एक्स्प्लोर

Year Ender 2021 : 'Gullak 2' पासून 'The Family Man 2' पर्यंत 'या' वेबसीरिजने गाजवले 2021 वर्ष

Best OTT shows of 2021 : 2021 वर्षात ओटीटी गाजवणाऱ्या 10 सर्वोत्कृष्ट वेब सीरिज प्रेक्षकांनी नक्की पाहायला हव्यात.

By : एबीपी माझा वेब टीम | Edited By: मंजिरी पोखरकर | Updated at : 25 Dec 2021 05:17 PM (IST)

वेबसीरिज

Best OTT shows of 2021 : 2021 वर्षात सिनेमागृहे बंद असली तरी ओटीटी प्लॅटफॉर्मवर मात्र सिनेमांची आणि वेबसीरिजची रेलचेल होती. दररोज नवीन सिनेमे आणि वेबसीरिज ओटीटीवर प्रदर्शित होत आहेत. या सिनेमांनी आणि वेबसीरिजने प्रेक्षकांचे चांगलेच मनोरंजन केले आहे. त्यामुळे 2021 वर्षात ओटीटी गाजवणाऱ्या 10 सर्वोत्कृष्ट वेब सीरिज प्रेक्षकांनी नक्की पाहायला हव्या.

गुल्लक 2 (Gullak 2) : सोनी लिव्हवरील 'गुल्लक 2' ही वेबसीरिज एका मध्यमवर्गीय कुटुंबावर भाष्य करते. 'गुल्लक 2' उत्तम प्रकारे चित्रित करण्यात आली आहे. या वेबसीरिजमध्ये नाट्य दाखवण्यात आले आहे. वेबसीरिजची कथा पाच भागांमध्ये गुंफण्यात आली आहे.

द फॅमिली मॅन 2 (The Family Man 2) : प्राइम व्हिडीओवरील द फॅमिली मॅन-2 या वेब सीरिजला प्रेक्षकांची पसंती मिळाली होती. या सीरिजमध्ये सस्पेंस, थ्रिलर आणि अॅक्शन अशा सर्व गोष्टी आहेत. या वेब सीरिजचे दिग्दर्शन राज आणि डीके यांनी केले आहे. द फॅमिली मॅन-2 मध्ये समंथा आणि मनोज वाजपेयी या कलाकारांनी प्रमुख भूमिका साकारली आहे.

गीली पुच्ची (Geeli Pucchi) : नेटफ्लिक्सवरील 'गीली पुच्ची' सिनेमा अनेक समस्यांवर भाष्य करतो. सिनेमात दोन प्रकारची लोकं दाखवली आहेत. समाजाच्या भीतीने स्वत:ची ओळख लपवणारी आणि जाती-धर्माच्या गोष्टींत रमणारी माणसे दाखवण्यात आली आहेत.

स्कॅम 1992 (Scam 1992) : सोनी लिव्हवर प्रसारित होणारी ही वेब सीरिज 1990 मधील शेअर बाजाराला हादरवून सोडणाऱ्या हर्षद मेहता यांच्या कथेवर आधारित आहे. या मालिकेला IMDB कडून खूप चांगले रेटिंग मिळाले आहे. प्रतीक गांधी या वेबसीरिजमध्ये विनोदी दिसतो आहे.

Aspirants : 'Aspirants' ही वेबसीरिज प्रेक्षकांमध्ये आणि चाहत्यांमध्ये प्रचंड लोकप्रिय झाली आहे. चाहत्यांमध्ये ही सीरीज अधिकाधिक पसंत केली जात आहे. ही सीरीज सामान्य जीवनाशी संबंधित असल्याने तरूणांना खूप आवडली आहे.

द एंपायर (The Empire) : बाबर यांच्या जीवनावर आधारित ही वेबसीरिज खूपच प्रेक्षणीय आहे. या वेबसीरिजमध्ये कुणाल कपूर आणि दृष्टी धामी यांनी दमदार अभिनय केला आहे. सत्ता आणि सिंहासनाची नशा हा या वेबसीरिजचा गेम चेंजिंग पॉइंट आहे. ही वेबसीरिज हॉटस्टारच्या सर्वोत्तम वेबसीरिजपैकी एक आहे.

ग्रहण (Grahan) : ग्रहण वेबसीरिज हॉटस्टारवर प्रदर्शित झाली होती. सत्य घटनेवर आधारित या वेबसीरिजमध्ये 1984 च्या दंगलीचे सत्य दडले आहे.

कोटा फॅक्टरी 2 (Kota Factory 2) : भारतातील सर्वाधिक चर्चेत असणाऱ्या वेब सीरीजमध्ये कोटा फॅक्टरीचा समावेश आहे. कोचिंग हबमधील विद्यार्थ्यांवरील दबावाची आणि त्यांना करावा लागणाऱ्या संघर्षाची कथा चांगल्या पध्दतीने या सीरिजमध्ये दाखवण्यात आली आहे.

'स्क्विड गेम' Squid Game : काही दिवसांपूर्वी प्रदर्शित झालेल्या 'स्क्विड गेम' या वेब सीरिजला प्रेक्षकांची पसंती मिळाली आहे. ब्लूमबर्गमधील इंटरनल रिपोर्ट्सनुसार, या वेब सीरिजने आत्ता पर्यंतचे सर्व रेकोर्ड्स तोडले असून 900 मिलियन डॉलरची कमाई केली आहे. ही वेब सीरिज तयार करण्यासाठी फक्त 21.4 मिलियन डॉलर एवढा खर्च झाला होता.

संबंधित बातम्या