नाशिक : 'बाहुबली 2' पाहण्यासाठी गेलेल्या प्रेक्षकाच्या घरी चोरी

नाशिक : 'बाहुबली 2' सिनेमा पाहणं नाशिकच्या ससाणे कुटुंबियांना चांगलंच महागात पडलं. सिनेमा पाहण्यासाठी गेले असताना त्यांच्या घरातून 8 तोळे सोनं आणि 30 हजार रुपये लंपास करण्यात आले आहेत. हिरावाडी परिसरातील ससाणे कुटुंबीय बाहुबली 2 चा 3 वाजेचा शो पाहण्यासाठी मल्टीप्लेक्सला गेले होते. या दरम्यानच चोरट्यांनी हात साफ केले. बाहुबली 2 सिनेमा पाहण्यासाठी प्रेक्षक मोठी गर्दी करत आहेत. बहुतांश शहरांमध्ये या सिनेमाचे शो हाऊसफुल्ल सुरु आहेत. याचाच फायदा घेऊन चोरटे प्रेक्षकांच्या घरावर डल्ला मारत आहेत.