Bamboo : अभिनयला मिळणार त्याचं खरं प्रेम की लागणार ‘बांबू’? ट्रेलर आऊट

Bamboo : अभिनय बेर्डेच्या 'बांबू' या सिनेमाचा ट्रेलर प्रेक्षकांच्या भेटीला आला आहे.

Bamboo

Bamboo Trailer Out : आपल्या आजुबाजुला असा एकतरी मित्र असतो, ज्याचे प्रेमात बांबू लागलेले असतात. प्रेमातील हाच अनुभव सांगणाऱ्या 'बांबू' (Bamboo) या सिनेमाचा ट्रेलर प्रेक्षकांच्या भेटीला आला आहे. 

'बांबू' सिनेमाच्या ट्रेलरमध्ये अभिनय बेर्डे (Abhinay Berde) एका सर्वसामान्य मुलाच्या भूमिकेत दिसत आहे. प्रत्येक मुलगी त्याला ‘त्या’ नजरेनं कधी बघतंच नाही. खऱ्या प्रेमाच्या शोधात असतानाच त्याच्या आयुष्यात ‘त्या’ नजरेनं बघणारी मुलगी येते. मात्र या प्रेमात मित्र पार्थ भालेराव प्रेमाच्या आड येताना दिसतोय. आता अभिनयला त्याचं खरं प्रेम मिळणार का, की प्रेमात बांबू लागणार, याचे उत्तर सिनेमा पाहिल्यावर प्रेक्षकांना मिळणार आहे. 

ट्रेलरमध्ये तेजस्विनी पंडितचीही झलक दिसत आहे. सिनेमात तिची काय भूमिका आहे, हे 26 जानेवारीलाच कळेल. अभिनय बेर्डे, पार्थ भालेराव आणि वैष्णवी कल्याणकर यांच्यासोबतच शिवाजी साटम, समीर चौघुले, अतुल काळे आणि स्नेहल शिदमही या सिनेमात महत्त्वाच्या भूमिकेत आहेत.

'बांबू' सिनेमासंदर्भात दिग्दर्शक विशाल देवरुखकर म्हणाले, "या चित्रपटाच्या कथेचा अनुभव मी कॉलेजमध्ये स्वतःही घेतला आहे. त्यामुळे हा चित्रपट मला खूप जवळचा वाटला. प्रत्येकाला हा चित्रपट आपल्या आयुष्याशी जवळचा वाटणारा आहे. त्यामुळेच हा चित्रपट दिग्दर्शित करण्याचे मी ठरवले."

 

 

 

 

 

View this post on Instagram

 

 

 

 

 

 

 

 

 

 

 

A post shared by Abhinay L Berde (@abhinay3)

तेजस्विनी पंडित म्हणाली, "मी खरं तर दोन्ही अनुभवलं आहे. माझे बांबूही लागले आहेत आणि मीही बांबू लावले आहेत. मला असं वाटतं दहा पैकी नऊ जणांना ‘मी तुला त्या नजरेनं पाहिलं नाही’ या गाण्याचा किंवा प्रेमात ‘बांबू’ लागल्याचा आयुष्यात अनुभव येतो. त्यामुळे हा विषय अनेकांना जवळचा वाटेल. यात तरूणाईही आहे आणि शिवाजी साटम, अतुल काळे, समीर चौघुले यांसारखे दिग्गजही आहेत. हा सिनेमा युथ ओरिएंटेड दिसत असला तरी यात कौटुंबिक मनोरंजनही पाहायला मिळणार आहे. संपूर्ण कुटुंबासोबत तुम्ही ‘बांबू’ बघू शकता. कदाचित असं होईल, तुमचे बाबा, आई, दादा हा सिनेमा पाहून आल्यावर त्यांच्या कॅालेजच्या अशा आठवणी तुमच्यासोबत शेअर करतील."