एक्स्प्लोर

Vicky Kaushal-Katrina Kaif Marriage : कतरिना आणि विकी हनीमूनवरून उद्या परतणार मुंबईला

Vicky Kaushal-Katrina Kaif Marriage : कतरिना कैफ आणि विकी कौशल मालदीवमधील हनीमूनवरून उद्या दुपारी मुंबईला परतणार आहेत.

By : रवी जैन | Edited By: मंजिरी पोखरकर | Updated at : 13 Dec 2021 04:52 PM (IST)

vicky_kaushal_katrina_kaif

Vicky Kaushal-Katrina Kaif Marriage : कतरिना कैफ आणि विकी कौशल नुकतेच विवाहबंधनात अडकले. राजस्थानच्या बरवारा येथील सिक्स सेन्सेस फोर्टमध्ये त्यांचा शाही विवाहसोहळा पार पडला. त्यानंतर ते हनीमूनसाठी मालदीवला रवाना झाले. आता विकी आणि कतरिना मालदीवमधील हनीमूनवरून उद्या दुपारी मुंबईला परतणार आहेत.

कतरिना आणि विकी उद्या दुपारी दोन नंतर मुंबईतील कलिना विमानतळावर चार्टर्ड विमानाने उतरतील, अशी शक्यता वर्तवली जात आहे. विशेष म्हणजे दोघेही एकत्र मुंबईहून चार्टर्ड विमानाने 6 डिसेंबर रोजी जयपूरला रवाना झाले होते. आणि आता दोघेही चार्टर्ड विमानाद्वारे एकत्र मुंबईला परतणार आहेत.

कतरिना कैफ आणि विकी कौशल यांनी 9 डिसेंबर रोजी राजस्थानमधील रॉयल सिक्स सेन्स फोर्ट बरवारा येथे सात फेरे घेतले. मेहंदी, हळदी, संगीत, लग्न अशा सर्व समारंभांना कतरिना आणि विकीच्या जवळच्या नातेवाईकांनी हजेरी लावली होती. पण दोघांच्या या शाही विवाह सोहळ्यात एकाही बॉलिवूड सेलिब्रिटीची उपस्थिती नव्हती.

कोरोनामुळे दोघांनीही अगदी जवळच्या लोकांना लग्न समारंभासाठी आमंत्रित केले होते. पण आता दोघेही बॉलीवूडमधील त्यांच्या सर्व मित्रांसाठी एक भव्य रिसेप्शन आयोजित करतील, असा अंदाज वर्तवला जात आहे.

View this post on Instagram

A post shared by Vicky Kaushal (@vickykaushal09)

9 डिसेंबरला लग्न झाल्यानंतर कतरिना आणि विकी 10 डिसेंबरला सकाळी हेलिकॉप्टरने जयपूर विमानतळावर पोहोचले. तेथून मुंबई विमानतळावर इंधन घेण्यासाठी दोघांचे चार्टर्ड विमान काही काळ थांबले. यानंतर दोघेही एकाच चार्टर्ड विमानातून मालदीवमधील आलिशान रिसॉर्टमध्ये हनिमूनसाठी रवाना झाले.

संबंधित बातम्या