Adah Sharma: अदा शर्मा नाही तर 'हे' खरं नाव; 'द केरळ स्टोरी' मधील अभिनेत्रीनं सांगितलं नाव बदलण्याचं कारण
अभिनेत्री अदा शर्माच्या (Adah Sharma) खऱ्या नावाबद्दल अनेकांना माहित नसेल. जाणून घेऊयात तिच्या खऱ्या नावाबद्दल...
Adah Sharma: गेल्या काही दिवसांपासून द केरळ स्टोरी (The Kerala Story) हा चित्रपट चर्चेत आहे. या चित्रपटानं बॉक्स ऑफिसवर कोट्यवधींची कमाई केली आहे. अभिनेत्री अदा शर्मानं (Adah Sharma) या चित्रपटामध्ये प्रमुख भूमिका साकारली आहे. या चित्रपटामधील अदाच्या अभिनयाचं अनेक जण कौतुक करत आहेत. अदा शर्मानं द केरळ स्टोरी या चित्रपटाआधी देखील अनेक चित्रपटांमध्ये काम केले. पण अदाला द केरळ स्टोरी या चित्रपटामुळे विशेष लोकप्रियता मिळत आहे. पण अदाच्या खऱ्या नावाबद्दल अनेकांना माहित नसेल. जाणून घेऊयात तिच्या खऱ्या नावाबद्दल...
अदानं एका मुलाखतीमध्ये सांगितलं की, तिचे खरे नाव ‘चामुंडेश्वरी अय्यर’ ( Chamundeshwari Iyer) आहे. अदानं या मुलाखतीत नाव बदलण्याचं कारण देखील सांगितलं. ती म्हणाली, 'माझे हे खरे नाव उच्चारणे खूप कठीण होते. अनेक लोकांना माझ्या नावाचा उच्चार बरोबर करता येत नव्हता. यामुळे मी चामुंडेश्वरी हे नाव बदलून अदा असे केले.'
View this post on Instagram
अदाचे चित्रपट
2008 मध्ये रिलीज झालेल्या विक्रम भट्टच्‍या 1920 या हॉरर चित्रपटामधून अदानं बॉलिवूडमध्ये पदार्पण केलं. अदानं कमांडो 2, कमांडो 3 आणि बायपास रोडसह अनेक चित्रपटांमध्ये काम केले. अदाला द केरळ स्टोरी या चित्रपटामधून विशेष लोकप्रियता मिळत आहे. या चित्रपटात अदानं शालिनी ही भूमिका साकारली आहे. शालिनी ही फातिमा कशी होते? हे द केरळ स्टोरी या चित्रपटात दाखवण्यात आलं आहे.
'द केरळ स्टोरी' या सिनेमात अदा शर्मासोबतच योगिता बिहानी, सोनिया बलानी आणि सिद्धी इडनानी महत्त्वाच्या भूमिकेत आहेत. या चित्रपटानं बॉक्स ऑफिसवर कोट्यवधींची कमाई केली आहे. या चित्रपटाचं दिग्दर्शन सुदीप्तो सेन यांनी केलं आहे. या चित्रपटानं बॉक्स ऑफिसवर 100 कोटींपेक्षा जास्त कमाई केली आहे. या चित्रपटाच्या कथानकाचं आणि चित्रपटामधील कलाकारांच्या अभिनयाचं अनेक जण कौतुक करत आहेत. तर काही जण या चित्रपटावर टीका करत आहेत.मुलींचं धर्म परिवर्तन करुन त्यांना दहशतवादी संघटना ISIS मध्ये कसं सामील केलं जातं हे सांगणारा 'द केरळ स्टोरी' हा सिनेमा आहे.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
