Virat Kohli Anushka Sharma : दोन लेकरांसाठी अनुष्का अभिनय आणि देशालाही रामराम करणार? विराटच्या 'त्या' व्हिडिओने चर्चा रंगली

Virat Kohli Anushka Sharma : अनुष्का शर्मा आणि विराट कोहली यांना आपलं वैयक्तिक आयुष्य प्रायव्हेट ठेवायला आवडतं. विराट कोहलीचा एक व्हिडीओ सध्या सोशल मीडियावर व्हायरल होत आहे. या व्हिडीओमध्ये तो रिटायरमेंटबद्दल भाष्य करताना दिसत आहे. या व्हिडीओनंतर अनुष्का शर्मा आपल्या पती आणि मुलांसह परदेशात शिफ्ट होणार असल्याचं म्हटलं जात आहे.

Virat Kohli Anushka Sharma

Virat Kohli Anushka Sharma : बॉलिवूड अभिनेत्री अनुष्का शर्मा (Anushka Sharma) आणि भारतीय क्रिकेटर विराट कोहली (Virat Kohli) नेहमीच कोणत्या ना कोणत्या कारणाने चर्चेत असतात. अनुष्का शर्मा काही दिवसांपासून सिनेसृष्टीपासून दूर आहेत. अभिनेत्री सध्या आपल्या वैयक्तिक आयुष्यामुळे चर्चेत आहे. अनुष्का सध्या आपला पती विराट कोहलीसोबत सेकंड पॅरेंट्स लाइफ एन्जॉय करताना दिसत आहे. नुकतचं लंडनमध्ये तिने आपला दुसरा मुलगा अकायचं स्वागत केलं आहे. अद्याप या जोडप्याने लेक वामिका आणि मुलगा अकायचा चेहरा चाहत्यांना दाखवलेला नाही. अशातच आता विराट कोहलीचा एक व्हिडीओ सोशल मीडियावर व्हायरल होत आहे. यात ते आपल्या रिटायरमेंटबद्दल भाष्य करताना दिसून येत आहेत. तसेच व्हिडीओमध्ये मुलांना घेऊन लंडनमध्ये शिफ्ट होणार असल्याची हिंटदेखील देत आहे. या व्हिडीओनंतर अनुष्का शर्मा आपला पती आणि मुलांसोबत परदेशात शिफ्ट होणार असल्याचं म्हटलं जात आहे. अद्याप दोघांनीही याबद्दल अधिकृत माहिती दिलेली नाही. 

विराट कोहली सध्या 'आयपीएल 2024'मध्ये व्यस्त आहे. अनुष्का शर्मा नुकतीच मुलगा अकायला घेऊन लंडनहून भारतात आली आहे. अनुष्काने लंडनमध्ये अकायला जन्म दिल्याने ती लंडनमध्येच शिफ्ट होणार असल्याच्या चर्चांना सुरुवात झाली होती. आता विराट कोहलीच्या व्हिडीओमुळे या चर्चा पुन्हा सुरू झाल्या आहेत. 

विराट कोहलीच्या वक्तव्याने चर्चांना सुरुवात

विराट कोहलीचा एक व्हिडीओ सध्या सोशल मीडियावर व्हायरल होत आहे. या व्हिडीओमध्ये विराट रिटायरमेंटबद्दल भाष्य करताना दिसत आहे. विराट कोहली म्हणतोय,"एक खेळाडू म्हणून आमच्या करिअरमध्ये एक एक्सपायरी डेट असते. मी पाठिंबा देण्याचं काम करतोय. मी सातत्याने खेळू शकत नाही. मला कधीही पश्चाताप होणार नाही. जोपर्यंत मी खेळतोय तोपर्यंत मी 100% देईल. पण एकदाचा खेळून मी काही दिवसांसाठी गायब होऊ शकतो". 

Virat Kohli said, "as a sportsman, we do have an end date to our career.I can't keep playing forever. I'm sure I won't have any regrets left. I'll give my all till I'm playing, but once I'm done, I'll be gone, you won't see me for a while 😢#ViratKohli

pic.twitter.com/h0Oj8jVkKC

— Khabri_Prasang (@Prasang_) May 16, 2024

विराट कोहलीच्या या व्हायरल व्हिडीओनंतर अनुष्का शर्मादेखील परदेशात शिफ्ट होणार असल्याचं म्हटलं जात आहे. माझ्यासाठी कुटुंब महत्त्वाचं आहे, असं अनुष्का शर्मा अनेकदा म्हणाली आहे. टाइम्स नाऊला दिलेल्या मुलाखतीत अनुष्का शर्मा लेक वामिकाबद्दल म्हणाली होती,"मला माझ्या डोळ्याने वामिकाचं बालपण पाहायचं आहे". त्यामुळे वामिका आणि अकायसाठी विराटने संन्यास घेतल्यानंतर अनुष्का शर्माही अभिनयक्षेत्राला रामराम करणार? असा प्रश्न उपस्थित होत आहे. विराटच्या या व्हिडीओमुळे चाहते मात्र नाराज झाले आहेत. 

संबंधित बातम्या