Telly Masala : बॉलिवूडच्या प्रसिद्ध गायकावर कोसळला दु:खाचा डोंगर ते बिग बॉसच्या घरात गुणरत्न सदावर्तेंनी स्वत:ची ओळख सांगितली; जाणून घ्या मनोरंजनसृष्टीसंबंधित बातम्या...

Telly Masala : मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Telly Masala Entertainment News Latest Update

Source : insta

Telly Masala : मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial), चित्रपट (Movies) आणि वेब सीरिज (Web Series) प्रेक्षकांच्या भेटीला येत आहेत. जगभरातील प्रेक्षकांना मराठीसह विविध कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

प्रसिद्ध बॉलिवूड गायकावर कोसळला दु:खाचा डोंगर, 77 व्या वर्षी आईचं निधन

Adnan Sami Mother Passes Away : बॉलिवूडमधील प्रसिद्ध गायक अदनान सामी याच्यावर दु:खाचा डोंगर कोसळला आहे. अदनान सामीला मातृशोक झाला आहे. अदनान सामीची आई बेगम नौरीन यामी यांच्या निधनाची मोठी बातमी दु:खद बातमी समोर आली आहे. नौरीन सामी यांचं वयाच्या 77 व्या वर्षी निधन झालं आहे. सोमवारी नौरीज सामी यांनी अखेरचा श्वास घेतला.

TMKOC Sonu : 'तारक मेहता...' मालिकेतून 'सोनू'ला बाहेरचा रस्ता, आता 'ही' नवीन अभिनेत्री साकारणार व्यक्तिरेखा

Taarak Mehta Ka Ooltah Chashmah : 'तारक मेहता का उलटा चष्मा' मालिका गेल्या 16 वर्षांपासून प्रेक्षकांचं मनोरंजन करत आहेत. या शोची मोठी फॅन फॉलोईंग आहे. गेल्या काही काळापासून 'तारक मेहता...' शो वादात सापडल्याचं पाहायला मिळत आहे. गेल्या काही काळात शोच्या निर्मात्यांचा कलाकारांशी वाद होताना दिसत आहे. त्यामुळे अनेक कलाकारांनी शो सोडला आहे, तर काहींना निर्मात्यांनीच शोच्या बाहेरचा रस्ता दाखवला आहे.

"ऐश्वर्याला मंगळ, ज्या घरात जाईल, त्यांचं वाटोळं होईल", जेव्हा अफवांवर संतापलेले बिग बी, दिलेलं सडेतोड उत्तर

Aishwarya Abhishek Bachchan: ऐश्वर्या राय (Aishwarya Rai) आणि अभिषेक बच्चन (Abhishek Bachchan) म्हणजे, बॉलिवूडमधील सर्वात फेवरेट कपल. दोघांनी 2007 मध्ये आपली लग्नगाठ बांधली होती. विश्वसुंदरी म्हणून ओळखली जाणारी बॉलिवूडची सौंदर्यवती ऐश्वर्या राय बच्चन कुटुंबाची सून झाली. पण, ज्यावेळी बीटाऊनमध्ये ऐश्वर्या आणि अभिषेकच्या लग्नाच्या चर्चा सुरू झाल्या, त्याचवेळी दोघांबाबत अनेक अफवादेखील उडाल्या होत्या. ऐश्वर्या रायला मंगळ असून अभिषेकसोबत लग्न करण्यापूर्वी तिचं लग्न एका झाडाशी लावण्यात आल्याचा दावा देखील त्यावेळी करण्यात आला होता. काही रिपोर्ट्समध्ये ऐश्वर्या बच्चन कुटुंबासाठी अशुभ असल्याचंही म्हटलं होतं. या बातमीनं अमिताभ बच्चन संतापले आणि त्यांनी सडेतोड उत्तर दिलं होतं.

Bigg Boss Marathi : रियालिटी शो की, सिंपथी शो...? गुलिगत सूरज बिग बॉस विनर ठरल्यानंतर मिताली मयेकरची इन्स्टा स्टोरी, पण काही तासांतच...

Bigg Boss Marathi 5 : बिग बॉस मराठीच्या पाचव्या धमाकेदार सीझनचा समारोप झाला आहे. रिल्स स्टार सूरज चव्हाण बिग बॉस मराठीच्या पाचव्या पर्वाचा विजेता बनला आहे. सूरजच्या विजयानंतर सोशल मीडियावर वेगवेगळ्या प्रतिक्रिया पाहायला मिळत आहे. अनेक सेलिब्रिटी आणि राजकारणींनी सूरज चव्हाणचं कौतुक आणि अभिनंदन केलं आहे. तर, याउलट सोशल मीडियावर एक दुसरा वर्ग आहे, जो सूरजच्या विजयाला विरोध करत आहे. यातच आता बिग बॉस मराठी 5 मध्ये सूरज चव्हाण जिंकल्यावर अभिनेत्री मिताली मयेकर नाराज असल्याची चर्चा आहे.

Bigg Boss 18 : महाराष्ट्रातील मराठा आरक्षण हटवण्यासाठी कोर्टात लढलो, बिग बॉसच्या घरात गुणरत्न सदावर्तेंनी स्वत:ची ओळख सांगितली!

Bigg Boss New Season : सलमान खानचा बहुचर्चित आणि बहुप्रतिक्षित असा छोट्या पडद्यावरील वादग्रस्त शो बिग बॉसच्या नवीन सीझनला सुरुवात झाली आहे. धमाकेदार ग्रँड प्रीमियरसह 6 ऑक्टोबरला बिग बॉस 18 सीझनला सुरुवात झाली आहे. बिग बॉसच्या घरात 18 सदस्यांना एन्ट्री मिळाली आहे. वकील गुणरत्न सदावर्ते यांनी बिग बॉसच्या घरात स्पर्धक म्हणून एन्ट्री घेतली आहे. बिग बॉसच्या घरात प्रवेश करताच गुणरत्न सदावर्तेंनी सदस्यांना स्वत:ची खास ओळख सांगितली आहे.

Happy Birthday Abhijeet Sawant : पत्र्याच्या शेडमध्ये राहिला, 'इंडियन आयडॉल'नं नशीब चमकलं, बिग बॉस मराठीचा 'जेंटलमन' अभिजीत सावंत कोट्यवधींचा मालक

Bigg Boss Marathi 5 Abhijeet Sawant : गायक अभिजीत सावंत याचा आज 7 ऑक्टोबर रोजी 43 वा वाढदिवस आहे. अभिजीत सावंत बिग बॉस मराठी सीझन 8 चा उपविजेता ठरला आहे. 'इंडियन आयडॉल 1' चा पहिला गायक अभिजीत सावंत शो जिंकल्यानंतर बरेच दिवस प्रसिद्धीपासून दूर होता. यानंतर तो बिग बॉसमधून पुन्हा एकदा छोट्या पडद्यावर झळकला. अभिजीत सावंतला प्रेक्षकांचा भरभरुन पाठिंबा मिळाल्याचा पाहायला मिळालं. अभिजीतचा इथंपर्यंत पोहोचण्याचा प्रवास फार खडतर आहे. अभिजीत सावंतच्या वाढदिवसानिमित्त त्याच्या आतापर्यंतच्या कारकिर्दीबाबत जाणून घ्या.