Vijay Thalapathy : होऊ दे धुरळा! दाक्षिणात्य सुपरस्टार थलापती विजयचं इंस्टाग्रामवर पदार्पण; अवघ्या काही तासांत 40 लाख फॉलोअर्स
Vijay Thalapathy : दाक्षिणात्य सुपरस्टार थलापती विजयने इंस्टाग्रामवर (Instagram) धमाकेदार एन्ट्री केली आहे.
Vijay Thalapathy On Instagram : दाक्षिणात्य सुपरस्टार थलापती विजयने (Thalapathy Vijay) इंस्टाग्रामवर (Instagram) आपलं खातं उघडलं आहे. विजयच्या इंस्टाग्राम एन्ट्रीने त्याच्या चाहत्यांचा आनंद गगनात मावेनासा झाला आहे. इंस्टाग्रामवर एन्ट्री करत विजयने एक खास पोस्ट शेअर केली आहे.
इंस्टाग्रामवर एन्ट्री करताच थलापती विजयचे अवघ्या काही तासांत 40 लाख फॉलोअर्स झाले आहेत. थलापती विजयने इंस्टाग्रावर पदार्पण करत एक खास पोस्ट केली आहे. त्याने स्वत:चाच एक फोटो शेअर केला आहे. या फोटोमध्ये तो पांढरा टी-शर्ट आणि काळ्या रंगाच्या जॅकेटमध्ये दिसत आहे. फोटो शेअर करत त्याने कॅप्शन लिहिलं आहे,"नमस्कार मित्रांनो".
View this post on Instagram
थलापती विजयचा इंस्टाग्रामवर जलवा!
इंस्टाग्राम एन्ट्रीमुळे थलापती विजय सध्या चर्चेत आहे. इंस्टाग्रामवर एन्ट्री केल्यावर अवघ्या काही तासांत विजयचे 40 लाखापेक्षा अधिक फॉलोअर्स झाले आहेत. तसेच त्याच्या फोटोला चाहत्यांनी पसंती दर्शवली आहे. जवळपास 41 लाख लोकांनी विजयचा फोटो लाइक केला आहे. तसेच चाहते कमेंट करत विजयला शुभेच्छा देत आहेत.
ट्वीटवर #ThalapathyOnINSTAGRAM ट्रेडिंगमध्ये
थलापती विजय इंस्टाग्रामवर येताच ट्वीटवर '#ThalapathyOnINSTAGRAM' हे ट्रेडिंगमध्ये आहे. तसेच सर्वात पहिलं त्याला किर्ती सुरेश आणि रश्मिका मंदान्नाने फॉलो केलं आहे. थलापती विजय हा दाक्षिणात्य सिनेसृष्टीतील सर्वाधिक मानधन घेणारा अभिनेता आहे. त्याचे कोट्यवधी चाहते त्याची एक झलक पाहण्यासाठी आतुर असतात. अशातच आता विजयच्या इंस्टाग्राम एन्ट्रीने त्याचे चाहते आनंदी झाले आहेत.
थपापती विजयचे आगामी प्रोजेक्ट (Vijay Thalapathy Upcoming Project)
थपापती विजयचा 'वरिसु' हा सिनेमा नुकताच प्रेक्षकांच्या भेटीला आला होता. या सिनेमाने जगभरात 300 कोटींची कमाई केली आहे. या सिनेमातील विजय आणि रश्मिका मंदान्नाची केमिस्ट्री चाहत्यांच्या पसंतीस उतरली होती. आता लोकेश कनदराजच्या आगामी सिनेमात विजय झळकणार आहे. या सिनेमात विजयसह संजय दत्तदेखील महत्त्वाच्या भूमिकेत दिसणार आहेत. हा सिनेमा 19 ऑक्टोबर 2023 रोजी सिनेमागृहात प्रदर्शित होणार आहे. तसेच शाहरुख खानच्या (Shah Rukh Khan) आगामी 'जवान' (Jawan) सिनेमातदेखील विजयची झलक पाहायला मिळणार आहे.
संबंधित बातम्या
Beast : बीस्ट चित्रपट पाहिल्यानंतर नाराज झाले विजय थलापतीचे वडील; दिग्दर्शकाला म्हणाले, 'चित्रपटाची निर्मीती करण्याआधी...'
महत्त्वाच्या बातम्या
