी तर बोललीच,पण तिचे पती समीर वानखेडे यांच्याशी असलेल्या बॉण्ड विषयीही ती बोलली आहे. 'असा नवरा मिळायला नशीब लागतं, ते असले की मला कसलीच धास्ती वाटत नाही. ' असं क्रांती म्हणालीय. 'छबिल आणि गोदोला भरवण्यापासून झोपवण्यापर्यंत ते सगळं करतात. ते खूप मदत करतात. ते असले की मला कसलीही भीती नसते मला माहित असतं की माझ्या मुलांची व्यवस्थित ते काळजी घेतात.' असंही ती म्हणाली.
आमचं बॉण्डिंग फिरण्यात होतं...
माझा आणि समीरचं बॉण्डिंग फिरण्यातून होतं.नवीन जागा बघायची, आम्हा दोघांना ऐतिहासिक वास्तूंची प्रचंड आवड आहे.आम्ही इतिहास वाचतो.तिथे वेळ घालवतो. आम्हाला अनेक ठिकाणचे जेवण ट्राय करायला आवडतं.आमचं प्रेम याच्यात आहे. समीर यांना आंतरराष्ट्रीय जेवण ट्राय करायला आवडतं. खूप ड्राय खायला आवडतं. अनेकांना घशाखाली उतरत नाही, पण ते बेगल घेतील, चीजसोबत खातील.. आणि मला बिर्याणी, मालवणी फिश करी असं खायला आवडतं. त्यावर इतके मसाले तू खातेस कशी असं ते विचारतात.. त्यामुळे याबाबतीत आम्ही खूप वेगळे आहोत.. 'असं क्रांती म्हणाली..
समीर अतिशय स्ट्रीक्ट, जास्त बोलत नाहीत ..
क्रांतीने समीर वानखेडे यांच्या स्वभावाविषयी सांगताना म्हटलं ' समीर स्वभावाने बुजरे आहेत. रिझर्व आहेत. खूप बोलत नाहीत.अतिशय स्ट्रीक्ट आहेत.मेहनत केली की त्यांच्याकडून दोन शब्द निघतात. आम्ही स्वभावाला खूप वेगळे आहोत. त्यामुळेच कदाचित आमचं खूप छान जमतं. दोघेही बडबड करत असलो असतो तर इतकी मज्जा आली नसती.' असं ती म्हणाली..
'स्वामी तारक मंत्र ऐकवून मी लेकींना झोपवते..'
'फिल्मफेअर मराठी अवॉर्ड्स' मध्ये क्रांतीनं लेकींविषयी सांगितलं. ती म्हणाली, 'छबिल आणि गोदो यांना स्वामींची पोथी वाचूनच मी झोपवते.' असं क्रांतीनं सांगितलं. नंतर तिने स्वामींचा तारक मंत्र 'अशक्य ही शक्य करतील स्वामी...' ऐकवून दाखवला. हे ऐकून ऐकून त्या झोपतात. त्यांनाही हा मंत्र येतो' असं तिने सांगितलं.
लेकींचे व्हिडिओ कसे शूट करते हे सांगताना क्रांती म्हणाली ' ते नुकताच घडलेलं असतं. मग मी व्हिडिओ ऑन करून आपण आपल्या मैत्रिणीला किंवा बहिणीला सांगितलं तर कसं सांगेन, तसंच मला वाटतं. इन्स्टा वरती माझा जो फॅनबेस तयार झाला आहे, तुम्हाला परका नाही वाटत . आता कमेंट्स करणाऱ्यांची ही मला नावं पाठ झाली आहे. जर एखादी ने मला कमेंट नाही केली तर, कुठे गेली आज ही.. असं मला होतं. प्रत्येकासोबत एक वन टू वन कनेक्शन तयार झालं आहे. मी कधीही त्यांना फॉलोवर समजत नाही.ती फॅमिलीच आहे माझी. मला एक जरी ट्रोलचा मेसेज आला तर दहा-बारा जण धावून जातात. हे प्रेम निस्वार्थी आहे. त्यामुळे या सगळ्यांचे मी आभार मानते.
महत्त्वाच्या बातम्या
