Dayanand Shetty : सीआयडीमधील दयाने लूक बदलला, इन्स्टाग्रामवर शेअर केले मेकअपनंतरचे फोटो VIDEO
Dayanand Shetty : सीआयडीमधील दयाने लूक बदलला, इन्स्टाग्रामवर शेअर केले मेकअपनंतरचे फोटो VIDEO
Dayanand Shetty : सीआयडी या मालिकेत दयाची भूमिका साकारणाऱ्या दयानंद शेट्टी याने इन्स्टाग्रामवर एक व्हिडीओ शेअर केलाय. यामध्ये तो लूक बदलताना पाहायला मिळतोय. या व्हिडीओमध्ये दयाने मेकअपकरुन लूक पूर्णपणे बदलून टाकलाय. तो मूळ दयाचा चेहरा बदलून पंजाबी पगडी घालतोय आणि वेगळ्याच पद्धतीने समोर येताना दिसतोय. 'Prosthetics shaping up' असं कॅप्शन दयाने हा व्हिडीओ शेअर करताना दिलं आहे. दरम्यान, हा रोल तो सीआयडीमध्येच साकारणार आहे की, वेगळ्या प्रोजेक्टसाठी हा मेकअप केलाय? हे अद्याप समोर आलेलं नाही.
View this post on Instagram
भारतीय टेलिव्हिजनच्या इतिहासात अनेक मालिका आल्या आणि गेल्या, काही मनोरंजनाच्या नावाखाली क्षणिक प्रसिद्धी मिळवून हरवल्या, तर काहींनी प्रेक्षकांच्या मनात कायमचं स्थान मिळवलं. अशाच काही अजरामर मालिकांपैकी एक म्हणजे ‘सीआयडी’. 21 जानेवारी 1998 रोजी सोनी टीव्हीवर सुरू झालेली ही मालिका तब्बल 20 वर्षं म्हणजे 27 ऑक्टोबर 2018 पर्यंत चालली. अशा प्रकारे ती भारतातील सर्वाधिक काळ चाललेली आणि लोकांच्या मनावर अधिराज्य गाजवणारी क्राईम इन्व्हेस्टीगेशन मालिका ठरली. ती पुन्हा नव्याने ओटीटी प्लॅटफॉर्मवरही सुरु झाली.
‘सीआयडी’ची कथा एका खास पोलिस तपास पथकाभोवती फिरते जी मुंबईसारख्या महानगरात घडणारे गुन्हे उकलण्याचं काम करत असते. एसीपी प्रद्युम्न यांच्या नेतृत्वाखाली इन्स्पेक्टर अभिजीत, इन्स्पेक्टर दया, कॉन्स्टेबल फ्रेड्रिक आणि फॉरेन्सिक एक्स्पर्ट डॉ. सालुंके यांची टीम कायम गुन्ह्याच्या मुळाशी जाऊन सत्य बाहेर काढते. गुन्हेगार कितीही हुशार असो, या टीमपासून तो कधीच सुटत नाही – हेच या मालिकेचं खास वैशिष्ट्य होतं.
या मालिकेच्या यशामागे कितीतरी घटक आहेत – उत्कृष्ट लेखन, संवाद, कलाकारांची बांधिलकी, आणि गुन्हे उकलण्याची एक शिस्तबद्ध आणि बुद्धिमान पद्धत. पण या सगळ्यांतही एक नाव कायम पुढे आलं – ते म्हणजे इन्स्पेक्टर दया.
इन्स्पेक्टर दया – ताकद, माणुसकी आणि प्रामाणिकपणाचा आदर्श
‘सीआयडी’मध्ये इन्स्पेक्टर दयाची भूमिका दयानंद शेट्टी यांनी साकारली. मूळचा क्रीडापटू असलेला दयानंद शेट्टी अपघातामुळे ऍथलेटिक्सपासून दूर गेला आणि अभिनयाकडे वळला. पण ‘सीआयडी’मधील दयाच्या भूमिकेमुळे त्याने जे यश मिळवलं, ते कुठल्याही मोठ्या नायकाच्या नशिबी क्वचितच येतं.
दयाचं व्यक्तिमत्त्व अत्यंत आकर्षक आणि ठसठशीत होतं. उंच धिप्पाड शरीरयष्टी, भरदार आवाज, आणि डोळ्यांतला आत्मविश्वास – हे सगळं पाहून गुन्हेगार आपोआप घाबरायचे. पण दया केवळ एका ताकदवान पोलिस ऑफिसरपुरता मर्यादित नव्हता. त्याच्यात माणुसकी होती, सहानुभूती होती आणि आपल्या सहकाऱ्यांप्रती निष्ठा होती. एसीपी प्रद्युम्नचे आदेश तो तितक्याच आदराने मानायचा आणि गरज पडल्यास आपल्या जीवाची पर्वा न करता तो कारवाई करायचा. दया आणि अभिजीत यांची जोडीही मालिकेचा एक महत्त्वाचा भाग होती. त्यांच्यातला मैत्रीचा गहिवर, एकमेकांविषयी असलेली आदराची भावना आणि कामातील समन्वय यामुळे ते केवळ सहकारी नव्हते, तर एकमेकांचे भाऊसमान होते.
इन्स्पेक्टर दया हे पात्र इतकं लोकप्रिय झालं की त्याचं नाव घेतल्यावरही लोकांच्या चेहऱ्यावर हास्य उमटायचं. ‘दया, दरवाजा तोड’ हे वाक्य तर भारतातील प्रत्येक घरात परिचित झालं. अनेक वेळा प्रेक्षकांनी जाणीवपूर्वक एखाद्या प्रसंगात हे वाक्य वापरलं आणि त्याचा विनोदी भागही केला. पण या वाक्यामागची खरी खोली म्हणजे गुन्हेगारांपुढे झुकून न जाणारी आणि न्यायासाठी दरवाजे फोडणारी मानसिकता.
दयाचं पात्र हे फक्त शारीरिक ताकद दाखवणारं नव्हतं. अनेक भागांत त्याचं संवेदनशील रूपही पाहायला मिळालं. लहान मुलांशी बोलताना, पीडितांच्या कुटुंबांशी संवाद साधताना, किंवा आपल्या सहकाऱ्यांसाठी काळजी घेताना दया अधिक जिवंत वाटायचा.
इतर महत्त्वाच्या बातम्या
बाजीगरमध्ये शाहरुख खानची लहानपणी भूमिका निभावणारा कलाकार आता झालाय 43 वर्षांचा; पाहा फोटो
महत्त्वाच्या बातम्या
