Archana Puran Singh on Film offers: 'मला काम हवंय...'; 10 वर्षांत एकाही सिनेमाची ऑफर नाही, अर्चना पूरन सिंह झाली भावूक, म्हणाली...

Archana Puran Singh on Film offers: गेल्या 10 वर्षात काम न मिळाल्याचा खुलासा अर्चना पूरन सिंहने आपल्या मुलाखतीतून केला.

Archana Puran Singh on Film offers

टीव्ही आणि सिनेमातून प्रेक्षकांच्या मनात घर तयार करणारी अभिनेत्री म्हणजे अर्चना पूरन सिंह. सध्या ती 'द कपिल शर्मा' शोमध्ये दिसते. तिनं नुकतंच मुलाखतीतून खुलासा केला की, तिला इंडस्ट्रीत काम मिळत नाहीये.

'द कपिल शर्मा' शोमध्ये सतत व्यस्त असल्यामुळे ती सिनेमा आणि शोजपासून दूर होती, असं तिनं सांगितलं.

टीव्ही शोमध्ये व्यग्र असल्यामुळे तिला अनेक भूमिकांना नकार द्यावा लागला. तिनं अलिकडेच व्लोगिंग देखील सुरू केली होती.

न्यूज 18 इंग्लिशसोबत संवाद साधताना अर्चना म्हणाली, 'मला ब्रँज एंडोर्समेंटच्या ऑफर्स मिळत आहे. पण अभिनयासाठी मला अजूनही ऑफर्स मिळत नाहीये. 'टोस्तर'नंतर माझ्याकडे चित्रपटांची रांग लागली, असं काही नाहीये', असं अर्चना म्हणाली.

'काही दिवसांपू्र्वी मी एक सिनेमा रिजेक्ट केला होता. कारण मला त्या सिनेमातील भूमिका आवडली नव्हती. मला चांगल्या भूमिका मिळत नाहीयेत. मी निर्मात्यांना हेच सांगू इच्छिते की, मी मला काम करायचं आहे'.

रोहित शेट्टी दिग्दर्शित 'बोल बच्चन' हा सिनेमा बॉक्स ऑफिसवर हिट ठरला. 'बोल बच्चन सिनेमा रिलीज झाल्यानंतर ट्रेड अॅनालिस्ट्सचे मला फोन येऊ लागले. ते मला म्हणाले होते की, तुमच्याकडे आता सिनेमांची रांग लागेल', असं अर्चना म्हणाली.

'मी त्यांना मस्करीत म्हणली होती, ज्या दिवशी मला सिनेमाची पहिली ऑफर येईल, तेव्हा मी स्वत: तुम्हाला कॉल करेल. मी त्यांना अजूनही कॉल करु शकले नाही. 10 वर्ष झाली मला एकाही सिनेमा फिल्ममेकरकडून ऑफर मिळालेली नाही. आमची इंडस्ट्री खरंच खूप वेगळी आहे', असं अभिनेत्री म्हणाली.

अर्चनाला जेव्हा 'आदर्श बाल विद्यालय' या वेब सिरीजमध्ये काम करण्याची संधी मिळाली, तेव्हा तिचा आनंद गगनात मावेनासा झाला. या सिरीजमधून तिचा हटके अंदाज पाहायला मिळत आहे.