TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या

Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.

TOP_5_Entertainment_News

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -

रवी जाधव दिग्दर्शित 'बाल शिवाजी' सिनेमा लवकरच होणार प्रदर्शित

दिग्गज चित्रपट निर्माते, दिग्दर्शक रवी जाधव दिग्दर्शित 'बाल शिवाजी' हा सिनेमा आहे. जून 2022 मध्ये या सिनेमाच्या चित्रीकरणाला सुरुवात होणार आहे. छत्रपती शिवाजी महाराज यांच्या 392व्या जयंतीनिमित्ताने रवी जाधव यांनी ड्रीम प्रोजेक्ट 'बाल शिवाजी'ची घोषणा केली आहे. 

फरहान अख्तर आणि शिबानी दांडेकर अडकले लग्नबंधनात

फरहान अख्तर आणि  शिबानी दांडेकर जवळपास तीन वर्षांपासून एकमेकांना डेट करत आहेत. आता दोघांनीही त्यांचे नाते एक पाऊल पुढे घेऊन जाण्याचा निर्णय घेतला आहे. आज दोघेही लग्नबंधनात अडकले आहेत. फरहान आणि शिबानीने एका खास पद्धतीत लग्न केले आहे. त्यांनी एकमेकांबद्दलच्या इच्छा आणि अपेक्षा लिहून काढल्या आहेत. या इच्छा त्यांनी लग्नसोहळ्यात वाचल्या आहेत. दोघांचं प्रेम धार्मिक परंपरेपेक्षा वरचढ आहे. यासाठी दोघांनी एकमेकांना पूर्ण स्वातंत्र्य दिले आहे. त्यांचे लग्न अतिशय साधेपणाने झाले आहे.

बिग बींचा 'स्वॅगर' लूक, 'झुंड'चे 'लफडा झाला' गाणे प्रेक्षकांच्या भेटीला

बॉलिवूड मेगास्टार अमिताभ बच्चन यांचा मोस्ट अवेटेड चित्रपट 'झुंड'  लवकरच रिलीज होणार आहे. चित्रपटाच्या प्रदर्शनाची तारीख जसजशी जवळ येत आहे, ते लक्षात घेऊन निर्माते चित्रपटाची गाणी रिलीज करत आहेत. 'झुंड' चित्रपटातील गाणे 'आया ये झुंड' नंतर आता 'लफडा झाला' हे दुसरे गाणे नुकतेच प्रदर्शित झाले आहे. अमिताभ भट्टाचार्य यांनी या गाण्याचे बोल लिहिलेले असून, हे गाणे अजय गोगावले यांनी त्यांच्या भारदस्त आवाजात गायले आहे.

'गंगूबाई काठियावाडी' सिनेमात अजय देवगण साकारणार रहिमलालाचे पात्र 

संजय लीला भन्साळी यांनी दिग्दर्शित केलेला 'गंगूबाई काठियावाडी' सिनेमा 25 फेब्रुवारी 2022 रोजी प्रदर्शित होणार आहे. या सिनेमात बॉलिवूड अभिनेत्री आलिया भट्ट आणि अजय देवगण प्रमुख भूमिकेत आहेत. 'गंगूबाई काठियावाडी' सिनेमात अजय देवगण रहिमलालाचे पात्र साकारणार आहे. नुकतीच अजयच्या पात्राची झलक प्रेक्षकांच्या भेटीला आली आहे. या व्हिडीओमध्ये अजय डॅशिंग लूकमध्ये दिसत आहे. अजयने त्याच्या पात्राची झलक दाखवणारा व्हिडीओ शेअर करत लिहिले आहे,"इमान..धर्म...धंदा.. आम्ही येत आहोत सहा दिवसांत".

संजय दत्तच्या 'तुलसीदास ज्युनियर' सिनेमाचा ट्रेलर आऊट

'तुलसीदास ज्युनियर' सिनेमाचा ट्रेलर नुकताच प्रेक्षकांच्या भेटीला आला आहे. हा सिनेमा 4 मार्च 2022 रोजी प्रेक्षकांच्या भेटीला येणार आहे. या सिनेमात दिवंगत राजीव कपूर, संजय दत्त आणि बालकलाकार वरुण बुद्धदेव प्रमुख भूमिकेत आहेत. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha