Tiger Shroff: टायगर श्रॉफ जगतोय लग्जरी लाईफ, जाणून घ्या त्याची लाईफस्टाईल आणि संपत्ती

Tiger Shroff: टायगर श्रॉफने चित्रपट जगतात आपली एक वेगळीच ओळख निर्माण केली आहे. तो अगदी लग्जरी लाईफ जगतोय. 

Tiger shroff

मुंबई: टायगर श्रॉफचे नाव बॉलिवूडच्या टॉप अ‍ॅक्शन सुपरस्टार्सच्या यादीत आहे. जॅकी श्रॉफचा लाडका मुलगा त्याच्या सिक्स पॅक अ‍ॅब्स आणि डांसिग स्किल्समुळे नेहमी चर्चेचा विषय राहिला आहे. बॉलिवूडमधील सगळ्याच स्टार्सचे प्रोफेशनल लाईफसोबतच पर्सनल लाईफ देखील चर्चेत असते. स्टार किड असूनही टायगर श्रॉफने चित्रपट जगात आपली एक वेगळी ओळख निर्माण केली आहे. टायगर श्रॉफने साजिद नाडियाडवाला यांच्या हिरोपंती चित्रपटामधून बॉलिवूडमध्ये पदार्पण केले, त्याच बरोबर तो एक अ‍ॅक्शन स्टार तसेच उत्तम अभिनेता आहे.

टायगर श्रॉफची लग्जरी लाइफस्टाईल
बॉलिवूड स्टार्स, एक न अनेक कारणांनी सतत चर्चेचा विषय बनलेले असतात. त्यात त्यांची लग्जरी लाईफ सामान्य जनतेला भुरळ घालत असते. 2021 मधील टायगर श्रॉफची संपत्ती 100 कोटी रुपये इतकी होती. अनेक येणारे चित्रपट, खूप सारे एंडोर्समेंट आणि सोशल मिडीयाकडून मिळणारे इन्कम तसेच वेगवेगळ्या ठिकाणी असलेली गुंतवणूक या सगळ्या मधून मिळणारा खूप सारा पैसा वापरून टायगर आपले लग्जरी जीवन जगतो. टायगर खूप कमी बोलतो, पण त्याला मनमोकळेपणाने आपले जीवन जगायला आवडते. टायगर श्रॉफ त्याच्या एका चित्रपटासाठी जवळपास 12-13 कोटी रुपये मानधन घेतो.

फिटनेसचा शौकीन 
टायगर श्रॉफ आठवड्यातील सातही दिवस वर्कआऊट करतो. नेहमीच तो वेगवेगळे वर्कआऊट करतानाचे व्हिडीओ सोशल मीडियावर पोस्ट करतो. कधी पुलअप्स, पुलडाऊन्स, डंबेल रोल यांसारखे व्यायाम तो करताना दिसतो. तर कधी तो सपाट आणि झुकलेल्या बेंच, डंबेल प्रेस आणि चेस्ट फ्लाईज करून छातीचा व्यायाम करतो. टायगर केवळ स्वत:ला तंदुरुस्त ठेवत नाही तर लाखो तरुणांना त्या माध्यमातून फिटनेसच्या टिप्स देतो. तसेच निरोगी शरीरासाठी योग्य आहार आणि व्यायाम करण्यासाठी इतरांना प्रेरित करताना दिसतो. 

आलिशान अपार्टमेंट
टायगर श्रॉफच्या घराची किंमत 31 कोटींहून अधिक आहे. हे घर आठ रूम्सचे आहे.  त्याच्या घरात जिमपासून डान्स स्टुडीओपर्यंत वेगवेगळ्या सुविधा आहेत.  

कार कलेक्शन
टायगर श्रॉफच्या ताफ्यात BMW, SS Jaguar 100, Land Rover Range Rover सारख्या लग्जरी कारचा समावेश आहे.

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha