Bigg Boss 18 : महाराष्ट्रातील मराठा आरक्षण हटवण्यासाठी कोर्टात लढलो, बिग बॉसच्या घरात गुणरत्न सदावर्तेंनी स्वत:ची ओळख सांगितली!
Bigg Boss 18 : बिग बॉस 18 मध्ये वकील गुणरत्न सदावर्ते यांची एन्ट्री झाली आहे, यामुळे आता ते कसा खेळ खेळणार याकडे सर्वांचं लक्ष लागलं आहे.
Bigg Boss New Season : सलमान खानचा बहुचर्चित आणि बहुप्रतिक्षित असा छोट्या पडद्यावरील वादग्रस्त शो बिग बॉसच्या नवीन सीझनला सुरुवात झाली आहे. धमाकेदार ग्रँड प्रीमियरसह 6 ऑक्टोबरला बिग बॉस 18 सीझनला सुरुवात झाली आहे. बिग बॉसच्या घरात 18 सदस्यांना एन्ट्री मिळाली आहे. वकील गुणरत्न सदावर्ते यांनी बिग बॉसच्या घरात स्पर्धक म्हणून एन्ट्री घेतली आहे. बिग बॉसच्या घरात प्रवेश करताच गुणरत्न सदावर्तेंनी सदस्यांना स्वत:ची खास ओळख सांगितली आहे.
बिग बॉसच्या घरात गुणरत्न सदावर्तेंनी स्वत:ची ओळख सांगितली!
महाराष्ट्रातील मराठा आरक्षण हटवण्यासाठी कोर्टात लढलो, असं गुणरत्न सदावर्ते यांनी म्हटलं आहे. सदस्यांना स्वत:ची ओळख सांगताना गुणरत्न सदावर्ते म्हणाले की, "मी सर्वोच्च न्यायालयात राम जन्मभूमी, कमीत कमी आरक्षण यासारख्या मोठ्या प्रकरणात कोर्टात लढलो आहे. महाराष्ट्रातून मराठा आरक्षण हटवण्याच्या प्रकरणातही मी लढलो आहे आणि जिंकलोही आहे". यावर रजत दलाल म्हणतो की, "कधी गरज पडली, तर मी तुमची आठवण काढेन". यावर सदावर्ते म्हणाले की, "अशी गरज कुणालाही पडू नये".
View this post on Instagram
महाराष्ट्रातील मराठा आरक्षण हटवण्यासाठी कोर्टात लढलो
मराठा आरक्षण आणि एसटी कामगारांच्या संपामुळे चर्चेत आलेले गुणरत्न सदावर्ते आता बिग बॉस 18 मध्ये प्रेक्षकांचं मनोरंजन करताना दिसणार आहे. गुणरत्न सदावर्ते यांना वेगळ्या भूमिकेत पाहण्यासाठी प्रेक्षक खूप आतुर आहेत. सदावर्ते प्रेक्षकांचं कशाप्रकारे मनोरंजन करणार आणि इतर सदस्यांसोबत कशाप्रकारे जुळवून घेणार हे पाहणं उत्सुकतेचं ठरणार आहे.
View this post on Instagram
महत्त्वाच्या इतर बातम्या :
Bigg Boss Marathi : रियालिटी शो की, सिंपथी शो...? गुलिगत सूरज बिग बॉस विनर ठरल्यानंतर मिताली मयेकरची इन्स्टा स्टोरी, पण काही तासांतच...
महत्त्वाच्या बातम्या
ट्रेंडिंग न्यूज
