Tiger 3 Trailer Out: टायगर आणि जोया अॅक्शन मोडमध्ये; टायगर-3 चा धमाकेदार ट्रेलर रिलीज; सलमान, कतरिना आणि इमरान हाश्मीचा जबरदस्त लूक
टायगर-3 या चित्रपटाच्या ट्रेलरमध्ये टायगर आणि जोया म्हणजेच सलमान आणि कतरिना कैफ (Katrina Kaif) हे अॅक्शन मोडमध्ये दिसत आहेत. तसेच या ट्रेलरमधील इमरान हाश्मीच्या (Emraan Hashmi) लूकनं अनेकांचे लक्ष वेधले आहे.
Tiger 3 Trailer Out: बॉलिवूडचा भाईजान सलमान खान (Salman Khan) हा आता प्रेक्षकांना पुन्हा अॅक्शन मोडमध्ये दिसणार आहे. सलमानचा टायगर-3 या चित्रपटाचा धमाकेदार ट्रेलर नुकताच रिलीज झाला आहे. या ट्रेलरमध्ये टायगर आणि जोया म्हणजेच सलमान आणि कतरिना कैफ (Katrina Kaif) हे अॅक्शन मोडमध्ये दिसत आहेत. तसेच या ट्रेलरमधील इमरान हाश्मीच्या (Emraan Hashmi) लूकनं अनेकांचे लक्ष वेधले आहे.
टायगर- 3 या चित्रपटाच्या ट्रेलरच्या सुरुवातीला टायगरचे कुटुंब दिसत आहे. त्यानंतर टायगर आणि जोया हे अॅक्शन मोडमध्ये दिसतात. 'जब तक टाइगर मरा नहीं, तब तक टाइगर हारा नहीं...' हा सलमानचा डायलॉग टायगर- 3 या चित्रपटाच्या ट्रेलरमध्ये ऐकू येतो. टायगर-3 या चित्रपटाचा ट्रेलर पाहिल्यानंतर असा अंदाज लावला जाऊ शकतो की, या चित्रपटात टायगर हा देशासाठी आणि कुटुंबासाठी लढणार आहे. या चित्रपटात इमरान हाश्मी हा खलनायकाची भूमिका साकारणार आहे.
सलमान खान हा ट्रेलरमध्ये काही स्टंट करताना दिसत आहे. तसेच कतरिनाचे देखील काही अॅक्शन सीन्स टायगर- 3 या चित्रपटाच्या ट्रेलरमध्ये दिसत आहेत. 'आतिशबाजी तुमने शुरू की खत्म मैं करूंगा' सलमानचा हा डायलॉग देखील टायगर 3 चित्रपटाच्या ट्रेलरमध्ये ऐकू येतो. टायगर 3 चित्रपटाचा हा 2 मिनिटे 51 सेकंदाचा ट्रेलर पाहिल्यानंतर यंदा 'सलमान हा दिवाळीला बॉक्स ऑफिसवर धमाका करणार', असा अंदाज नेटकरी लावत आहेत.
पाहा ट्रेलर:
'टायगर 3' हा चित्रपट YRF च्या स्पाय युनिव्हर्स (YRF Spy Universe) चा पाचवा चित्रपट आहे. यामध्ये सलमान खानसोबत कतरिना कैफ आणि इमरान हाश्मी मुख्य भूमिकेत दिसणार आहेत. या चित्रपटाचे दिग्दर्शन मनीष शर्मा यांनी केले आहे. 'टायगर 3' हा चित्रपट यंदा दिवाळीला 12 नोव्हेंबर रोजी थिएटरमध्ये येणार आहे. हा चित्रपट हिंदी, तमिळ आणि तेलुगु भाषेत प्रदर्शित होणार आहे. सलमाननं सोशल मीडियावर 'टायगर 3' या चित्रपटाच्या ट्रेलरची झलक असणारा व्हिडीओ शेअर करुन कॅप्शनमध्ये लिहिलं, "टाइगर से दुश्मनी सबको भारी पड़ती है।"
View this post on Instagram
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
